Gaza War: ಗಾಜಾ ನೆಲದಲ್ಲಿ ಮತ್ತೆ ಹಿಂಸೆ, 5 ಪ್ಯಾಲೆಸ್ತೀನ್ ನಾಗರಿಕರ ಜೀವ ತೆಗೆದ ಇಸ್ರೇಲ್ ಸೇನೆ?
ಗಾಜಾ ಪಟ್ಟಿಯಲ್ಲಿ ಇನ್ನೇನು ಯುದ್ಧ ನಿಂತು ಹೋಯ್ತು, ಶಾಂತಿ ಮೂಡುತ್ತಿದೆ ಅಂತಾನೇ ಹೇಳುವ ಸಮಯದಲ್ಲಿ ಮತ್ತೆ ದಿಢೀರ್ ಹಿಂಸೆಯ ಬೆಂಕಿ ಸ್ಫೋಟಗೊಂಡಿದೆ. ಬರೋಬ್ಬರಿ 2 ವರ್ಷಗಳ ನಂತರ ಈ ಭೀಕರ ಯುದ್ಧ ನಿಂತಿದೆ ಅಂತಾ ಖುಷಿ ಪಡುತ್ತಿದ್ದ ಮಧ್ಯಪ್ರಾಚ್ಯ ಜನರಿಗೆ ಇದೀಗ ಆಘಾತ ಮತ್ತೆ ಎದುರಾಗಿದೆ. ಇಸ್ರೇಲ್ ಸೇನೆಯಿಂದ ದಿಢೀರ್ ನಡೆದ ದಾಳಿಯಲ್ಲಿ ಮತ್ತೆ ಗಾಜಾ ಪಟ್ಟಿಯಲ್ಲಿ ಜನರು ಮೃತಪಟ್ಟಿದ್ದಾರೆ ಎಂಬ ಆರೋಪ ಕೇಳಿಬಂದಿದ್ದು, ಈ ವಿಚಾರ ಇದೀಗ ಸಂಚಲನ ಸೃಷ್ಟಿ ಮಾಡಿದೆ. ಕದನ ವಿರಾಮ ಘೋಷಣೆ ಮಾಡಿದ್ದರೂ ಇಸ್ರೇಲ್ ನಡೆಸಿದ ದಾಳಿಯಲ್ಲಿ 5 ಪ್ಯಾಲೆಸ್ತೀನ್ ನಾಗರಿಕರ ಜೀವ ಹೋಗಿದೆ ಎಂದು ಆರೋಪ ಮಾಡಲಾಗಿದೆ.
2023 ಅಕ್ಟೋಬರ್ 07 ಶನಿವಾರ ಶುರುವಾಗಿದ್ದ ಇಸ್ರೇಲ್ & ಹಮಾಸ್ ನಡುವಿನ ಯುದ್ಧ ಇಡೀ ಗಾಜಾ ಪಟ್ಟಿ ನಾಶ ಮಾಡಿ ಹಾಕಿದೆ. ಹೀಗಿದ್ದಾಗಲೇ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮುಂದೆ ಬಂದು ಈ ಯುದ್ಧ ನಿಲ್ಲಿಸಿದ್ದೀನಿ ಅಂತಾ ಬಿಲ್ಡಪ್ ಕೊಡುತ್ತಿದ್ದರು. ಇಷ್ಟೆಲ್ಲದರ ನಡುವೆ ದಿಢೀರ್ ಮತ್ತೊಮ್ಮೆ ಗಾಜಾ ಪಟ್ಟಿಯಲ್ಲಿ ಯುದ್ಧ ಬೆಂಕಿ ಭುಗಿಲೆದ್ದು, ಇಸ್ರೇಲ್ ಸೇನೆಯಿಂದ ನಡೆದಿದೆ ಎಂಬ ದಾಳಿಯಲ್ಲಿ ಈಗ 5 ಪ್ಯಾಲೆಸ್ತೀನ್ ನಾಗರಿಕರು ಬಲಿಯಾಗಿದ್ದಾರೆ ಎನ್ನಲಾಗಿದೆ. ಈ ಮೂಲಕ, ಗಾಜಾ ಪಟ್ಟಿ ಮತ್ತೊಮ್ಮೆ ನಲುಗಿ ಹೋಗಿದ್ದು ಇಸ್ರೇಲ್ ಮಿಲಿಟರಿ ತನ್ನ ದಾಳಿಯನ್ನು ಇನ್ನಷ್ಟು ಭೀಕರಗೊಳಿಸಿದೆ ಎಂದು ಆರೋಪ ಮಾಡಿದ್ದಾರೆ ಗಾಜಾ ಅಧಿಕಾರಿಗಳು.
Click it and Unblock the Notifications
Sign in with Google