ಋತುಸ್ರಾವದ ಮೊದಲ ದಿನ ಮಹಿಳೆಯರಿಗೆ ರಜೆ ನೀಡಿದ ಕೇರಳ ಕಂಪನಿ

ತಿರುವನಂತಪುರಂ, ಜುಲೈ 20: ಋತುಸ್ರಾವದ ಮೊದಲ ದಿನ ಮಹಿಳೆಯರಿಗೆ ರಜೆ ನೀಡಬೇಕೆಂಬ ವಿಷಯಕ್ಕೆ ಸಂಬಂಧಿಸಿದಂತೆ ಭಾರತದ ಎರಡು ಕಂಪೆನಿಗಳು ತೆಗೆದುಕೊಂಡ ನಿರ್ಧಾರ ಚರ್ಚೆಗೆ ನಾಂದಿಹಾಡಿತ್ತು. ಈ ಕುರಿತು ಈಗಾಗಲೇ ನೀವು 'ಒನ್ ಇಂಡೀಯಾ'ದಲ್ಲಿ ಓಡಿರುತ್ತೀರಿ.

ಆದರೆ ಈ ನಿಯಮವನ್ನು ಮಲಯಾಳಂ ಚಾನೆಲ್ ವೊಂದು ತನ್ನ ಕಚೇರಿಯಲ್ಲಿ ಜಾರಿಗೆ ತಂದಿದೆ. ಕೇರಳದ ಪ್ರಸಿದ್ಧ ಚಾನೆಲ್ ಗಳಲ್ಲೊಂದಾದ ಮಾತೃಭೂಮಿ, ವರ್ಷದಲ್ಲಿ 12 ದಿನ ಮಹಿಳೆಯರಿಗೆ ವೇತನ ಸಹಿತ ರಜೆ ನೀಡುವ ನಿರ್ಧಾರಮಾಡಿದೆ. ದೇಶದಾದ್ಯಂತ ಮಹಿಳೆಯರು ಈ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ.

ಇದಕ್ಕೂ ಮುನ್ನ ಮುಂಬೈ ಮೂಲದ ಕಲ್ಚರಲ್ ಮಷಿನ್ ಕಂಪೆನಿ ಈ ನಿಯಮವನ್ನು ಜಾರಿಗೆ ತಂದಿತ್ತು, ನಂತರ ಗೋಜೋಪ್ ಕಂಪೆನಿ ಸಹ ಈ ನಿಯಮವನ್ನು ಸ್ವಾಗತಿಸಿ, ತಾನೂ ಅಳವಡಿಸಿಕೊಂಡಿತ್ತು.

'ಋತುಸ್ರಾವದ ಸಮಯದಲ್ಲಿ ದೇಹದಲ್ಲಾಗುವ ಹಾರ್ಮೋನ್ ವ್ಯತ್ಯಯದಿಂದಾಗಿ ಮಹಿಳೆಯರು ಮಾನಸಿಕ ಹಾಗೂ ದೈಹಿಕವಾಗಿ ತೀರಾ ಕಿರಿಕಿರಿ ಅನುಭವಿಸಬೇಕಾಗುತ್ತದೆ. ಇಂಥ ಸಂದರ್ಭದಲ್ಲಿ ಕಚೇರಿಗೆ ಬಂದು, ಒತ್ತಡದ ಕೆಲಸ ಮಾಡುವುದು ನಿಜಕ್ಕೂ ಕಷ್ಟದ ವಿಚಾರ. ಆದ್ದರಿಂದಲೇ ಇಂಥ ನಿರ್ಧಾರ ತೆಗೆದುಕೊಂಡಿದ್ದೇವೆ. ನಮ್ಮ ಕಚೇರಿಯಲ್ಲಿ ಕೆಲಸ ಮಾಡುವ ಮಹಿಳೆಯರ ಒಳಿತಿಗೆ ನಾವು ಬದ್ಧ' ಎಂಬುದು ಈ ಮೂರೂ ಕಂಪೆನಿಯ ಮುಖ್ಯಸ್ಥರ ನುಡಿ.

English summary

A Kerala based malayalam channel, Mathrubhumi has implemented a new facility to its female employees. Employees can take leave on first day of the menstruation.