ಮಧ್ಯಮ ವರ್ಗದ ನಿದ್ದೆ ಕಸಿದುಕೊಳ್ಳಲಿದೆ ರೈಲ್ವೆ ಇಲಾಖೆ!
ಬೆಂಗಳೂರು, ಜು. 28 : ಭಾರತೀಯ ರೈಲ್ವೆ ಭವಿಷ್ಯದಲ್ಲಿ ಮಧ್ಯಮ ವರ್ಗದ ಜನರ ನಿದ್ದೆಯನ್ನು ಕಸಿದುಕೊಳ್ಳಲಿದೆಯೇ?. ಹೌದು, ಎಕ್ಸ್ ಪ್ರೆಸ್ ಮತ್ತು ಸೂಪರ್ ಫಾಸ್ಟ್ ರೈಲುಗಳಲ್ಲಿ ಹಳೆಯದಾದ ದ್ವಿತೀಯ ದರ್ಜೆ ಸ್ಲೀಪರ್ ಕೋಚ್ ಗಳನ್ನು ತ್ರೀ ಟೈರ್ ಎಸಿ ಕೋಚ್ ಗಳಾಗಿ ಪರಿವರ್ತಿಸುವ ಪ್ರಕ್ರಿಯೆಯನ್ನು ದಕ್ಷಿಣ ರೈಲ್ವೆ ಆರಂಭಿಸಿದೆ.
ರೈಲ್ವೆ ಇಲಾಖೆಯ ಭವಿಷ್ಯದ ಆಲೋಚನೆಯ ಈ ಕ್ರಮದಿಂದ ಒಂದು ವರ್ಗದ ಜನರಿಗೆ ಐಷಾರಾಮಿ ಪ್ರಯಾಣ ಸೌಲಭ್ಯ ದೊರಕಿದರೆ, ಇನ್ನೊಂದು ವರ್ಗದ ಜನರ ಜೇಬಿಗೆ ಕತ್ತರಿ ಬೀಳಲಿದೆ. ಮುಂದಿನ ಐದು ವರ್ಷಗಳಲ್ಲಿ ಎಕ್ಸ್ ಪ್ರೆಸ್ ಮತ್ತು ಸೂಪರ್ ಫಾಸ್ಟ್ ರೈಲುಗಳ ಎಲ್ಲ ದ್ವಿತೀಯ ದರ್ಜೆ ಬೋಗಿಗಳನ್ನು ಬದಲಾಯಿಸುವ ಆಲೋಚನೆ ಇಲಾಖೆಯ ಮುಂದಿದೆ.
ತನ್ನ ಆಲೋಚನೆಯನ್ನು ಈಗಾಗಲೇ ರೈಲ್ವೆ ಇಲಾಖೆ ಕಾರ್ಯರೂಪಕ್ಕ ತಂದಿದೆ. ಮೊದಲ ಹಂತದಲ್ಲಿ ಎರ್ನಾಕುಳಂ ಜಂಕ್ಷನ್ - ನಿಜಾಮುದ್ದೀನ್ ಮಂಗಳಾ ಎಕ್ಸ್ಪ್ರೆಸ್ (ರೈಲು ಸಂಖ್ಯೆ-12617) ರೈಲಿನ ಎಸ್-2 ಸ್ಲೀಪರ್ ಕೋಚ್ ಅನ್ನು ಭಾನುವಾರ ಬದಲಾವಣೆ ಮಾಡಲಾಗಿದ್ದು, ಅದರ ಜಾಗದಲ್ಲಿ ಎಸಿ 3 ಟೈರ್ ಕೋಚ್ (ಬಿ-4) ಅಳವಡಿಸಲಾಗಿದೆ. [ಶೀಘ್ರದಲ್ಲೇ ಮಂಗಳೂರು-ಬೆಂಗಳೂರು ಕುಡ್ಲ ರೈಲು]
ರೈಲ್ವೆ ಇಲಾಖೆಯ ಈ ಬದಲಾವಣೆಯಿಂದಾಗಿ ಪ್ರಯಾಣಿಕರ ಜೇಬಿಗೆ ಕತ್ತರಿ ಬೀಳಲಿದೆ. ಏಕೆಂದರೆ, ಎರ್ನಾಕುಳಂನಿಂದ ನಿಜಾಮುದ್ದೀನ್ಗೆ ದ್ವಿತೀಯ ದರ್ಜೆ ಸ್ಲೀಪರ್ ಟಿಕೆಟ್ ಶುಲ್ಕ 925 ರೂ.ಗಳಾಗಿದ್ದರೆ, ತ್ರೀ ಟೈರ್ ಎಸಿ ಟಿಕೆಟ್ ಶುಲ್ಕ 2,370 ರೂ.ಗಳಾಗಿವೆ. ಇಲಾಖೆಯ ಯೋಜನೆ ಪ್ರಕಾರ ಮುಂದಿನ ದಿನಗಳಲ್ಲಿ ಎಕ್ಸ್ ಪ್ರೆಸ್ ಮತ್ತು ಸೂಪರ್ ಫಾಸ್ಟ್ ರೈಲುಗಳಲ್ಲಿ ದ್ವಿತೀಯ ದರ್ಜೆ ಬೋಗಿಗಳ ಬದಲು ಎಸಿ 3 ಟೈರ್ ಕೋಚ್ ಸೇರ್ಪಡೆಯಾಗಲಿದೆ. ಏನಿದು ಯೋಜನೆ ಇಲ್ಲಿದೆ ವಿವರ
ರೈಲ್ವೆ ಇಲಾಖೆಯ ಹೊಸ ಚಿಂತನೆ
ಎಕ್ಸ್ ಪ್ರೆಸ್ ರೈಲುಗಳಲ್ಲಿ ಹಳೆಯದಾದ ದ್ವಿತೀಯ ದರ್ಜೆ ಸ್ಲೀಪರ್ ಕೋಚ್ ಗಳನ್ನು ತ್ರೀ ಟೈರ್ ಎಸಿ ಕೋಚ್ ಗಳಾಗಿ ಪರಿವರ್ತಿಸುವ ಪ್ರಕ್ರಿಯೆಯನ್ನು ದಕ್ಷಿಣ ರೈಲ್ವೆ ಆರಂಭಿಸಿದೆ. ಈ ಯೋಜನೆಯನ್ನು ಭಾನುವಾರದಿಂದಲೇ ಇಲಾಖೆ ಜಾರಿಗೆ ತಂದಿದೆ.
ಹೊಸ ಯೋಜನೆಯಿಂದ ಏನಾಗುತ್ತದೆ?
ದ್ವಿತೀಯ ದರ್ಜೆ ಸ್ಲೀಪರ್ ಕೋಚ್ ಗಳನ್ನು ತ್ರೀ ಟೈರ್ ಎಸಿ ಕೋಚ್ ಗಳಾಗಿ ಪರಿವರ್ತಿಸಿದರೆ, ಒಂದು ವರ್ಗದ ಜನರಿಗೆ ಐಷಾರಾಮಿ ಪ್ರಯಾಣ ಸೌಲಭ್ಯ ದೊರಕಿದರೆ, ಇನ್ನೊಂದು ವರ್ಗದ ಜನರ ಜೇಬಿಗೆ ಕತ್ತರಿ ಬೀಳಲಿದೆ.
ಭವಿಷ್ಯದ ಚಿಂತನೆ ಏನು?
ಈ ಬದಲಾವಣೆಯ ಹೆಚ್ಚಿನ ಲಾಭ ರೈಲ್ವೆ ಇಲಾಖೆಯ ಪಾಲಾಗಲಿದೆ. ಮುಂದಿನ ಐದು ವರ್ಷಗಳಲ್ಲಿ ಎಕ್ಸ್ ಪ್ರೆಸ್ ಮತ್ತು ಸೂಪರ್ ಫಾಸ್ಟ್ ರೈಲುಗಳ ಎಲ್ಲ ದ್ವಿತೀಯ ದರ್ಜೆ ಬೋಗಿಗಳನ್ನು ಬದಲಾಯಿಸುವ ಆಲೋಚನೆ ಇಲಾಖೆಯ ಮುಂದಿದೆ. ದ್ವಿತೀಯ ದರ್ಜೆ ಸ್ಲೀಪರ್ ಕೋಚ್ ಗಳ ಜಾಗಕ್ಕೆ ತ್ರೀ ಟೈರ್ ಎಸಿ ಸೇರ್ಪಡೆಯಾಗಲಿದೆ.
ಮೊದಲ ಹಂತದಲ್ಲಿ ಅನುಷ್ಠಾನ
ತನ್ನ ಆಲೋಚನೆಯನ್ನು ಈಗಾಗಲೇ ರೈಲ್ವೆ ಇಲಾಖೆ ಕಾರ್ಯರೂಪಕ್ಕ ತಂದಿದೆ. ಮೊದಲ ಹಂತದಲ್ಲಿ ಎರ್ನಾಕುಳಂ ಜಂಕ್ಷನ್ - ನಿಜಾಮುದ್ದೀನ್ ಮಂಗಳಾ ಎಕ್ಸ್ಪ್ರೆಸ್ (ರೈಲು ಸಂಖ್ಯೆ-12617) ರೈಲಿನ ಎಸ್-2 ಸ್ಲೀಪರ್ ಕೋಚ್ ಅನ್ನು ಬದಲಾವಣೆ ಮಾಡಲಾಗಿದ್ದು, ಅದರ ಜಾಗಕ್ಕೆ ಎಸಿ 3 ಟೈರ್ ಕೋಚ್ (ಬಿ-4) ಅಳವಡಿಸಲಾಗಿದೆ. ನೂತನ ಯೋಜನೆಯಿಂದಾಗಿ ರೈಲಿನಲ್ಲಿ 10 ಸ್ಲೀಪರ್ ಕೋಚ್ಗಳು, ನಾಲ್ಕು ಎಸಿ ತ್ರೀ ಟೈರ್ ಕೋಚ್ಗಳು ಹಾಗೂ ಎರಡು ಎಸಿ ಟೂ ಟೈರ್ ಕೋಚ್ಗಳಿವೆ.
ಜನರ ಜೇಬಿಗೆ ಕತ್ತರಿ
ಎರ್ನಾಕುಳಂನಿಂದ ನಿಜಾಮುದ್ದೀನ್ ಗೆ ದ್ವಿತೀಯ ದರ್ಜೆ ಸ್ಲೀಪರ್ ಟಿಕೆಟ್ ಶುಲ್ಕ 925 ರೂ.ಗಳಾಗಿದ್ದರೆ, ತ್ರೀ ಟೈರ್ ಎಸಿ ಟಿಕೆಟ್ ಶುಲ್ಕ 2,370 ರೂ.ಗಳಾಗಿವೆ. ಮುಂದಿನ ದಿನಗಳಲ್ಲಿ ಇಲಾಖೆಯ ಈ ಯೋಜನೆಯಿಂದಾಗಿ ಜನಸಾಮಾನ್ಯರು ಬಳಸುತ್ತಿದ್ದ 72 ನಾನ್-ಎಸಿ ಸ್ಲೀಪರ್ ಬರ್ತ್ಗಳು ಕಡಿಮೆಯಾಗಲಿವೆ.
ಕರ್ನಾಟಕಕ್ಕೂ ಅನ್ವಯ
ಕರ್ನಾಟಕದಲ್ಲಿ ಹಾದುಹೋಗುವ ಎರಡು ರೈಲುಗಳ ಸ್ಲೀಪರ್ ಕೋಚ್ ಗಳನ್ನು ಎಸಿ ಕೋಚ್ ಗಳಾಗಿ ಬದಲಾವಣೆಯಾಗಲಿದೆ. ಚೆನ್ನೈ ಎಗ್ ಮೋರ್-ಮಂಗಳೂರು ಸೆಂಟ್ರಲ್ ಎಕ್ಸ್ಪ್ರೆಸ್ (ರೈಲು ಸಂಖ್ಯೆ 16859) ರೈಲಿನ ಎಸ್-7 ಸ್ಲೀಪರ್ ಕ್ಲಾಸ್ ಕೋಚನ್ನು ಬದಲಿಸಿ ಅದರ ಜಾಗದಲ್ಲಿ ಎಸಿ ಚೇರ್ ಕಾರ್ (ಡಿ-4) ಅನ್ನು ಮತ್ತು ಮಂಗಳೂರು ಸೆಂಟ್ರಲ್ - ಚೆನ್ನೈ ಎಗ್ಮೋರ್ ಎಕ್ಸ್ಪ್ರೆಸ್ (ಟ್ರೈನ್ ಸಂಖ್ಯೆ- 16860) ರೈಲಿನ ಎಸ್-9 ಸ್ಲೀಪರ್ ಕೋಚ್ ಅನ್ನು ಬದಲಾಯಿಸಿ ಎಸಿ ಚೇರ್ ಕಾರ್ (ಡಿ-4) ಅನ್ನು ಅಳವಡಿಸಲಾಗುತ್ತದೆ.
ಸ್ಲೀಪರ್ ಕೋಚ್ ಉತ್ಪಾದನೆ ಕಡಿಯೆಯಾಗಿದೆ
ಈಗಾಗಲೇ ರೈಲ್ವೆ ಮಂಡಳಿ ದ್ವಿತೀಯ ದರ್ಜೆ ಸ್ಲೀಪರ್ ಕೋಚ್ ಗಳ ಉತ್ಪಾದನೆಯನ್ನು ಕಡಿಮೆಗೊಳಿಸಿದ್ದು, ಎಸಿ ಕೋಚ್ ಗಳ ನಿರ್ಮಾಣವನ್ನು ಹೆಚ್ಚಿಸಿದೆ. ಪಾಲಕ್ಕಾಡ್ ಮತ್ತು ತಿರುವನಂತಪುರಂ ವಿಭಾಗಗಳಿಗೆ ಹೊಸದಾಗಿ ದ್ವಿತೀಯ ದರ್ಜೆ ಸ್ಲೀಪರ್ ಕೋಚ್ ಗಳು ಮಂಜೂರಾಗಿಲ್ಲ. ಅವುಗಳ ಜಾಗದಲ್ಲಿ ತ್ರೀ ಟೈರ್ ಎಸಿ ಕೋಚ್ಗಳನ್ನು ಒಂದೊಂದಾಗಿ ಅಳವಡಿಸುವಂತೆ ಸೂಚನೆ ನೀಡಲಾಗಿದೆ.
ಪ್ಯಾಸೆಂಜರ್ ರೈಲುಗಳಿಗೆ ಬರ್ತ್
ಎಕ್ಸ್ ಪ್ರೆಸ್ ರೈಲುಗಳಿಂದ ತೆಗೆಯಲಾದ ಸ್ಲೀಪರ್ ಕೋಚ್ ಗಳನ್ನು ಪ್ಯಾಸೆಂಜರ್ ರೈಲುಗಳಲ್ಲಿ ಈಗಿರುವ ಮಿಡ್ಲ್ ಬರ್ತ್ಗಳ ಜಾಗದಲ್ಲಿ ಅಳವಡಿಸುವ ಆಲೋಚನೆಯೂ ಇದೆ ಎಂದು ತಿಳಿದುಬಂದಿದೆ.
-
Karnataka Weather: ಕರ್ನಾಟಕದ 4 ಜಿಲ್ಲೆಗಳಲ್ಲಿ ಮಳೆ - ವಿವಿಧ ಭಾಗಗಳಲ್ಲಿ ಭಾರೀ ಬಿಸಿಲು, ಕರ್ನಾಟಕದ ಹವಾಮಾನ ವರದಿ -
April 10 Horoscope: 12 ರಾಶಿಗಳಿಗೆ ಇಂದು ಆರೋಗ್ಯ, ಹಣಕಾಸು ಮತ್ತು ಪ್ರೇಮದಲ್ಲಿ ಮಿಶ್ರ ಫಲ -
ಬೆಂಗಳೂರು ನಾಯಂಡಳ್ಳಿಯಲ್ಲಿ ಮನೆಯ ಮೊದಲ ಮಹಡಿಯಿಂದ ಬಿದ್ದ ಒಂದೂವರೆ ವರ್ಷದ ಕಂದಮ್ಮ -
SSLC Hindi: ಅಂಕ ಬದಲು ಗ್ರೇಡಿಂಗ್ ವಿರೋಧಿಸಿ ಅರ್ಜಿ ಸಲ್ಲಿಸಿದ ಅರ್ಜಿದಾರರಿಗೆ 1 ಲಕ್ಷ ರೂ. ದಂಡ: ಕರವೇ ಹೇಳಿದ್ದೇನು -
Bengaluru: ಬೆಂಗಳೂರು ನಗರದಲ್ಲಿ ಸ್ವಿಗ್ಗಿ, ಜೊಮ್ಯಾಟೋ ಡೆಲಿವರಿ ಬಾಯ್ಸ್ಗೆ ಸಂಕಷ್ಟ, ಅಮಾನವೀಯ ಲಿಫ್ಟ್ ಸಂಸ್ಕೃತಿ -
ಚಿಕ್ಕಮಗಳೂರಲ್ಲಿ ನಾಪತ್ತೆಯಾಗಿದ್ದ ಕೇರಳದ ಬಾಲಕಿ ಶ್ರಿನಂದಾ ಸಾವು: 2 ಸಾವಿರ ಅಡಿ ಪ್ರಪಾತದಲ್ಲಿ ಶವ ಪತ್ತೆ -
Copra: ತಿಪಟೂರು ಎಪಿಎಂಸಿ ಮಾರುಕಟ್ಟೆಯಲ್ಲಿ ಮತ್ತೆ ದಾಖಲೆ ಬೆಲೆಗೆ ಮಾರಾಟವಾದ ಕೊಬ್ಬರಿ: ನಿರ್ಮಾಣವಾಯ್ತು ಹೊಸ ಇತಿಹಾಸ -
Mona Lisa: ಮಹಾಕುಂಭ ಮೇಳದ ಫೇಮಸ್ ಮೊನಾಲಿಸಾ ಪತಿಗೆ ಕಾನೂನು ಸಂಕಷ್ಟ: ಫರ್ಮಾನ್ ಖಾನ್ ಮೇಲೆ ಪೋಕ್ಸೋ ಪ್ರಕರಣ -
2nd PUC: ಬೆಂಗಳೂರು - ಪಿಯುಸಿಯಲ್ಲಿ ಅತ್ಯುನ್ನತ ಶ್ರೇಣಿಯಲ್ಲಿ ಉತ್ತೀರ್ಣರಾದ 260 ವಿದ್ಯಾರ್ಥಿಗಳಿಗೆ 35,000 ರೂ. -
RBI New Rule: ಇನ್ಮುಂದೆ ಆನ್ಲೈನ್ ವಹಿವಾಟಿನಲ್ಲಿ ದೊಡ್ಡ ಬದಲಾವಣೆ: 10,000 ರೂ. ಹಣ ವರ್ಗಾವಣೆಗೂ ಹೊಸ ನಿಯಮ -
Gold Rate April 10: ಚಿನ್ನ - ಬೆಳ್ಳಿ ಬೆಲೆಯಲ್ಲಿ ಅಚ್ಚರಿಯ ಬೆಳವಣಿಗೆ, ಎಷ್ಟಾಗಿದೆ ಇಂದಿನ ಬಂಗಾರದ ಬೆಲೆ -
ದ್ವಿತೀಯ PUC ರಿಪೀಟರ್ಸ್ ಗಮನಕ್ಕೆ: ತಾಂತ್ರಿಕ ದೋಷ ಸರಿಪಡಿಸಿ ಪರಿಷ್ಕೃತ ಫಲಿತಾಂಶ ಪ್ರಕಟಿಸಿದ ಮಂಡಳಿ
Click it and Unblock the Notifications
Sign in with Google