Heat Waves In India: 90 ಪ್ರತಿಶತ ಭಾರತೀಯರಲ್ಲಿ ಆರೋಗ್ಯ ಸಮಸ್ಯೆ: ಕಾಡಲಿದೆ ಆಹಾರದ ಕೊರತೆ
2022ರ ಹವಾಮಾನ ಬದಲಾವಣೆಯಿಂದ ಭಾರತೀಯರ ಮೇಲೆ ಮಾರಕ ಪರಿಣಾಮ ಉಂಟಾಗಲಿದೆ ಎಂದು ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದ ಸಂಶೋಧನೆ ಗುರುವಾರ ಬಹಿರಂಗಪಡಿಸಿದೆ. ಹವಾಮಾನ ಬದಲಾವಣೆಯಿಂದಾಗಿ 90 ಪ್ರತಿಶತ ಭಾರತೀಯರಲ್ಲಿ ಆರೋಗ್ಯದ ಸಮಸ್ಯೆಗಳು ಕಾಣಸಿಕೊಳ್ಳಿದ್ದು, ಸಾವಿನ ಪ್ರಮಾಣ ಹೆಚ್ಚಾಗುವ ಸಾಧ್ಯತೆ ಇದೆ, ದೇಶದಲ್ಲಿ ಆಹಾರದ ಕೊರತೆ ಕಾಡಲಿದೆ ಎಂದು ಸಂಶೋಧನೆಯಲ್ಲಿ ತಿಳಿಸಲಾಗಿದೆ.
ಪಿಎಲ್ಒಎಸ್ ಕ್ಲೈಮೇಟ್ ಜರ್ಮನ್ನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಈ ಆಘಾತಕಾರಿ ಮಾಹಿತಿಯನ್ನು ಬಹಿರಂಗಪಡಿಸಲಾಗಿದೆ. ಪ್ರಸ್ತುತ ಹವಾಮಾನ ದುರ್ಬಲತೆಯನ್ನು ಅಳೆಯಲು ಮತ್ತು ಹೊಂದಾಣಿಕೆಯ ಯೋಜನೆಗಳನ್ನು ಮಾಡಲು ಭಾರತವು ರಾಷ್ಟ್ರೀಯ ಹವಾಮಾನ ದುರ್ಬಲತೆ ಸೂಚಕವನ್ನು (CVI) ಬಳಸುತ್ತದೆ ಎಂದು ಹೇಳಿದೆ.
ಭಾರತದ ಜನಸಂಖ್ಯೆಯು ಶಾಖದ ಅಲೆಗಳನ್ನು ತಡೆದುಕೊಳ್ಳುವಷ್ಟು ಪ್ರಬಲವಾಗಿಲ್ಲವಾದ ಕಾರಣ, ದೇಶದಲ್ಲಿ ಹೆಚ್ಚಿನ ಪರಿಣಾಮ ಬೀರುತ್ತದೆ. ತೀವ್ರವಾದ ಶಾಖವು ದೇಶದ ಯಾವ ಭಾಗಗಳಲ್ಲಿ ಜನರ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎನ್ನುವುದನ್ನು ನಾವು ಲೆಕ್ಕಾಚಾರ ಮಾಡಬಹುದು" ಎಂದು ಹೇಳಿದರು.
ಭಾರತದ ಜನಸಂಖ್ಯೆಯ ಮೇಲೆ ಶಾಖದ ಅಲೆಗಳ ಪರಿಣಾಮಗಳನ್ನು ಅಳೆಯಲು "ಶಾಖ ಸೂಚ್ಯಂಖ"ವನ್ನು ಒಳಗೊಂಡಿರುವ ಮೊದಲ ಅಧ್ಯಯನವಾಗಿದೆ. ಆರ್ದ್ರತೆ ಮತ್ತು ಗಾಳಿಯ ಉಷ್ಣತೆಯನ್ನು ಒಟ್ಟಿಗೆ ಸೇರಿಸಿದಾಗ ಸುತ್ತಮುತ್ತಲಿನ ಪರಿಸ್ಥಿತಿಗಳಿಗೆ ಹೋಲಿಸಿದರೆ ಮಾನವ ದೇಹವು ಎಷ್ಟು ಬಿಸಿಯಾಗಿರುತ್ತದೆ ಎಂಬುದನ್ನು ಸೂಚ್ಯಂಕ ಅಳೆಯುತ್ತದೆ.
ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ಸಸ್ಟೈನಬಲ್ ಬಿಲ್ಟ್ ಎನ್ವಿರಾನ್ಮೆಂಟ್ನ ಸಹ-ಪ್ರೊಫೆಸರ್ ಸಹ-ಲೇಖಕಿ ಡಾ ರೋನಿತಾ ಬರ್ಧನ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿ, "ದೆಹಲಿಯ ಶಾಖದ ದುರ್ಬಲತೆಯು ಒಳಾಂಗಣ ಮಿತಿಮೀರಿದವುಗಳನ್ನು ಉತ್ಪ್ರೇಕ್ಷಿಸುತ್ತದೆ, ವಿಶೇಷವಾಗಿ ಕೈಗೆಟುಕುವ ವಸತಿಗಳಲ್ಲಿ ಕಡಿಮೆ ಸಂಪನ್ಮೂಲಗಳನ್ನು ಹೊಂದಿರುವ ಜನರು ತಮ್ಮನ್ನು ತಂಪಾಗಿಸಲು. ಶಾಖ-ಸಂಬಂಧಿತ ಆರೋಗ್ಯ ಮತ್ತು ಶಕ್ತಿಯ ಹೊರೆಯನ್ನು ತಗ್ಗಿಸಲು ಮತ್ತು ಹೊಂದಿಕೊಳ್ಳಲು ಸಾಮಾಜಿಕ ತಂಪಾಗಿಸುವ ಅಭ್ಯಾಸಗಳನ್ನು ರೂಢಿಸಿಕೊಳ್ಳಬೇಕು" ಎಂದು ಹೇಳಿದರು.
ಅವರು ನಂತರ 2001 ಮತ್ತು 2021 ರ ನಡುವಿನ 20 ವರ್ಷಗಳಲ್ಲಿ ಅದರ ಯುಎನ್ ಸುಸ್ಥಿರ ಅಭಿವೃದ್ಧಿ ಗುರಿಗಳ (SDGs) ಮೇಲೆ ಭಾರತದ ಪ್ರಗತಿಯನ್ನು ಆ ಅವಧಿಯಲ್ಲಿ ಹವಾಮಾನ-ಸಂಬಂಧಿತ ಸಾವುಗಳೊಂದಿಗೆ ಹೋಲಿಕೆ ಮಾಡಲಾಗಿದೆ. 2050 ರ ವೇಳೆಗೆ ಶಾಖದ ಅಲೆಗಳು 300 ಮಿಲಿಯನ್ಗಿಂತಲೂ ಹೆಚ್ಚು ಜನರ ಮೇಲೆ ಪರಿಣಾಮ ಬೀರುತ್ತವೆ ಮತ್ತು 2100 ರ ವೇಳೆಗೆ ಸುಮಾರು 600 ಮಿಲಿಯನ್ ಭಾರತೀಯರ ಜೀವನದ ಗುಣಮಟ್ಟವನ್ನು ಕಡಿಮೆ ಮಾಡುತ್ತದೆ ಎಂದು ದೀರ್ಘಾವಧಿಯ ಮುನ್ಸೂಚನೆಯಲ್ಲಿ ತಿಳಿಸಲಾಗಿದೆ.
ಭಾರತದಲ್ಲಿ ಕಾಡಲಿದೆ ಆಹಾರದ ಕೊರತೆ
ಶಾಖದ ಅಲೆಗಳು ರಾಷ್ಟ್ರದ ಕೃಷಿ ವಲಯದ ಮೇಲೆ ಕೂಡ ಪರಿಣಾಮ ಬೀರಲಿದೆ. ರಾಷ್ಟ್ರದ ಕೃಷಿ ಉತ್ಪಾದನೆ ಕಡಿಮೆಯಾಗಲಿದ್ದು, ಮುಂದಿನ ದಿನಗಳಲ್ಲಿ ಭಾರತದಲ್ಲಿ ಆಹಾರ ಕೊರತೆ ಎದುರಾಗಲಿದೆ ಎಂದು ಅಧ್ಯಯನದಲ್ಲಿ ತಿಳಿಸಲಾಗಿದೆ. ಕೃಷಿ ವಲಯದಲ್ಲಿ ಆಹಾರ ಉತ್ಪಾದನೆ ಕಡಿಮೆಯಾದರೆ ದೇಶದ ಆರ್ಥಿಕತೆ ಮೇಲೆ ಕೂಡ ಪರಿಣಾಮ ಬೀರಲಿದೆ.
ಶಾಖದ ಅಲೆಗಳ ಪರಿಣಾಮವಾಗಿ ಜನರಲ್ಲಿ ಹೆಚ್ಚಿನ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳಲಿದ್ದು, ಸಾವಿನ ಪ್ರಮಾಣ ಕೂಡ ಹೆಚ್ಚಾಗಲಿದೆ ಎಂದು ಹೇಳಲಾಗಿದೆ. ಇತ್ತೀಚೆಗೆ ತಾನೆ ಮಹಾರಾಷ್ಟ್ರದ ರಾಯಘಡ ಜಿಲ್ಲೆಯ ಖಾರ್ ಘರ್ ಪ್ರದೇಶದಲ್ಲಿ ನಡೆದ ಸಮಾರಂಭದಲ್ಲಿ ಲಕ್ಷಾಂತರ ಜನ ಭಾಗವಹಿಸಿದ್ದ ವೇಳೆ ಬಿಸಿಲಿನ ತಾಪಕ್ಕೆ 11 ಜನ ಮೃತಪಟ್ಟಿದ್ದ ಘಟನೆ ಕೂಡ ನಡೆದಿತ್ತು.
ಬಿಲ್ ಮತ್ತು ಮೆಲಿಂಡಾ ಗೇಟ್ಸ್ ಫೌಂಡೇಶನ್, ಕ್ವಾಡ್ರೇಚರ್ ಕ್ಲೈಮೇಟ್ ಫೌಂಡೇಶನ್, ಲಾಡ್ಸ್ ಫೌಂಡೇಶನ್, ಕೇನ್ಸ್ ಫಂಡ್ ಮತ್ತು ಆಫ್ರಿಕಾ ಅಲ್ಬೊರಾಡೋ ಗ್ರಾಂಟ್ ಈ ಸಂಶೋಧನೆಗೆ ಭಾಗಶಃ ಬೆಂಬಲ ನೀಡಿವೆ.
Click it and Unblock the Notifications
Sign in with Google