ಕೆನಡಾದಲ್ಲಿ ಸಮುದ್ರವಿಮಾನ ಅಪಘಾತ, ಪ್ರವಾಸಕ್ಕೆ ತೆರಳಿದ್ದ ಐವರು ಸಾವು
ಅಲಾಸ್ಕಾ(ಕೆನಡಾ), ಮೇ 15: ಪ್ರವಾಸಿಗರನ್ನು ಹೊತ್ತಿದ್ದ ಎರಡು ಸಮುದ್ರವಿಮಾನಗಳು ಒಂದಕ್ಕೊಂದು ಡಿಕ್ಕಿಹೊಡೆದ ಪರಿಣಾಮ ಐವರು ಮೃತರಾದ ಘಟನೆ ಕೆನಡಾದ ಅಲಸ್ಕಾ ಎಂಬಲ್ಲಿ ನಡೆದಿದೆ.
ಎರಡೂ ವಿಮಾನದಲ್ಲಿದ್ದ ಪ್ರಯಾಣಿಕರೂ ಪ್ರಿನ್ಸಸ್ ಕ್ರೂಸಿ ಹಡಗಿನ ಅತಿಥಿಗಳಾಗಿದ್ದರು. ಒಂದು ವಾರದ ಪ್ರವಾಸಕ್ಕಾಗಿ ಇಲ್ಲಿಗೆ ಆಗಮಿಸಿದ್ದರು ಎಂದು ವರದಿಗಳು ತಿಳಿಸಿವೆ.
ಘಟನೆಯಲ್ಲಿ ಇಬ್ಬರು ನಾಪತ್ತೆಯಾಗಿದ್ದು ಅವರ ಹುಡುಕಾಟ ನಡೆಯುತ್ತಿದೆ. ಒಂದು ಸಮುದ್ರ ವಿಮಾನದ ಪೈಲಟ್ ಸಹ ಮೃತನಾಗಿದ್ದಾನೆ ಎನ್ನಲಾಗಿದೆ.
ಹತ್ತು ಜನರನ್ನು ರಕ್ಷಿಸಲಾಗಿದ್ದು, ಮೃತರಲ್ಲಿ ಮೂವರು ಅಮೆರಿಕನ್ನರು, ಓರ್ವ ಕೆನಡಿಯನ್ ಮತ್ತು ಇನ್ನೋರ್ವ ಆಸ್ಟ್ರೇಲಿಯದ ವ್ಯಕ್ತಿ ಇದ್ದರು ಎಂಬುದು ತಿಳಿದುಬಂದಿದೆ.
ಇದೇ ಮೇ 5 ರಂದು ರಷ್ಯನ್ ಸೂಪರ್ ಜೆಟ್ 100 ವಿಮಾನ ಪತನವಾದ ಕಾರಣ 41 ಮಂದಿ ಮೃತರಾಗಿದ್ದರು.
ಕಳೆದ ನವೆಂಬರ್ ತಿಂಗಳಿನಲ್ಲಿ ಇಂಡೋನೇಷ್ಯಾದ ಲಯನ್ ಏರ್ ವಿಮಾನ ಪತವಾದ ಕಾರಣ ಅದರಲ್ಲಿದ್ದ 189 ಪ್ರಯಾಣಿಕರೂ ಮೃತರಾಗಿದ್ದರು.
Click it and Unblock the Notifications
Sign in with Google