ಮಧ್ಯಪ್ರದೇಶದ ಈ ಕೋಣದ ಬೆಲೆ ಕೇಳಿ, ಹೌಹಾರಬೇಡಿ

ಭೋಪಾಲ್, ಜುಲೈ 18: ಹೈದರಾಬಾದಿನ 'ಸದರ್ ಹಬ್ಬ' ದಲ್ಲಿ ಕಂಡಿದ್ದ ಯುವರಾಜ ಕೋಣ ಸಾಲಿಗೆ ಸೇರುವ ಮತ್ತೊಂದು ದುಬಾರಿ ಕೋಣ ಮಧ್ಯಪ್ರದೇಶದ ರೇವಾ ಜಿಲ್ಲೆಯಲ್ಲಿ ಕಂಡು ಬಂದಿದೆ. ಹೀರಾ ಹೆಸರಿನ ಈ ಕೋಣದ ಬೆಲೆ 4 ಕೋಟಿ ರು ಎಂದು ನಿಗದಿ ಮಾಡಲಾಗಿದೆ.

ಹೀರಾ ಎಂಬ ಈ ಕೋಣವನ್ನು ಇದರ ಮಾಲೀಕ ಮುನ್ನಾ ಸಿಂಗ್ ಏಳು ವರ್ಷಗಳ ಹಿಂದೆ ಬಹಳ ಕಡಿಮೆಬೆಲೆಗೆ ಖರೀದಿಸಿದ್ದ. ಕೋಣನಿಗೆ ತಿಂಗಳಿಗೆ 25 ರಿಂದ 30 ಸಾವಿರ ಖರ್ಚು ಮಾಡುತ್ತಿದ್ದ. ಆದರೆ, ಕೋಣನ ತಳಿ ಸಂವರ್ಧನೆ ಮೂಲಕ ಲಕ್ಷ ಲಕ್ಷ ಹಣ ಸಂಪಾದಿಸಿದ್ದಾನೆ.

ಮಹಾ ವೀರ್ಯದಾನಿ ಎನಿಸಿಕೊಂಡಿರುವ ಈ ಕೋಣನ ಮೂಲಕ ಹರಿಯಾಣ ಮತ್ತು ಉತ್ತರ ಪ್ರದೇಶಗಳಲ್ಲಿ ತಳಿ ಸಂವರ್ಧನೆಯಲ್ಲಿ ಹುಟ್ಟಿದ ಕರುಗಳು 45-ರಿಂದ 50 ಕೆಜಿ ತೂಕ ಹೊಂದಿದೆ. ಇದಲ್ಲದೆ ಹೆಣ್ಣುಕರುಗಳು ದೊಡ್ಡದಾದ ಮೇಲೆ 42-50 ಲೀಟರ್ ಹಾಲು ಕೊಡುವ ನಿರೀಕ್ಷೆಯಿದೆ.[ಏಳು ಕೋಟಿ ಬೆಲೆಬಾಳುವ ಕೋಣವನ್ನು ನೋಡಿದ್ದೀರಾ?]

ಈಗ ಹೀರಾನನ್ನು ಮಾರಾಟ ಮಾಡಲು ಮುಂದಾಗಿದ್ದು, ದೇಶದ ನಾನಾ ಭಾಗಗಳಿಂದ ಹೀರಾನನ್ನು ನೋಡಲು ಬರುತ್ತಿದ್ದಾರಂತೆ. ಪಶು ಸಂಗೋಪನೆ ಮಾಡುವವರು ದೇಶದ ನಾನಾ ಕಡೆಯಿಂದ ಬರುತ್ತಿದ್ದಾರೆ.

ಇತ್ತೀಚೆಗೆ ಸಿದಿ ಜಿಲ್ಲೆಯ ಉದ್ಯಮಿಯೊಬ್ಬ ಹಿರಾನಿಗೆ 4 ಕೋಟಿ ರು ನೀಡಲು ಮುಂದಾಗಿದ್ದಾನೆ. ಬಹುಶಃ ಡೀಲ್ ಮುಕ್ತಾಯವಾಗಲಿದೆ ಎಂದು ಮುನ್ನಾ ಸಿಂಗ್ ಖುಷಿಯಿಂದ ಹೇಳುತ್ತಾನೆ. ಹೀಗಾಗಿ 7 ಕೋಟಿ ರು ಬಾಳುವ ಯುವರಾಜ ಕೋಣ ಈಗಲೂ ಅತ್ಯಂತ ದುಬಾರಿ ಕೋಣ ಎಂದೆನಿಸಿಕೊಂಡಿದೆ.

English summary

'Hira', a buffalo in MP's Rewa district has a price tag of Rs 4 crore. Owing to its strong fertility, the buffalo drums up some good business for its owner.