Mumbai Air Quality: ವಾಯು ಮಾಲಿನ್ಯದಲ್ಲಿ 'ದೆಹಲಿ' ಮೀರಿಸಿದ 'ಮುಂಬೈ': 3ಕಡೆ 'ಕಳಪೆ' ಗಾಳಿ ದಾಖಲು

ಬೆಂಗಳೂರು, ಅಕ್ಟೋಬರ್ 18: ರಾಷ್ಟ್ರ ರಾಜಧಾನಿ ನವದೆಹಲಿಯು ಸದಾ ವಾಯು ಮಾಲಿನ್ಯದಿಂದ ಮತ್ತು ಅದರ ನಿಯಂತ್ರಣದ ಕ್ರಮಗಳಿಂದ ಸದಾ ಸುದ್ದಿಯಲ್ಲಿರುತ್ತದೆ. ಆದರೆ ಈ ಬಾರಿ ವಾಯು ಮಾಲಿನ್ಯ ಹದಗೆಡುವ ವಿಚಾರದಲ್ಲಿ ದೆಹಲಿಯನ್ನು ಮುಂಬೈ ನಗರ ಮೀರಿಸಿದೆ. ಮುಂಬೈ ಮಹಾನಗರದ ಕೆಲವು ಪ್ರದೇಶಗಳಲ್ಲಿ ಮಿತಿ ಮೀರಿದ ಅತ್ಯಧಿಕ ಕಳಪೆಯ ವಾಯುಗುಣಮಟ್ಟ (Air Quality Index- AQI) ದಾಖಲಾಗಿದೆ.

ಈ ಮೂಲಕ ವಾಯುಮಾಲಿನ್ಯ ವಿಚಾರದಲ್ಲಿ ದೆಹಲಿ vs ಮುಂಬೈ ಎಂಬಂತಹ ವಾತಾವರಣ ನಿರ್ಮಾಣವಾಗುತ್ತಿದೆ.

ಮುಂಬೈನ ಕೆಲವು ಪ್ರದೇಶಗಳಲ್ಲಿ AQI 300 ಕ್ಕಿಂತ ಹೆಚ್ಚು ದಾಖಲಾಗಿದೆ. ಬುಧವಾರ ಬೆಳಗ್ಗೆ 9 ಗಂಟೆಗೆ ಮುಂಬೈನ ಮೂರು ಪ್ರದೇಶಗಳಲ್ಲಿ ಗಾಲಿ ಗುಣಮಟ್ಟ ಅತ್ಯಂತ ಕಳಪೆ ಎಂದು ಗಾಳಿಯ ಗುಣಮಟ್ಟ ಮತ್ತು ಹವಾಮಾನ ಮುನ್ಸೂಚನೆ ಮತ್ತು ಸಂಶೋಧನೆಯ ವ್ಯವಸ್ಥೆ (SAFAR) ವರದಿ ಮಾಡಿದೆ.

ಮುಂಬೈನಲ್ಲಿನ ಒಟ್ಟು ಗಾಳಿಯ ಗುಣಮಟ್ಟ ಮಧ್ಯಮ ವಿಭಾಗದಲ್ಲಿ ಅಂದರೆ ಸರಾಸರಿ 113ರ ವಾಯು ಗುಣಮಟ್ಟ ಸೂಚ್ಯಂಕ ದಾಖಲಾಗಿದೆ. ಇದೇ ವೇಳೆ ದೆಹಲಿಯಲ್ಲಿ ಗಾಳಿಯ ಗುಣಮಟ್ಟವು SAFAR ಪ್ರಕಾರ ಒಟ್ಟು ಸರಾಡರಿ AQI 83 ಇದ್ದು, ಇದು ತೃಪ್ತಿದಾಯವಾಗಿದೆ.

ಮುಂಬೈ ವಾಯು ಗುಣಮಟ್ಟ ವಿವರ

SAFAR ವರದಿ ಪ್ರಕಾರ, ಮುಂಬೈನ ಬಾಂದ್ರಾ ಕುರ್ಲಾ ಪ್ರದೇಶದ ಕಲಾನಗರದಲ್ಲಿ ಗಾಳಿಯ ಗುಣಮಟ್ಟವು 178 ತಲುಪಿದೆ. ವರ್ಲಿಯಲ್ಲಿ 139, ಭಾಂಡಪ್ 131 ಮತ್ತು ಬೊರಿವಲಿಯಂತಹ ಪ್ರದೇಶಗಳಲ್ಲಿ AQI 135 ಮುಟ್ಟಿದೆ. ಇದು ಗುಣಮಟ್ಟದಲ್ಲಿ ಮಧ್ಯಮದ ಹಂತದಲ್ಲಿದೆ ಎಂದು ಹೇಳಲಾಗುತ್ತದೆ.

#WATCH | Maharashtra: Visuals from Mumbai's Chhatrapati Shivaji Terminus (CST) area as the Air Quality Index dips to 'Very Poor' category. pic.twitter.com/78VjD0N220

— ANI (@ANI) October 18, 2023

ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿ (CPCB) ಮಾಹಿತಿಗಳ ಪ್ರಕಾರ, ಡಿಯೋನಾರ್ ಪ್ರದೇಶ 216 ಮತ್ತು ಚೆಂಬೂರ್ ನಲ್ಲಿ 213 AQI ದಾಖಲಾಗಿದೆ. ಇಷ್ಟು ಕಳಪೆ ಹಂತದ ಗಾಳಿ ಎಂದು ತಿಳಿಸಲಾಗಿದೆ. ಮುಂಬೈನಲ್ಲಿನ ಒಟ್ಟಾರೆ ಗಾಳಿಯ ಗುಣಮಟ್ಟವು 'ಮಧ್ಯಮ'ವಾಗಿದ್ದರೂ ಕೆಲವು ಪ್ರದೇಶಗಳಲ್ಲಿ 'ಅತ್ಯಂತ ಕಳಪೆ' ಹಂತ ತಲುಪಿದೆ.

ಇನ್ನು ಮಹಾನಗರದ ಬೆಳಗ್ಗೆ ಅಂಧೇರಿಯಲ್ಲಿ 346 AQI ತಲುಪಿದೆ. ನವಿ ಮುಂಬೈನಲ್ಲಿ AQI 311, ಮಜಗಾಂವ್ 307 AQI ಮುಟ್ಟಿದೆ ಎಂದು SAFAR ವರದಿ ವಿವರಿಸಿದೆ. ಇತ್ತರ ಕೇಂದ್ರೀಯ ಮಾಲಿನ್ಯ ನಿಯಂತ್ರಣ ಮಂಡಳಿಯು ವೈಲ್ ಪಾರ್ಲೆ ವೆಸ್ಟ್ ನಂತಹ ಪ್ರದೇಶಗಳಲ್ಲಿ 331 AQI, ಚಕಲಾ ಅಂಧೇರಿ ಪೂರ್ವದಲ್ಲಿ 343 AQI ದಾಖಲಾಗಿದೆ ಎಂದು ತಿಳಿಸಿದೆ.

ರಾಷ್ಟ್ರ ರಾಜಧಾನಿ ದೆಹಲಿ ವಾಯುಗುಣಮಟ್ಟ ಹೀಗಿದೆ

ಸೋಮವಾರ ರಾತ್ರಿ ದೆಹಲಿಯಲ್ಲಿ ಮಳೆ ಆಗಿದೆ. ಈ ಸಂಬಂಧ ದೆಹಲಿಯಲ್ಲಿ ಗಾಳಿಯ ಗುಣಮಟ್ಟ ತುಸು ಸುಧಾರಿಸಿದೆ ಎನ್ನಲಾಗುತ್ತಿದೆ. ಇಂದು ಬೆಳಗ್ಗೆ 9 ಗಂಟೆಗೆ ಲೋಧಿ ರಸ್ತೆಯಲ್ಲಿ AQI 63 ರಷ್ಟು ಇತ್ತು. ದೆಹಲಿ ವಿಮಾನ ನಿಲ್ದಾಣ (T3) AQI 56 ದಾಖಲಿಸಿದರೆ, ದೆಹಲಿ ಐಐಟಿಯಲ್ಲಿ 45 AQI ಕಂಡು ಬಂದಿದೆ. ಇನ್ನೂ ನೋಯ್ಡಾ 37, ಮಥುರಾ ರಸ್ತೆ 27 AQI ನಲ್ಲಿರುವ ಕಾರಣ ಇಲ್ಲಿನ ಗಾಳಿಯನ್ನು 'ಉತ್ತಮ' ಗಾಳಿ ಕಂಡು ಬಂದಿದೆ. ಈ ಮೂಲಕ ದೆಹಲಿ ನಿವಾಸಿಗಳು ನಿಟ್ಟುಸಿರುವ ಬಿಡುವಂತಾಗಿದೆ.

ಮಾಲಿನ್ಯ ನಿಯಂತ್ರಣ ಮಂಡಳಿ ಪ್ರಕಾರ, ವಾಯುಮಾಲಿನ್ಯ ಕೆಡುವ ಹಾಟ್‌ಸ್ಪಾಟ್‌ ಪ್ರದೇಶಗಳಾದ ವಜೀರ್‌ಪುರ್, ಆರ್‌ಕೆ ಪುರಂ, ಜಹಾಂಗೀರ್‌ಪುರಿ, ರೋಹಿಣಿ ಪ್ರದೇಶಗಳಲ್ಲಿ ಕ್ರಮವಾಗಿ 155, 184, 171, 135 AQI ದಾಖಲಿಸುವ ಮೂಲಕ ಮಧ್ಯಮ ಗುಣಮಟ್ಟ ಗಾಳಿ ದಾಖಲಾಗಿದೆ.

ವಾಯು ಗುಣಮಟ್ಟ ಸೂಚ್ಯಂಕ ಮಾಪನ

ವಾಯು ಗುಣಮಟ್ಟ ಸೂಚ್ಯಂಕ (AQI) ಪ್ರಕಾರ '0 ಮತ್ತು 50 ರ ನಡುವಿನ ಗಾಳಿಯ ಗುಣಮಟ್ಟ ದಾಖಲಾಗಿದ್ದರೆ ಅದನ್ನು "ಉತ್ತಮ" ಎಂದು ಪರಿಗಣಿಸಲಾಗುತ್ತದೆ. ಇದು ಆರೋಗ್ಯಕರವಾದ ಗಾಳಿ ಎನ್ನಬಹುದು. ನಂತರ 51-100 ಎಕ್ಯೂಐ ಗಾಳಿಯನ್ನು "ತೃಪ್ತಿದಾಯಕ", 101-200 ಎಕ್ಯೂಐ ಗಾಳಿ "ಮಧ್ಯಮ", 201ರಿಂದ 300ವರೆಗಿನ ಎಕ್ಯೂಐ ಅನ್ನು 'ಕಳಪೆ' ಮತ್ತು 301ರಿಂದ 400 'ಅತ್ಯಂತ ಕಳಪೆ' ಹಾಗೂ 401ರಿಂದ 450 AQI 450 ಮೀರಿದಾಗ ತೀವ್ರ ಕಳಪೆ ವಾಯು ಗುಣಮಟ್ಟ ಎಂದು ಪರಿಗಣಿಸಲಾಗಿದೆ.

English summary

Mumbai beaten nation capital new delhi in record of poor air quality index, Mumbai AQI 300 registerd.