ಮೊದಲ ಹಂತದ ಮತದಾನ: ಗುಜರಾತಿನಲ್ಲಿ ಬಿಗಿಬಂದೋಬಸ್ತ್

ಗಾಂಧಿನಗರ, ಡಿಸೆಂಬರ್ 9: ಗುಜರಾತ್ ವಿಧಾನಸಭೆಗೆ ಇಂದು(ಡಿ.9) ಮೊದಲ ಹಂತದ ಮತದಾನ ನಡೆಯಲಿದ್ದು, ಎಲ್ಲೆಲ್ಲೂ ಬಿಗಿಬಂದೋಬಸ್ತ್ ಏರ್ಪಡಿಸಲಾಗಿದೆ.

1,74,000 ಪೊಲೀಸ್ ಸಿಬ್ಬಂದಿಗಳನ್ನು ಚುನಾವಣೆಯ ಸಂದರ್ಭದ ಭದ್ರತೆಗಾಗಿ ನೇಮಿಸಲಾಗಿದೆ. ಈ ಸಮಯದಲ್ಲಿ ಯಾವುದೇ ರೀತಿಯ ಅಹಿತಕರ ಘಟನೆ ನಡೆಯಬಾರದೆಂಬ ಕಾರಣಕ್ಕೆ ಬೇರೆ ಬೇರೆ ರಾಜ್ಯಗಳಿಂದ ಸಿಆರ್ ಪಿಎಫ್ ಯೋಧರನ್ನೂ ಕರೆಸಿಕೊಳ್ಳಲಾಗಿದೆ. (ಚಿತ್ರಕೃಪೆ: ಎಎನ್ ಐ)

ಕಾನೂನು ಸುವ್ಯವಸ್ಥೆ ಕಾಪಾಡಲು ಮನವಿಮಾಡಿಕೊಳ್ಳಲಾಗಿದೆ. ಎಲ್ಲಾ ಭೂತ್ ಗಳಲ್ಲೂ ಸಿಸಿಟಿವಿ ಕ್ಯಾಮೆರಾ ಅಳವಡಿಸಲಾಗಿದೆ. ಇವಿಎಂ (Electronic Voting Machines) ದುರುಪಯೋಗುವ ಸಾಧ್ಯತೆಗಳನ್ನು ತಪ್ಪಿಸಲು ವೋಟರ್ ವೆರಿಫೈಯೇಬಲ್ ಪೇಫರ್ ಆಡಿಟ್ ಟ್ರೇಲ್(ವಿವಿಪಿಎಟಿ) ಅಳವಡಿಸಲಾಗಿದೆ.

ಸೌರಾಷ್ಟ್ರ ಮತ್ತು ದಕ್ಷಿಣ ಗುಜರಾತ್ ನ 89 ಕ್ಷೇತ್ರಗಳಲ್ಲಿ ಇಂದು(ಡಿ.9) ಬೆಳಿಗ್ಗೆ 8 ಗಂಟೆಯಿಂದ ಮತದಾನ ಆರಂಭವಾಗಲಿದ್ದು ಎರಡನೇ ಹಂತದ ಮತದಾನ ಡಿಸೆಂಬರ್ 14ರಂದು 93 ಕ್ಷೇತ್ರಗಳಲ್ಲಿ ನಡೆಯಲಿದೆ. ಡಿಸೆಂಬರ್ 18ರಂದು ಫಲಿತಾಂಶ ಹೊರಬೀಳಲಿದೆ.

English summary

As the first phase of Gujarat assembly election is about to begin, the security has been beefed up to maintain law and order across the state. Over 1,74,000 police personnel have been deployed with security apparatus on highest alert to ensure smooth conduct of the voting process on Dec 9th.