ಮಿಚಿಗನ್: ಭಯೋತ್ಪಾದಕನೆಂದು ಹೇಳಿ ಭಾರತೀಯನಿಗೆ ಗುಂಡೇಟು

ಮಿಚಿಗನ್ ನ ಅಂಗಡಿಯಲ್ಲಿ ಗುಮಾಸ್ತನಾಗಿದ್ದ ಭಾರತೀಯ ಮೂಲದ ವ್ಯಕ್ತಿಯ ಮೇಲೆ ಅಪರಿಚಿತನಿಂದ ಗುಂಡಿನ ದಾಳಿ. ಘಟನೆಯಲ್ಲಿ ಗಾಯಗೊಂಡಿರುವ ಭಾರತ ಮೂಲದ ಇಂದರ್ಜೀತ್ ಸಿಂಗ್.

ನ್ಯೂಯಾರ್ಕ್, ಜೂ. 13: ಜನಾಂಗೀಯ ದ್ವೇಷದ ಹಿನ್ನೆಲೆಯಲ್ಲಿ ಭಾರತೀಯ ಮೂಲದ ವ್ಯಕ್ತಿಯೊಬ್ಬನಿಗೆ ಅಪರಿಚಿತ ದುಷ್ಕರ್ಮಿಯೊಬ್ಬ ಗುಂಡಿಟ್ಟು ಗಾಯಗೊಳಿಸಿದ ಘಟನೆ ಮಿಚಿಗನ್ ನಗರದಲ್ಲಿ ನಡೆದಿದೆ.

ಇಲ್ಲಿನ ಅಂಗಡಿಯೊಂದರಲ್ಲಿ ಗುಮಾಸ್ತನಾಗಿ ಕಾರ್ಯ ನಿರ್ವಹಿಸುತ್ತಿದ್ದ ಇಂದರ್ಜಿತ್ ಸಿಂಗ್ ಎಂಬುವರ ಮೇಲೆ ಈ ಹಲ್ಲೆ ನಡೆದಿದೆ.

ಅಂಗಡಿಗೆ ಬಂದಿದ್ದ ವ್ಯಕ್ತಿ ಇಂದರ್ಜಿತ್ ಸಿಂಗ್ ಜತೆಗೆ ಕಾಲು ಕೆರೆದು ಜಗಳವಾಡಿದ್ದಾನೆ. ಅಲ್ಲದೆ, ಇಂದರ್ಜಿತ್ ಅವರನ್ನು ಭಯೋತ್ಪಾದಕ ಎಂದು ನಿಂದಿಸಿದ್ದಾನೆ. ಇದರಿಂದ ರೇಗಿದ ಇಂದರ್ಜಿತ್ ಕೂಡ ಜಗಳವಾಡಿದ್ದಾರೆ. ಆ ಸಂದರ್ಭದಲ್ಲಿ ತನ್ನ ಕಿಸೆಯಿಂದ ಪಿಸ್ತೂಲು ತೆಗೆದ ಆ ಅಪರಿಚಿತ ಗುಂಡು ಹಾರಿಸಿದ್ದಾನೆ. ಆತನ ಪಿಸ್ತೂಲಿನಿಂದ ಸಿಡಿದ ಗುಂಡು ಆ ವ್ಯಕ್ತಿಯ ಕೆನ್ನೆಗೆ ತಗುಲಿ ಗಾಯವಾಗಿದೆ.

ಪೊಲೀಸರ ಪ್ರಕಾರ, ಇಂದರ್ಜಿತ್ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಸ್ಥಳೀಯರ ನೆರವಿನಿಂದ ಪೊಲೀಸರು ದಾಳಿಕೋರನನ್ನು ಬಂಧಿಸಿದ್ದಾರೆ. ಆದರೆ, ಗುಂಡು ಹಾರಿಸಿದ ವ್ಯಕ್ತಿಯ ಬಗ್ಗೆ ಪೊಲೀಸರು ಮಾಹಿತಿ ನೀಡಿಲ್ಲ.

English summary

An American man who quarreled with Indian origin sikh man named Inderjith Singh in Michigan. Later he took off his gun and fired towards Inderjeet calling him a terrorist. However, Inderjeet has escaped from collateral damage but suffered with small injury on his cheek.