Lok Sabha elections 5th phase: 5ನೇ ಹಂತದ ಚುನಾವಣೆದಲ್ಲಿ ಮತದಾನ ನಡೆಯಲಿರುವ ರಾಜ್ಯಗಳು, ಕ್ಷೇತ್ರಗಳ ಪಟ್ಟಿ

Updated: Sunday, May 19, 2024, 20:05 [IST]

ನವದೆಹಲಿ, ಮೇ. 19: ಲೋಕಸಭೆ ಚುನಾವಣೆಯ ಐದನೇ ಹಂತದ ಮತದಾನವು ಮೇ 20 ರಂದು ನಡೆಯಲಿದೆ. ಎಂಟು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ 49 ಕ್ಷೇತ್ರಗಳಲ್ಲಿ ಚುನಾವಣೆ ನಡೆಯಲಿದೆ. ಸೋಮವಾರ ಬೆಳಗ್ಗೆ 7 ಗಂಟೆಗೆ ಮತದಾನ ಆರಂಭವಾಗಿ ಸಂಜೆ 6 ಗಂಟೆಗೆ ಮತದಾನ ಮುಕ್ತಾಯವಾಗಲಿದೆ.

ಲೋಕಸಭಾ ಚುನಾವಣೆಯ ಐದನೇ ಹಂತದಲ್ಲಿ ಉತ್ತರ ಪ್ರದೇಶದ 14, ಮಹಾರಾಷ್ಟ್ರದ 13, ಪಶ್ಚಿಮ ಬಂಗಾಳದ 7, ಬಿಹಾರದ ಐದು, ಒಡಿಶಾದ ಐದು, ಜಾರ್ಖಂಡ್‌ನ ಮೂರು ಮತ್ತು ಜಮ್ಮು ಮತ್ತು ಕಾಶ್ಮೀರ ಮತ್ತು ಲಡಾಖ್‌ನಲ್ಲಿ ತಲಾ ಒಂದು ಸ್ಥಾನಗಳಲ್ಲಿ ಮತದಾರರು ತಮ್ಮ ಹಕ್ಕು ಚಲಾಯಿಸಲಿದ್ದಾರೆ.

Lok Sabha Election 2024 5th phase polls List of states constituencies

ಚುನಾವಣೆ ನಡೆಯಲಿರುವ ರಾಜ್ಯಗಳು ಮತ್ತು ಕ್ಷೇತ್ರಗಳ ಪಟ್ಟಿ

ಮಹಾರಾಷ್ಟ್ರ : ಮುಂಬೈ ಉತ್ತರ, ಮುಂಬೈ ವಾಯುವ್ಯ, ಮುಂಬೈ ಈಶಾನ್ಯ, ಮುಂಬೈ ಉತ್ತರ-ಮಧ್ಯ, ಮುಂಬೈ ದಕ್ಷಿಣ-ಮಧ್ಯ, ಮುಂಬೈ ದಕ್ಷಿಣ, ಥಾಣೆ, ಕಲ್ಯಾಣ್, ಪಾಲ್ಘರ್, ಧುಲೆ, ದಿಂಡೋರಿ, ನಾಸಿಕ್, ಭೀವಂಡಿ

ಉತ್ತರ ಪ್ರದೇಶ: ಲಕ್ನೋ, ಅಮೇಥಿ, ರಾಯ್ಬರೇಲಿ, ಮೋಹನ್‌ಲಾಲ್‌ಗಂಜ್, ಜಲೌನ್, ಝಾನ್ಸಿ, ಹಮೀರ್‌ಪುರ್, ಬಂದಾ, ಕೌಶಂಬಿ, ಫತೇಪುರ್, ಗೊಂಡಾ, ಬಾರಾಬಂಕಿ, ಫೈಜಾಬಾದ್, ಕೈಸರ್‌ಗಂಜ್

ಪಶ್ಚಿಮ ಬಂಗಾಳ: ಹೌರಾ, ಹೂಗ್ಲಿ, ಅರಾಂಬಾಗ್, ಬಂಗಾವ್, ಬರಾಕ್‌ಪುರ, ಶ್ರೀರಾಂಪುರ, ಉಲುಬೇರಿಯಾ

ಬಿಹಾರ: ಮುಜಾಫರ್‌ಪುರ, ಮಧುಬನಿ, ಹಾಜಿಪುರ, ಸೀತಾಮರ್ಹಿ, ಸರನ್

ಜಾರ್ಖಂಡ್: ಚತ್ರಾ, ಕೊಡರ್ಮಾ, ಹಜಾರಿಬಾಗ್

ಒಡಿಶಾ: ಬರ್ಗರ್, ಸುಂದರ್‌ಘರ್, ಬೋಲಂಗೀರ್, ಕಂಧಮಾಲ್, ಅಸ್ಕಾ

ಜಮ್ಮು ಮತ್ತು ಕಾಶ್ಮೀರ: ಬಾರಾಮುಲ್ಲಾ

ಲಡಾಖ್: ಲಡಾಖ್

ಚುನಾವಣಾ ಆಯೋಗದ ಪ್ರಕಾರ ಐದನೇ ಹಂತದ ಚುನಾವಣೆಯಲ್ಲಿ ಸಲ್ಲಿಸಲಾದ 1,586 ನಾಮಪತ್ರಗಳನ್ನು ನಮೂನೆಗಳನ್ನು ಪರಿಶೀಲಿಸಿದ 749 ಅಭ್ಯರ್ಥಿಗಳ ನಾಮಪತ್ರ ತಿರಸ್ಕರಿಸಲಾಗಿದೆ. ಅಂತಿಮವಾಗಿ 695 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಮೇ 3 ರ ಗಡುವಿನ ನಂತರ 695 ಅಭ್ಯರ್ಥಿಗಳ ನಾಮಪತ್ರ ಮಾನ್ಯವೆಂದು ಪರಿಗಣಿಸಲಾಗಿದೆ.

ಲೋಕಸಭೆ ಚುನಾವಣೆಯ ಪ್ರಮುಖ ಅಭ್ಯರ್ಥಿಗಳು

ಲೋಕಸಭೆ ಚುನಾವಣೆಯ ಐದನೇ ಹಂತದ ಕೆಲವು ಪ್ರಮುಖ ಅಭ್ಯರ್ಥಿಗಳು ಯಾರೆಂದರೆ ಕಾಂಗ್ರೆಸ್‌ನ ರಾಹುಲ್ ಗಾಂಧಿ, ರಾಯ್ ಬರೇಲಿ ಸ್ಥಾನದಿಂದ ಸ್ಪರ್ಧಿಸುತ್ತಿದ್ದಾರೆ. ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಅಮೇಥಿ ಕ್ಷೇತ್ರದಿಂದ ಸ್ಪರ್ಧಿಸುತ್ತಿದ್ದಾರೆ. ಲಕ್ನೋದಿಂದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್, ಕೈಸರ್‌ಗಂಜ್‌ನಿಂದ ಬ್ರಿಜ್ ಭೂಷಣ್ ಶರಣ್ ಸಿಂಗ್ ಅವರ ಮಗ ಕರಣ್ ಭೂಷಣ್ ಸಿಂಗ್ ಕಣದಲ್ಲಿದ್ದಾರೆ.

ಆರ್‌ಜೆಡಿ ನಾಯಕ ಮತ್ತು ಪಕ್ಷದ ವರಿಷ್ಠ ಮತ್ತು ಬಿಹಾರದ ಮಾಜಿ ಮುಖ್ಯಮಂತ್ರಿ ಲಾಲು ಪ್ರಸಾದ್ ಅವರ ಪುತ್ರಿ, ಸರನ್‌ನಿಂದ ರೋಹಿಣಿ ಆಚಾರ್ಯ, ಹಾಜಿಪುರದಿಂದ ಚಿರಾಗ್ ಪಾಸ್ವಾನ್, ಮುಂಬೈ ಉತ್ತರದಿಂದ ಕೇಂದ್ರ ಸಚಿವ ಪಿಯೂಷ್ ಗೋಯಲ್ ಮತ್ತು ಬಾರಾಮುಲ್ಲಾದಿಂದ ನ್ಯಾಷನಲ್ ಕಾನ್ಫರೆನ್ಸ್ ಉಪಾಧ್ಯಕ್ಷ ಓಮರ್ ಅಬ್ದುಲ್ಲಾ ಕಣಕ್ಕೆ ಇಳಿದಿದ್ದಾರೆ.

ಲೋಕಸಭೆ ಚುನಾವಣೆ ಏಳು ಹಂತಗಳಲ್ಲಿ ನಡೆಯುತ್ತಿದ್ದು, ಏಪ್ರಿಲ್ 19, ಏಪ್ರಿಲ್ 26, ಮೇ 7, ಮೇ 13, ಮೇ 20, ಮೇ 25 ಮತ್ತು ಜೂನ್ 1 ರಂದು ನಡೆಯಲಿದೆ. ಮತಗಳ ಎಣಿಕೆ ಮತ್ತು ಫಲಿತಾಂಸ ಜೂನ್ 4 ರಂದು ನಡೆಯಲಿದೆ. ಕಳೆದ ನಾಲ್ಕು ಹಂತಗಳಲ್ಲಿ ಸರಿಸುಮಾರು 60 ರಿಂದ 69 ರಷ್ಟು ಮತದಾನವಾಗಿದೆ. 96 ಕ್ಷೇತ್ರಗಳಲ್ಲಿ ಮೇ 7ರಂದು ನಡೆದ ನಾಲ್ಕನೇ ಹಂತದ ಮತದಾನದಲ್ಲಿ ಶೇ.69.16ರಷ್ಟು ಮತದಾನವಾಗಿದೆ.