ಗ್ರಾಮೀಣ ರೈಲು ನಿಲ್ದಾಣಗಳಲ್ಲಿ ವೈಫೈ ಹಾಟ್ಸ್ಪಾಟ್
ಗ್ರಾಮೀಣ ಪ್ರದೇಶಗಳಿಗೆ ಆನ್ಲೈನ್ ಸೇವೆ ಒದಗಿಸಿ, ಸರ್ಕಾರಿ ಯೋಜನೆಗಳ ಲಾಭ ತಲುಪಿಸುವ ನಿಟ್ಟಿನಲ್ಲಿ ರೈಲ್ವೆ ಇಲಾಖೆ ಮುಂದಾಗಿದೆ. 500ಕ್ಕೂ ಅಧಿಕ ಗ್ರಾಮೀಣ ರೈಲು ನಿಲ್ದಾಣಗಳಲ್ಲಿ ವೈಫೈ ಹಾಟ್ ಸ್ಪಾಟ್ ಕಿಯೋಸ್ಕ್ ಸ್ಥಾಪಿಸುತ್ತಿದೆ
ಬೆಂಗಳೂರು, ಮಾರ್ಚ್ 26: ಗ್ರಾಮೀಣ ಪ್ರದೇಶಗಳಿಗೆ ಆನ್ಲೈನ್ ಸೇವೆ ಒದಗಿಸಿ, ಸರ್ಕಾರಿ ಯೋಜನೆಗಳ ಲಾಭ ತಲುಪಿಸುವ ನಿಟ್ಟಿನಲ್ಲಿ ರೈಲ್ವೆ ಇಲಾಖೆ ಮುಂದಾಗಿದೆ. 500ಕ್ಕೂ ಅಧಿಕ ಗ್ರಾಮೀಣ ರೈಲು ನಿಲ್ದಾಣಗಳಲ್ಲಿ ವೈಫೈ ಹಾಟ್ ಸ್ಪಾಟ್ ಕಿಯೋಸ್ಕ್ ಸ್ಥಾಪಿಸುತ್ತಿದೆ.
ರೈಲ್ವೈರ್ ಸಾಥಿ ಎಂಬ ಹೆಸರಿನ ವೈಫೈ ಕಿಯೋಸ್ಕ್ ಪಿಸಿಒ ರೀತಿಯಲ್ಲಿ ಕೆಲಸ ಮಾಡಲಿದ್ದು, ಡಿಜಿಟಿಲ್ ಇಂಡಿಯಾಗೆ ಪೂರಕವಾಗಿ ಜನರಿಗೆ ಇ-ಕಾಮರ್ಸ್, ಆನ್ಲೈನ್ ಬ್ಯಾಂಕಿಂಗ್, ಶಾಲಾ/ವಿಶ್ವವಿದ್ಯಾಲಯ ಮತ್ತು ವಿಮೆ ಯೋಜನೆಗಳ ಬಗ್ಗೆ ಮಾಹಿತಿ, ರೈಲು ಪ್ರಯಾಣಕ್ಕೆ ಇ-ಟಿಕೆಟ್ ಸೇರಿದಂತೆ ಇನ್ನು ಹಲವು ಸೇವೆಗಳನ್ನು ನೀಡಲಿದೆ.
ಅತ್ಯಂತ ಕಡಿಮೆ ಸಂಪರ್ಕವಿರುವ ಸ್ಥಳಗಳಲ್ಲಿ ರೈಲ್ವೆ ಸಾಥಿ ಅಡಿ ಸ್ವಯಂಚಾಲಿತ ಫಾಮ್ರ್ ತುಂಬುವುದು, ಮೊಬೈಲ್ ಹಾಗೂ ಡಿಟಿಎಚ್ ರೀಚಾರ್ಜ್ ಸೇವೆಯೂ ಸಿಗಲಿದೆ. ಇದರಿಂದ ಸಂಪರ್ಕ ಕಲ್ಪಿಸುವುದಲ್ಲದೇ ನಿರುದ್ಯೋಗಿಗಳಿಗೆ ಇದರಿಂದ ಉದ್ಯೋಗ ಅವಕಾಶಗಳು ತೆರೆದುಕೊಳ್ಳಲಿವೆ ಎಂದು ರೈಲ್ವೆ ಇಲಾಖೆಯ ಅಧಿಕಾರಿಗಳು ಹೇಳುತ್ತಾರೆ.
ಮೇ ತಿಂಗಳಿನಿಂದ ಈ ಯೋಜನೆ ಜಾರಿಗೆ ಬರಲಿದ್ದು. ಗೂಗಲ್ ನೆರವಿನಿಂದ 400 ರೈಲು ನಿಲ್ದಾಣಗಳು ವೈಫೈ ಸೌಲಭ್ಯಕ್ಕೆ ಪಡೆಯಲಿದೆ.
Click it and Unblock the Notifications
Sign in with Google