ನಾರಿಶಕ್ತಿ, ವಿಜ್ಞಾನ ಶಕ್ತಿ, ಸಹಕಾರದ ಬಗ್ಗೆ ಮೋದಿ ಮನದ ಮಾತು

By Mahesh

Updated: Sunday, February 25, 2018, 12:11 [IST]

ನವದೆಹಲಿ, ಫೆಬ್ರವರಿ 25: ಪ್ರಧಾನಿ ನರೇಂದ್ರ ಮೊದಿ ಅವರು ತಮ್ಮ ತಿಂಗಳ ಮನದ ಮಾತು ಕಾರ್ಯಕ್ರಮದಲ್ಲಿ ನಾರಿಶಕ್ತಿ, ವಿಜ್ಞಾನ ಶಕ್ತಿ, ಆಪತ್ತಿನಲ್ಲಿ ನೆರವಾಗುವ ಸಹಕಾರ ಶಕ್ತಿ ಬಗ್ಗೆ ಮಾತನಾಡಿದರು. ಅಪ್ಡೇಟ್ಸ್ ಇಲ್ಲಿದೆ.

ಇದು ಮೋದಿ ಅವರು 41ನೇ ಆವೃತ್ತಿಯ ಮನ್ ಕೀ ಬಾತ್ ಕಾರ್ಯಕ್ರಮವಾಗಿದೆ. ಏಕಕಾಲಕ್ಕೆ ಆಕಾಶವಾಣಿ, ದೂರದರ್ಶನ ಹಾಗೂ ನರೇಂದ್ರ ಮೋದಿ ಅವರ ಮೊಬೈಲ್ ಅಪ್ ನಲ್ಲಿ ಪ್ರಸಾರವಾಗಿದೆ.

Feb 25, 2018, 11:46 am IST

ರಾಯ್ ಪುರದಲ್ಲಿನ ಕಛ್ರಾ ಹಬ್ಬದ ಮೂಲಕ ಸ್ವಚ್ಛತೆಗಾಗಿ ನಾರಿಯರು ಶ್ರಮಿಸಿದ್ದು, ಸಾರ್ಥಕವಾಗಿದೆ.

Feb 25, 2018, 11:46 am IST

ಬಜೆಟ್ ನಲ್ಲಿ ಗೋವರ್ಧನ ಯೋಜನೆ ಘೋಷಿಸಲಾಗಿದೆ. ಈ ಮೂಲಕ ಸಾವಯವ ಗೊಬ್ಬರ, ಗೋಮೂತ್ರ ಬಳಕೆಗೆ ಒತ್ತು ನೀಡಲಾಗಿದೆ. ಇದು ಗ್ರಾಮೀಣ ಭಾರತ ನೈರ್ಮಲೀಕರಣ, ಆದಾಯ ಹೆಚ್ಚಿಸಲು ಕಾರಣವಾಗಲಿದೆ

Feb 25, 2018, 11:45 am IST

ದೇಶದಲ್ಲಿ ನಡೆಯುವ ಅನೇಕ ಅಪಘಾತಗಳು ಪ್ರಜ್ಞೆ ಇರದ ಕಾರಣ ಸಂಭವಿಸುತ್ತಿದೆ. ಇಂಥ ಸಂದರ್ಭದಲ್ಲಿ ನೆರವಾಗುವ ಸಹಕಾರ ನೀಡುವ ಅನಾಮಿಕ ವ್ಯಕ್ತಿಗಳಿಗೆ ನನ್ನ ನಮನ.

Feb 25, 2018, 11:45 am IST

ಆರ್ಟಿಫಿಷಲ್ ಇಂಟೆಲೆಜನ್ಸ್ ಬಳಸಿ ಮಾನವರ ಕಲ್ಯಾಣ ಸಾಧ್ಯವಿದೆ. ದೇಶದಲ್ಲಿ ಇಂದು ವಿಜ್ಞಾನ ಮತ್ತು ತಂತ್ರಜ್ಞಾನದ ಬೆಳವಣಿಗೆಗೆ ಅನೇಕ ವಿಜ್ಞಾನಿಗಳ ಕೊಡುಗೆ ಇದೆ.

Feb 25, 2018, 11:45 am IST

ಬೌಧಾಯನ, ಭಾಸ್ಕರಾಚಾರ್ಯ ಹಾಗೂ ಆರ್ಯಭಟರಂಥ ಗಣಿತಜ್ಞರು, ಸುಶ್ರುತ, ಚರಕರಂಥ ವೈದ್ಯರತ್ನಗಳು ಭಾರತದ ನೆಲದಲ್ಲಿ ಜನ್ಮಿಸಿದರು.

Feb 25, 2018, 11:45 am IST

ಸರ್ ಜಗದೀಶ್ ಚಂದ್ರ ಬೋಸ್, ಹರಗೋವಿಂದ್ ಖುರಾನಾರಿಂದ ಸತ್ಯೇಂದ್ರ ನಾಥ್ ಬೋಸ್ ತನಕ ದಿಗ್ಗಜ ವಿಜ್ಞಾನಿಗಳು, ವಿಶ್ವಮಟ್ಟದಲ್ಲಿ ಭಾರತದ ಕೀರ್ತಿ ಪತಾಕೆ ಹಾರಿಸಿದರು.

11:45 AM, 25 Feb

11:46 AM, 25 Feb

41ನೇ ಆವೃತ್ತಿಯ ಮನ್ ಕೀ ಬಾತ್

ಮಾರ್ಚ್ 02ರಂದು ರಂಗಿನ ಹಬ್ಬ ಹೋಳಿ ಆಚರಿಸಲಾಗುತ್ತದೆ. ಕೆಟ್ಟದ್ದನ್ನು ಸುಟ್ಟು ಒಳ್ಳೆಯ ಬಣ್ಣವನ್ನು ಬದುಕಿನಲ್ಲಿ ತುಂಬಿಕೊಳ್ಳುವ ಹಬ್ಬ ಇದಾಗಿದೆ. ದೇಶದ ಎಲ್ಲರಿಗೂ ಹೋಳಿ ಹಬ್ಬದ ಶುಭಹಾರೈಕೆ. ಮಹಾರಾಷ್ಟ್ರದ ಎಲಿಫೆಂಟಾದ ಗುಹೆಗಳಿಗೆ ಬೆಳಕು ಹರಿದಿರುವ ಬಗ್ಗೆ ಸಂತಸ ವ್ಯಕ್ತಪಡಿಸಿದರು

ವಿಪತ್ತಿನಲ್ಲಿ ನೆರವಾದರಿಗೆ ನಮನ

ಅಪಘಾತಗಳ ಸಂದರ್ಭದಲ್ಲಿ, ವಿಪತ್ತಿನಲ್ಲಿ ನೆರವಾಗುವ ಹೀರೋಗಳಿಗೆ ನನ್ನ ಅಭಿನಂದನೆಗಳು.ವಿಕೋಪದ ಸಂದರ್ಭಗಳಲ್ಲಿ ರಕ್ಷಣೆ ಮತ್ತು ಪರಿಹಾರ ಕಾರ್ಯಗಳಲ್ಲಿ ತೊಡಗಿಕೊಳ್ಳುವ ಅನೇಕ ಮಂದಿಗೆ ನಮನ ಎಂದರು.