ನ್ಯೂಯಾರ್ಕಿನಲ್ಲಿ ಭೀಕರ ಅಪಘಾತ, 20 ಮಂದಿ ದುರ್ಮರಣ

ನ್ಯೂಯಾರ್ಕ್, ಅಕ್ಟೋಬರ್ 07: ಐಷಾರಾಮಿ ಕಾರು (limousine) ಜತೆ ಇತರೆ ವಾಹನವೊಂದು ಡಿಕ್ಕಿ ಹೊಡೆದ ಪರಿಣಾಮ, 20 ಮಂದಿ ಮೃತಪಟ್ಟ ಘಟನೆ ನಡೆದಿದೆ.

ಘಟನಾ ಸ್ಥಳಕ್ಕೆ ಫೆಡರಲ್ ತನಿಖಾಧಿಕಾರಿಗಳು ಧಾವಿಸುತ್ತಿದ್ದಾರೆ. ಓರ್ವ ವ್ಯಕ್ತಿಯ 30ನೇ ಹುಟ್ಟುಹಬ್ಬದ ಸಂಭ್ರಮಾಚರಣೆಗಾಗಿ ಅವರೆಲ್ಲ ಹೋಗುತ್ತಿದ್ದಾಗ ಈ ದುರ್ಘಟನೆ ಸಂಭವಿಸಿದೆ.

ಐಷಾರಾಮಿ ಉದ್ದದ ಕಾರಿನ ಜತೆ ಮತ್ತೊಂದು ವಾಹನ ಡಿಕ್ಕಿ ಹೊಡೆದಿದೆ. ಸ್ಕೋಹರಿಯ ಆಪಲ್ ಬರೇಲ್ ಕೌಂಟ್ರಿ ಸ್ಟೋರ್ ಹೊರಗಡೆ ಈ ಘಟನೆ ನಡೆದಿದೆ.

A hair brush and a fragment of tail light in the dirt at scene of a accident in Schoharie which killed 20. pic.twitter.com/ZTLlt8Mn7R

— Jesse McKinley (@jessemckinley) October 7, 2018

ಮಳಿಗೆ ಮುಂಭಾಗದ ಪಾರ್ಕಿಂಗ್ ಸ್ಥಳದಲ್ಲಿ ನೆರೆದಿದ್ದ ಅನೇಕ ಗ್ರಾಹಕರ ಮೇಲೆ ಐಷಾರಾಮಿ ಕಾರು ಹರಿದಿದ್ದರಿಂದ ಹಲವರ ಸಾವು ಸಂಭಿಸಿದೆ ಎಂದು ಮಳಿಗೆಯ ಮ್ಯಾನೇಜರ್ ಜೆಸ್ಸಿಕಾ ಕಿರ್ಬಿ ಹೇಳಿದ್ದಾರೆ.

On scene in Schoharie, scene of deadly limo accident which killed 20. You can see the muddy tracks of the vehicle and the impact spot in the woods beyond.... pic.twitter.com/z9MhdPUWgk

— Jesse McKinley (@jessemckinley) October 7, 2018

ಸುಮಾರು 60 ಮೈಲಿ ಪ್ರತಿ ಗಂಟೆ ವೇಗದಲ್ಲಿ ಇಳಿಜಾರಿನತ್ತ ಐಷಾರಾಮಿ ಕಾರು ಧಾವಿಸಿ ಬಂತು, ವೇಗ ನಿಯಂತ್ರಿಸದ ಕಾರಣ, ಇತರೆ ವಾಹನಗಳಿಗೆ ಡಿಕ್ಕಿ ಹೊಡೆಯಿತು. ಅನೇಕ ಮಂದಿ ತೀವ್ರವಾಗಿ ಗಾಯಗೊಂಡಿರಬಹುದು. ಅಪಘಾತ ನಡೆದಾಗ ಭಾರಿ ಸದ್ದಾಯಿತು, ಘಟನೆ ಬಗ್ಗೆ ತಿಳಿದ ಕೂಡಲೇ 911ಗೆ ಕರೆ ಮಾಡಿದೆ ಎಂದು ಜೆಸ್ಸಿಕಾ ಅವರು ಹೇಳಿದ್ದಾರೆ.

English summary

A two-vehicle collision involving a limousine has left 20 dead in upstate New York, the New York State Police said on Sunday. Federal investigators were heading to the scene.