ಜೇಟ್ಲಿ ಮಗಳ ಖಾತೆಗೆ ಚೋಕ್ಸಿ ಹಣ ಹಾಕಿದ್ದಾರೆ: ರಾಹುಲ್ ಗಂಭೀರ ಆರೋಪ
ನವದೆಹಲಿ, ಅಕ್ಟೋಬರ್ 22: ಭಾರತದ ಬ್ಯಾಂಕುಗಳಿಗೆ ಸಾವಿರಾರು ಕೋಟಿ ಹಣ ವಂಚಿಸಿ ಪರಾರಿ ಆಗಿರುವ ಮೆಹುಲ್ ಚೋಕ್ಸಿ ಕೇಂದ್ರದ ಹಣಕಾಸು ಮಂತ್ರಿ ಅರುಣ್ ಜೇಟ್ಲಿ ಅವರ ಮಗಳ ಖಾತೆಗೆ ಹಣ ಹಾಕಿದ್ದಾರೆ ಎಂದು ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಗಂಭೀರ ಆರೋಪ ಮಾಡಿದ್ದಾರೆ.
ಅರುಣ್ ಜೇಟ್ಲಿ ಅವರ ಮಗಳ ಖಾತೆಗೆ ಯಾವ ಖಾತೆಯಿಂದ ಹಣ ವರ್ಗಾವಣೆ ಆಗಿದೆ ಎಂಬ ಬಗ್ಗೆ ಮಾಹಿತಿ ಸಹ ನೀಡಿರುವ ರಾಹುಲ್ ಗಾಂಧಿ ಐಸಿಐಸಿ ಬ್ಯಾಂಕ್ನ ಖಾತೆ ಸಂಖ್ಯೆಯೊಂದನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಪ್ರಕಟಿಸಿ ಇದೇ ಖಾತೆಯಿಂದ ಜೇಟ್ಲಿ ಅವರ ಮಗಳಿಗೆ ಹಣ ಬಂದಿದೆ ಎಂದೂ ಸಹ ಹೇಳಿದ್ದಾರೆ.
ಜೇಟ್ಲಿ ಮಗಳಿಗೆ ಚೋಕ್ಸಿ ಸಾಲ ಮರುಪಾವತಿ ಮಾಡಬೇಕಿತ್ತು. ಆದರೆ ಅವರ ತಂದೆ ಚೋಕ್ಸಿ ಅವರಿಗೆ ಸಹಾಯ ಮಾಡಿ ಆತ ದೇಶ ಬಿಟ್ಟು ಓಡಿ ಹೋಗಲು ಸಹಾಯ ಮಾಡಿದರು ಆದರೆ ಆ ನಂತರ ಚೋಕ್ಸಿ, ಜೇಟ್ಲಿ ಮಗಳ ಖಾತೆಗೆ ಹಣ ಹಾಕಿದ್ದಾರೆ ಎಂದು ಐಸಿಐಸಿ ಬ್ಯಾಂಕ್ ಖಾತೆ ಸಂಖ್ಯೆಯನ್ನು ರಾಹುಲ್ ನೀಡಿದ್ದಾರೆ.
ಅರುಣ್ ಜೇಟ್ಲಿ ಅವರ ಮಗಳು ಸೊನಾಲಿ ಜೇಟ್ಲಿ ಹಾಗೂ ಅಳಿಯ ಜಯೇಶ್ ಬಕ್ಷಿ ಅವರ ಖಾತೆಗೆ ಚೋಕ್ಸಿ ಮಾಲೀಕತ್ವದ ಗೀತಾಂಜಲಿ ಜೆಮ್ಸ್ ಲಿಮಿಟೆಡ್ನಿಂದ ಹಣ ವರ್ಗಾವಣೆ ಆಗಿತ್ತು. ಈ ಹಣ ಕಳೆದ ಡಿಸೆಂಬರ್ನಲ್ಲಿ ಆಗಿತ್ತು. ತನಗೆ ಸಹಾಯ ಮಾಡಲೆಂದು ಲಂಚದ ರೂಪವಾಗಿ ಈ ಹಣವನ್ನು ಚೋಕ್ಸಿ ಕೊಟ್ಟಿದ್ದ ಎಂದು ಕಾಂಗ್ರೆಸ್ ಆರೋಪ ಮಾಡಿದೆ.
#WATCH Congress President Rahul Gandhi in Raipur says, "Mehul Choksi deposited money in Finance Minister Arun Jaitley's daughter's bank account." pic.twitter.com/6pXSxyDKzz
— ANI (@ANI) October 22, 2018
ಮೆಹುಲ್ ಚೋಕ್ಸಿ ದೇಶ ಬಿಟ್ಟು ಪರಾರಿಯಾದ ನಂತರ ಫೆಬ್ರವರಿ 20 ನೇ ತಾರೀಖಿನಂದು ಜೇಟ್ಲಿ ಅವರ ಮಗಳು ಚೋಕ್ಸಿ ಖಾತೆಗೆ ಹಣ ವರ್ಗಾವಣೆ ಮಾಡಿದ್ದಾರೆ ಎಂದು ರಾಜಸ್ಥಾನದ ಕಾಂಗ್ರೆಸ್ ಹಿರಿಯ ಮುಖಂಡ ಸಚಿನ್ ಪೈಲೆಟ್ ಆರೋಪಿಸಿದ್ದಾರೆ.
Arun Jaitlie’s daughter was on the payroll of thief Mehul Choksi. Meanwhile her FM daddy sat on his file & allowed him to flee.
— Rahul Gandhi (@RahulGandhi) October 22, 2018
She received money from ICICIa/c no: 12170500316
It’s sad that media has blacked out this story. The people of India won’t. #ArunJaitlieMustResign
ಕಾಂಗ್ರೆಸ್ ಪಕ್ಷವು ರಫೆಲ್ ಹಗರಣ ಹಾಗೂ ಸಾಲ ಮಾಡಿ ಓಡಿ ಹೋಗುತ್ತಿರುವ ದ್ರೋಹಿಗಳ ವಿಷಯವಾಗಿ ಕೇಂದ್ರವನ್ನು ಬಹುವಾಗಿ ಕಾಡುತ್ತಿದೆ. ಚೋಕ್ಸಿ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಅರುಣ್ಜೇಟ್ಲಿ ರಾಜೀನಾಮೆ ನೀಡುವಂತೆ ರಾಹುಲ್ ಗಾಂಧಿ ಸೇರಿದಂತೆ ಕಾಂಗ್ರೆಸ್ ಪಕ್ಷ ಒತ್ತಾಯಿಸಿದೆ.
Click it and Unblock the Notifications
Sign in with Google