Juice Jacking Scam: ಮೊಬೈಲ್ ಚಾರ್ಜಿಂಗ್ನಿಂದ ಹಣ-ಡೇಟಾ ಕಳವಾಗಬಹುದು ಎಚ್ಚರ, ರಕ್ಷಣೆಯ ಮಾರ್ಗಗಳೇನು?
ಬೆಂಗಳೂರು, ಜುಲೈ 26: ಸಾರ್ವಜನಿಕರ ವೈಯಕ್ತಿಕ ಡೇಟಾ, ಇನ್ನಿತರ ಅತ್ಯಮೂಲ್ಯ ಮಾಹಿತಿ ಜೊತೆಗೆ ಹಣವನ್ನು ಗೊತ್ತಾಗದಂತೆಯೇ ಅವರ ಡಿಜಿಟಲ್ ಡಿವೈಸ್ಗಳ ಮೂಲಕ ಖದಿಯುವ ಜಾಲ 'ಜ್ಯೂಸ್ ಜಾಕಿಂಗ್' ಸಕ್ರಿಯವಾಗಿದೆ ಎಂದು ವರದಿ ಆಗಿದೆ. ಹಾಗಿದ್ದರೆ ಇಂತವರ ಮೋಸ ಹೇಗೆ ನಡೆಯುತ್ತದೆ, ಅದರಿಂದ ತಪ್ಪಿಸಿಕೊಳ್ಳುವುದು ಹೇಗೆ ಎಂಬ ಅಂಶಗಳನ್ನು ಇಲ್ಲಿ ತಿಳಿಯಿರಿ.
ಜನಸಾಮಾನ್ಯರು ಸಾಮಾನ್ಯವಾಗಿ ತಮ್ಮ ಸ್ಮಾರ್ಟ್ಫೋನ್, ಲ್ಯಾಪ್ಟಾಪ್ ಅಥವಾ ಟ್ಯಾಬ್ಲೆಟ್ ಹಾಗೂ ಇತ್ಯಾದಿ ಡಿಜಿಟಲ್ ಸಾಧನೆಗಳ ಬ್ಯಾಟರಿ ಲೆವಲ್ ಕಡಿಮೆಯಾಗುತ್ತಿದ್ದಂತೆ ಚಾರ್ಜಿಂಗ್ ಪಾಯಿಂಟ್ಗಳನ್ನು ಹುಡುಕುತ್ತಾರೆ. ಇಂತಹ ಚಾರ್ಜಿಂಗ್ ಪಾಯಿಂಟ್ಗಳಲ್ಲಿ ಅಥವಾ ಕೆಲವೊಮ್ಮೆ ನಿಮ್ಮ ಮನೆ ಅಥವಾ ಕಛೇರಿಯಲ್ಲಿ ನೀವು ಇಲ್ಲದಿರುವಾಗಿ ನಿಮ್ಮ ಡಿವೈಸ್ಗಳಿಂದಲೇ ಹಣ ಕಳ್ಳತನವಾಗಬಹುದು. ಇಲ್ಲವೇ ನಿಮ್ಮ ವೈಯಕ್ತಿಕ ಮಾಹಿತಿಗಳು ಸೋರಿಕೆ ಆಗುವ ಸಾಧ್ಯತೆಯು ಹೆಚ್ಚಿರುತ್ತದೆ.
ಚಾರ್ಜಿಂಗ್ ಪಾಯಿಂಟ್ಗಳಲ್ಲಿ ಮೊಬೈಲ್, ಲ್ಯಾಪ್ಟಾಪ್ ಇನ್ನಿತರ ಡಿವೈಸ್ಗಳನ್ನು ಚಾರ್ಜಿಗೆ ಹಾಕಿದಾಗ, ಯುಎಸ್ಬಿ ಪೋರ್ಟ್ಗಳು ಅಥವಾ ಚಾರ್ಜಿಂಗ್ ಕಿಯೋಸ್ಕ್ಗಳಂತಹ ಸಾಧನ ಮೂಲಕವೇ ನಿಮ್ಮ ಡಿವೈಸ್ ನಲ್ಲಿನ ಮಾಹಿತಿ, ಹಣ ಕಳೆದುಕೊಳ್ಳಬೇಆಗುತ್ತದೆ. ಹೀಗೆ ವಂಚಿಸುವುದನ್ನು 'ಜ್ಯೂಸ್ ಜಾಕಿಂಗ್' ಎಂದು ಕರೆಯಲಾಗುತ್ತದೆ. ಈ 'ಜ್ಯೂಸ್ ಜಾಕಿಂಗ್' ವಂಚಕರು ಇತ್ತೀಚೆಗೆ ಹಣಕಾಸು ಕ್ಷೇತ್ರದಲ್ಲಿ ನಿಧಾನವಾಗಿ ವಿಸ್ತರಿಸುತ್ತಿದ್ದಾರೆ ಎಂದು RBI ಮೂಲಗಳು ಮಾಹಿತಿ ನೀಡಿವೆ.
ಸಾರ್ವಜನಿಕ ಜಾರ್ಜಿಂಗ್ ಕೇಂದ್ರ ದುರ್ಬಳಕೆ?
ಜ್ಯೂಸ್ ಜಾಕಿಂಗ್ ದುರುದ್ದೇಶಪೂರಿತ ವ್ಯಕ್ತಿಗಳು ಯುಎಸ್ಬಿ ಪೋರ್ಟ್ಗಳು ಅಥವಾ ಚಾರ್ಜಿಂಗ್ ಕಿಯೋಸ್ಕ್ಗಳಂತಹ ಸಾರ್ವಜನಿಕ ಚಾರ್ಜಿಂಗ್ ಸ್ಟೇಷನ್ಗಳನ್ನು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದಾರೆ. ನಿಮಗೇ ತಿಳಿದಿರುವಂತೆ ಮೊಬೈಲ್ನ ಚಾರ್ಜಿಂಗ್ ಪೋರ್ಟ್ ಅನ್ನು ಫೋಟೊ, ವಿಡಿಯೋ ಹಾಗೂ ಇನ್ನಿತರ ಡೇಟಾ ವರ್ಗಾವಣೆಗೆ ಈಗಾಗಲೆ ಬಳಕೆ ಆಗುತ್ತಿದೆ ಎಂಬುದು ಗಮನಿಸಬೇಕಾದ ವಿಚಾರವಾಗಿದೆ.
ವಂಚಕರು ಸಂಪರ್ಕಗೊಂಡಿರುವ ಫೋನ್ಗಳಿಗೆ ಮಾಲ್ವೇರ್ ವರ್ಗಾಯಿಸಲು ಸಾರ್ವಜನಿಕ ಚಾರ್ಜಿಂಗ್ ಪೋರ್ಟ್ಗಳನ್ನು ಬಳಸುತ್ತಾರೆ. ಇದರಿಂದ ಮೊಬೈಲ್ ಫೋನ್ ನಲ್ಲಿರುವ ಇಮೇಲ್- SMS ಸಂದೇಶ, ಪಾಸ್ವರ್ಡ್ ನಂತರ ಸೂಕ್ಷ್ಮ ಡೇಟಾ ಕದಿಯುತ್ತಾರೆ. ಇದು ಕೇವಲ ಡೇಟಾ ಕಳ್ಳತನಕ್ಕೆ ಮಾತ್ರ ಸೀಮಿತವಾಗಿಲ್ಲ, ಆರ್ಥಿಕ ನಷ್ಟು ಉಂಟು ಮಾಡಲು ಬಳಕೆ ಆಗುತ್ತಿದೆ.
ಮಾಹಿತಿ ಕದ್ದು ನಿಮ್ಮನ್ನು ಆಟವಾಡಿಸಬಹುದು
ನಿಮ್ಮ ಆನ್ಲೈನ್ ಬ್ಯಾಂಕಿಂಗ್ ಅಥವಾ ಹಣಕಾಸು ಸಂಬಂಧಿತ ಖಾತೆಗಳನ್ನು ವಂಚಕರು ಒಮ್ಮೆ ಹೊಕ್ಕರೆ ಅವರು ನಿರಂತರವಾಗಿ ನಿಮಗೆ ಗೊತ್ತಾಗದಂತೆ ಆರ್ಥಿಕ ತೊಂದರೆ ನೀಡಬಹುದು. ಲಕ್ಷ ಲಕ್ಷ ಹಣ ವರ್ಗಾಯಿಸಿಕೊಳ್ಳಬಹುದು. ಇಲ್ಲವೇ ಕೆಲವು ಫೋಟೊಗಳನ್ನು ಇಟ್ಟುಕೊಂಡು ಹಣಕ್ಕೆ ಬೇಡಿಕೆ ಇಟ್ಟು ನಿಮ್ಮನ್ನು ಆಟವಾಡಿಸಲೂ ಬಹುದು. ಅಥವಾ ನಿಮ್ಮ ಹೆಸರಿನಲ್ಲಿ ಹೊಸ ಕ್ರೆಡಿಟ್ ಲೈನ್ಗಳನ್ನು ತೆರೆಯುವ ಸಾಧ್ಯತೆಯು ಇದೆ ಎಂಬ ಅಂಶ ಬೆಳಕಿಗೆ ಬಂದಿದೆ.
ಇನ್ನೂ ಮುಂದುವರಿದು ನೋಡುವುದಾದರೆ, ಇಂತಹ ವಂಚಕರೇ ಸ್ವತಃ ಸಾರ್ವಜನಿಕ ಚಾರ್ಜಿಂಗ್ ಸೆಂಟರ್ ಸ್ಥಾಪಿಸಬಹುದು. ವಿಮಾನ ನಿಲ್ದಾಣಗಳು, ರೈಲು ನಿಲ್ದಾಣಗಳು, ಹೋಟೆಲ್ಗಳು ಅಥವಾ ಇತರ ಜನನಿಬಿಡ ಪ್ರದೇಶಗಳಲ್ಲಿ ಜನರು ತಮ್ಮ ಡಿವೈಸ್ಗಳನ್ನು ಚಾರ್ಜಿಂಗ್ ಹಾಕಿದಾಗ ಕೃತ್ಯ ವೆಸಗುವ ಸಾಧ್ಯತೆಗಳು ಹೆಚ್ಚಿವೆ.
ವಂಚಕರಿಂದ ರಕ್ಷಣೆ ಹೇಗೆ?
ಇಂತಹ ಅಪಾಯಗಳಿಂದ ನೀವು ತಪ್ಪಿಸಿಕೊಳ್ಳಲು ಗೊತ್ತಿರುವ ವಿಶ್ವಾಸಾರ್ಹ ಚಾರ್ಜಿಂಗ್ ಸ್ಟೇಷನ್ ಬಳಸಬೇಕು. ಆದಷ್ಟು ಮನೆಯಲ್ಲಿಯೇ ಇಲ್ಲ ನಿಮ್ಮ ಕಚೇರಿಗಳಲ್ಲಿ ಡಿವೈಸ್ಗಳನ್ನು ಫುಲ್ ಚಾರ್ಜ್ ಮಾಡಿಟ್ಟುಕೊಳ್ಳಿ. ಅನವಶ್ಯಕಾಗಿ ಅವಲಂಬನೆ ತಪ್ಪಿಸಿ. ಜೊತೆಗೆ ಸಾರ್ವಜನಿಕವಾಗಿ ಹಣದ ವಹಿವಾಟು, ಪಾಸವರ್ಡ್ ಬಳಕೆ ಆದಷ್ಟು ಕಡಿಮೆ ಮಾಡುವ ಮೂಲಕ ಇಂತಹ ವಂಚಕರಿಂದ ದೂರವಿರಬಹುದಾಗಿದೆ.
-
Gold Rate: ಬಂಗಾರ ಮತ್ತಷ್ಟು ದುಬಾರಿ: 16,000 ರೂ. ದಾಟಿದ ಚಿನ್ನ, ಬೆಳ್ಳಿ ಬೆಲೆ ಕೂಡ ಏರಿಕೆ, ಇಲ್ಲಿದೆ ಇಂದಿನ ದರ ವಿವರ -
ಮುದ್ದೇನಹಳ್ಳಿ ಸತ್ಯಸಾಯಿ ಗ್ರಾಮದಲ್ಲಿ CSR ರಾಷ್ಟ್ರೀಯ ಸಮಾವೇಶ: ವಿಕಸಿತ ಭಾರತ ಚರ್ಚೆ -
ಎಲ್ಪಿಜಿ ಸಿಲಿಂಡರ್ ಬೆಲೆ ಏರಿಕೆ ಬೆನ್ನಲ್ಲೇ ಬೆಂಗಳೂರಿನ ಹೋಟೆಲ್ಗಳಲ್ಲಿ ಆಹಾರ ದರ ಏರಿಸಲು ಚಿಂತನೆ -
ಐಪಿಎಲ್ 2026ಕ್ಕೆ ಮುಹೂರ್ತ ಫಿಕ್ಸ್: ಇಲ್ಲಿದೆ ಮಾಹಿತಿ -
ಎಲ್ಪಿಜಿ ಸಿಲಿಂಡರ್ ಪೂರೈಕೆ ಸ್ಥಗಿತ: ನಾಳೆಯಿಂದ ಬೆಂಗಳೂರಿನಾದ್ಯಂತ ಹೋಟೆಲ್ಗಳು ಬಂದ್ -
Bengaluru Second Airport: ಬೆಂಗಳೂರು ಎರಡನೇ ವಿಮಾನ ನಿಲ್ದಾಣಕ್ಕೆ ಈ ಪ್ರದೇಶ ಬೆಸ್ಟ್: ಉದ್ಯಮಿ ಕಿರಣ್ ಮಜುಂದಾರ್ ಶಾ -
Byadgi Chilli Market: ಬ್ಯಾಡಗಿ ಮೆಣಸಿನಕಾಯಿ ಮಾರುಕಟ್ಟೆ ಮೇಲೆ ಯುದ್ಧದ ಪ್ರಭಾವ, ರಫ್ತು ಸ್ಥಗಿತ -
Prakash Raj: ‘ಅಪ್ಪನ ಮನೆ ಆಸ್ತಿ ಮಾರ್ತಿದೀರಾ?’: ಕೇಂದ್ರದ ಹೊಸ ನಿಯಮದ ವಿರುದ್ಧ ನಟ ಪ್ರಕಾಶ್ ರಾಜ್ ಟೀಕೆ -
Abhishek Sharma: ದಯವಿಟ್ಟು ಕ್ಷಮಿಸಿ ಎಂದು ಬೇಡಿಕೊಂಡ ಅಭಿಷೇಕ್ ಶರ್ಮಾ -
"ನನ್ನನ್ನೇಕೆ ಮದುವೆಗೆ ಕರೆದಿಲ್ಲ" ಎಂದು ದಬಾಯಿಸಿದ ಪುಟಾಣಿ ಅಭಿಮಾನಿ: ಮನೆಗೆ ಊಟಕ್ಕೆ ಆಹ್ವಾನಿಸಿದ ವಿಜಯ್ ದೇವರಕೊಂಡ-ರಶ್ಮಿಕಾ -
Petrol Price: ಇರಾನ್,ಅಮೆರಿಕ – ಇಸ್ರೇಲ್ ಯುದ್ಧ: ಕಚ್ಚಾ ತೈಲ ದರ ಏರಿಕೆ, ಭಾರತದಲ್ಲಿ ಪೆಟ್ರೋಲ್ ಬೆಲೆ ಶೀಘ್ರ 200 ರೂ. ? -
Viral Video: ಅಮೆರಿಕದ ಯುದ್ಧ ಸ್ಮಾರಕದ ಮುಂದೆ ಭಾರತೀಯ ದಂಪತಿ ಎಡವಟ್ಟು: ಶುರುವಾಯ್ತು ಗಡೀಪಾರು ಭೀತಿ, ವೈರಲ್ ವಿಡಿಯೋ
Click it and Unblock the Notifications
Sign in with Google