ಶ್ರೀನಗರ ಸಂಸತ್ ಕ್ಷೇತ್ರದ ಉಪಚುನಾವಣೆ: 14ರಂದು ಮರು ಮತದಾನ

ಏಪ್ರಿಲ್ 16ರೊಳಗೆ ಶ್ರೀನಗರ ಸಂಸತ್ ಕ್ಷೇತ್ರದ ಮರು ಚುನಾವಣೆ ನಡೆಸಲೇಬೇಕಿರುವುದರಿಂದ ಏ. 14ರಂದೇ ಮರು ಮತದಾನ ನಡೆಸಲು ಕೇಂದ್ರ ಚುನಾವಣಾ ಆಯೋಗ ತೀರ್ಮಾನಿಸಿದೆ.

ಶ್ರೀನಗರ, ಏಪ್ರಿಲ್ 11: ಹಿಂಸಾಚಾರದಿಂದಾಗಿ ಮುಂದೂಲ್ಪಟ್ಟಿದ್ದ ಶ್ರೀನಗರ ಸಂಸತ್ ಕ್ಷೇತ್ರದ ಉಪ ಚುನಾವಣೆಯ ಮರು ಮತದಾನ ಏಪ್ರಿಲ್ 13ರಂದು ನಡೆಸಲಾಗುವುದು ಎಂದು ಮೂಲಗಳು ತಿಳಿಸಿವೆ. ಅಂದು, ಬೆಳಗ್ಗೆ 7 ಗಂಟೆಯಿಂದ ಸಂಜೆ 4 ಗಂಟೆವರೆಗೆ ಮತದಾನ ನಡೆಯಲಿದೆ.

ಎರಡು ದಿನಗಳ ಹಿಂದೆ ನಡೆದಿದ್ದ ಮತದಾನದ ವೇಳೆ ಹಿಂಸಾಚಾರ ಭುಗಿಲೆದ್ದು 6 ಜನರು ಬಲಿಯಾಗಿದ್ದರಲ್ಲದೆ, 36 ಜನರು ಗಾಯಗೊಂಡಿದ್ದರು. ಈ ಹಿನ್ನೆಲೆಯಲ್ಲಿ ಕೇಂದ್ರ ಗೃಹ ಸಚಿವಾಲಯದ ಸಲಹೆಯ ಮೇರೆಗೆ ಉಪ ಚುನಾವಣೆಯನ್ನು ಅಮಾನ್ಯಗೊಳಿಸಿತು.

ಅಲ್ಲದೆ, ಮರು ಚುನಾವಣೆಯನ್ನು ಮತ್ತೊಮ್ಮೆ ನಡೆಸಲು ತೀರ್ಮಾನಿಸಿತ್ತು. ಆದರೀಗ, ಏಪ್ರಿಲ್ 16ರೊಳಗೆ ಆ ಕ್ಷೇತ್ರದ ಚುನಾವಣೆ ನಡೆಸಲೇಬೇಕಿರುವುದರಿಂದ ಏ. 14ರಂದೇ ಮರು ಮತದಾನ ನಡೆಸಲು ತೀರ್ಮಾನಿಸಿದೆ.

ಜಮ್ಮು-ಕಾಶ್ಮೀರದ ಇತಿಹಾಸದಲ್ಲೇ 1986 ನಂತರ, ಇದೇ ಮೊದಲ ಬಾರಿಗೆ ಶೇ. 7ರಷ್ಟು ಮತದಾನವಾಗಿತ್ತು. ಕಾಶ್ಮೀರದಲ್ಲಿರುವ ಪ್ರತ್ಯೇಕತವಾದಿಗಳು ಸಂಸತ್ ಉಪಚುನಾವಣೆಯನ್ನು ಬಹಿಷ್ಕಾರಗೊಳಿಸಲು ಕರೆ ನೀಡಿದ್ದು ಇದಕ್ಕೆ ಕಾರಣ.

English summary

Re-polling will be held in the 38 polling stations of the Srinagar parliamentary constituency on April 13. The polling would be held between 7 am and 4 pm. The decision to order re-polling was taken after the elections were marred by violence.