ಚಿತ್ರಗಳು: ಹೈದರಾಬಾದ್ಗೆ ಬಂದ ವಿಶ್ವದ ಅತಿದೊಡ್ಡ ವಿಮಾನ
ಹೈದರಾಬಾದ್, ಮೇ 14: ಹೈದರಾಬಾದ್ ಗೆ ವಿಶೇಷ ಅತಿಥಿಯೊಬ್ಬ ಬಂದಿಳಿದ್ದಾನೆ. ಅವನನ್ನು ನೋಡಿ ಎಲ್ಲರೂ ಸಂಭ್ರಮಿಸಿದ್ದಾರೆ. ಅವನ ಚಿತ್ರಗಳನ್ನು ನಾವು ನೋಡಿಕೊಂಡು ಅವನ ವಿಶೇಷಗಳನ್ನು ತಿಳಿದುಕೊಂಡು ಬರೋಣ .
ವಿಶ್ವದ ಅತೀ ದೊಡ್ದ ಸರಕು ವಿಮಾನ ಎಂದು ಖ್ಯಾತಿ ಪಡೆದಿರುವ ಆಂಟೊನೊವ್ ಎ ಎನ್ -225 ಶುಕ್ರವಾರ ಮುಂಜಾನೆ ತುರ್ಕ್ಮೇನಿಸ್ತಾನದಿಂದ ಹೈದರಾಬಾದ್ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿಳಿದಿದೆ.[ಜಪಾನ್ ಬುಲೆಟ್ ರೈಲಿಗೆ ವಿಮಾನವೂ ಸಾಟಿಯಿಲ್ಲ!]
276 ಅಡಿ ಉದ್ದದ ರೆಕ್ಕೆಗಳನ್ನು ಹೊಂದಿರುವ ಇದು, 32 ಚಕ್ರಗಳನ್ನು ಒಳಗೊಂಡಿದೆ. ಇದಕ್ಕೆ 6 ಟರ್ಬೋಫ್ಯಾನ್ಗಳನ್ನು ಅಳವಡಿಸಲಾಗಿದ್ದು, ವಿಮಾನ 640 ಟನ್ ಭಾರವಿದ್ದು, 200 ಟನ್ವರೆಗೆ ಭಾರವನ್ನು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ.
ಈ ಬೃಹತ್ ಉಕ್ಕಿನ ಹಕ್ಕಿಯನ್ನು ಉಕ್ರೇನ್ ನಿರ್ಮಿಸಿದೆ. ಭಾರತದಿಂದ ಸಿಡ್ನಿಯತ್ತ ಪ್ರಯಾಣ ಬೆಳೆಸಲಿದೆ. ಈ ವಿಮಾನ ತನ್ನ ಅಪಾರ ಸಾಮಥ್ಯ೯ದಿ೦ದಾಗಿ ಗಿನ್ನೆಸ್ ದಾಖಲೆಗೆ ಪಾತ್ರವಾಗಿದೆ. ವಿವಿಧ ಸ೦ದರ್ಭಗಳಲ್ಲಿ ಹಲವು ದೇಶಗಳು ತಮ್ಮ ಸೇನಾ ಕಾರ್ಯಕ್ಕೆ ಮತ್ತು ಸರಕು ಸಾಗಣೆಗೆ ಮ್ರಿಯಾವನ್ನು ಬಳಸಿಕೊ೦ಡ ದಾಖಲೆಗಳು ಇವೆ.[ಕ್ರೇನ್ ಮುರಿದು ಕೆಳಕ್ಕೆ ಬಿದ್ದ ವಿಮಾನ]
ಈ ವಿಮಾನದ ಲ್ಯಾಂಡಿಂಗ್ ಗೇರ್ ಬರೊಬ್ಬರಿ 32 ಚಕ್ರಗಳನ್ನು ಹೊಂದಿದೆ. 10 ಬ್ರಿಟಿಷ್ ಯುದ್ಧ ಟ್ಯಾ೦ಕರ್ ಗಳನ್ನು ಸೇರಿಸಿದರೆ ಆಗುವಷ್ಟು ವಿಸ್ತಾರದ ಜಾಗ ಹೊ೦ದಿದೆ. ಸರಕು ಸಾಗಣೆಗೆ ಪ್ರಪಂಚದ ಅನೇಕ ದೇಶಗಳು ಈ ವಿಮಾನವನ್ನು ಬಳಸಿಕೊಳ್ಳುತ್ತೇವೆ.
Click it and Unblock the Notifications
Sign in with Google