ಮೋಡಿಗಾರ, ಸೊಗಸುಗಾರ ಸೆಲ್ಫಿ ಮೋಹಿ ಮೋದಿ

By Mahesh

Updated: Tuesday, May 19, 2015, 16:29 [IST]

ಬೆಂಗಳೂರು, ಮೇ.17: ನರೇಂದ್ರ ಮೋದಿ ಅವರು ಪ್ರಧಾನಿಯಾಗಿ ಅಧಿಕಾರ ಸ್ವೀಕರಿಸಿ ಒಂದು ವರ್ಷ ಕಳೆಯುವಷ್ಟರಲ್ಲೇ ಅನೇಕ ದೇಶಗಳನ್ನು ಸುತ್ತಿ ಬಂದಿದ್ದಾರೆ. ಈಗಲೂ ಮೂರು ರಾಷ್ಟ್ರಗಳ ಪ್ರವಾಸ ನಿರತರಾಗಿದ್ದಾರೆ. ಎಲ್ಲೆಡೆ ಮೋದಿ ಅವರ ಸ್ಟೈಲ್ ಹಾಗೂ ಸ್ಮೈಲ್ ಬಗ್ಗೆ ಚರ್ಚೆ ನಡೆಯುತ್ತಿವೆ. ಈ ಪಟ್ಟಿಗೆ ಈಗ ಮೋದಿ ಅವರ ಸೆಲ್ಫಿ ಫೋಟೋ ಮೋಹ ಸೇರಿಕೊಂಡಿದೆ.

ಸಾರ್ಕ್ ದೇಶಗಳ ಪ್ರತಿನಿಧಿಗಳನ್ನು ಪ್ರಮಾಣ ವಚನ ಸ್ವೀಕಾರ ಸಮಾರಂಭಕ್ಕೆ ಆಹ್ವಾನಿಸುವ ಮೂಲಕ ಹೊಸ ಸಂಪ್ರದಾಯಕ್ಕೆ ಮೋದಿ ನಾಂದಿ ಹಾಡಿದ್ದು ನೆನಪಿರಬಹುದು. ಫೋಟೋಗ್ರಾಫರ್ಸ್ ಫ್ರೆಂಡ್ಲಿ ಪಿಎಂ ಎನಿಸಿಕೊಂಡಿರುವ ಭಾರತದ ಪ್ರಧಾನಿ ಮೋದಿ ಅವರು ತಮ್ಮ ತಾಯಿ ಜೊತೆ ಸೆಲ್ಫಿ ಫೋಟೋ ತೆಗೆಸಿಕೊಂಡು ಸಂಭ್ರಮಿಸಿದ್ದು ಸಾಂಕ್ರಾಮಿಕವಾಗಿಬಿಟ್ಟಿದೆ. [ನರೇಂದ್ರ ಮೋದಿ ಭಾರತದ ಸ್ಟೈಲ್ ಐಕಾನ್]

ವಿದೇಶಿ ಪ್ರವಾಸದ ಕಾಲದಲ್ಲೂ ಮೋದಿ ಅವರು ಶಿಷ್ಟಾಚಾರ ಬದಿಗೊತ್ತಿ ತಮ್ಮ ಸೆಲ್ಫಿ ಮೋಹವನ್ನು ಪ್ರದರ್ಶಿಸಿದ್ದಾರೆ. ಚೀನಾ ಪ್ರವಾಸದಲ್ಲೂ ಚೀನಾ ಪ್ರಧಾನಿ, ಅಧ್ಯಕ್ಷ, ಚೀನಿ ಮಕ್ಕಳು ಸೇರಿದಂತೆ ಎನ್ನಾರೈಗಳ ಜೊತೆ ಸೆಲ್ಫಿ ಮೋದಿ ಕಂಡು ಬಂದಿದ್ದಾರೆ.

ಮೋದಿ ಅವರ ಭದ್ರತಾ ಪಡೆಗೆ ಫುಲ್ ಕೆಲಸ. ಯಾವಾಗ ಯಾರ ಜೊತೆ ಮೋದಿ ಸೆಲ್ಫಿ ತೆಗೆದುಕೊಳ್ಳಲು ನಿಂತುಕೊಳ್ಳುತ್ತಾರೋ ಎಂಬ ಆತಂಕದೊಡನೆ ಅವರ ಜೊತೆ ಜೊತೆಗೆ ಹೆಜ್ಜೆ ಹಾಕುತ್ತಿರುತ್ತಾರೆ. ಮೋದಿ ಅವರ ಸೆಲ್ಫಿ ಮೋಹ, ಮೋಹಕ ನಗು ಎಲ್ಲರನ್ನು ಮೋಡಿ ಮಾಡಿರುವುದಂತೂ ಸತ್ಯ.

ವಿದೇಶ ಪ್ರವಾಸ ನಂತರ ಸೆಲ್ಫಿ ತೆಗೆದುಕೊಳ್ಳುವುದು ಹೇಗೆ ಎಂಬ ಕೋರ್ಸ್ ಶುರು ಮಾಡಿ ಎಂದು ಆದೇಶಿಸಿದರೂ ಅಚ್ಚರಿ ಪಡಬೇಕಾಗಿಲ್ಲ. ಮೋದಿ ಅವರ ಸೆಲ್ಫಿ ಚಿತ್ರಗಳ ಸಣ್ಣ ಸಂಗ್ರಹ ಇಲ್ಲಿದೆ ನೋಡಿ....