ನಟ ಚಿರಂಜೀವಿ ಸರ್ಜಾ, ಸುಶಾಂತ್ಗೆ ಗೂಗಲ್ ಇಂಡಿಯಾ ನಮನ
ನವ ದೆಹಲಿ, ಜೂನ್ 15: ಕನ್ನಡ ನಟ ಚಿರಂಜೀವಿ ಸರ್ಜಾ ವಿಧಿವಶರಾಗಿ ವಾರಗಳು ಕಳೆದಿವೆ. ನಿನ್ನೆ ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಇಬ್ಬರು ನಟರಿಗೆ ಗೂಗಲ್ ಸಂಸ್ಥೆ ನಮನ ಸಲ್ಲಿಸಿದೆ.
Recommended Video
ವಿಶ್ವದ ನಂಬರ್ ಒನ್ ಸರ್ಚ್ ಇಂಜಿನ್ ಗೂಗಲ್ ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಹಾಗೂ ಕನ್ನಡ ನಟ ಚಿರಂಜೀವಿ ಸರ್ಜಾ ಸಾವಿಗೆ ಟ್ವಿಟ್ಟರ್ನಲ್ಲಿ ಸಂತಾಪ ಸೂಚಿಸಿದೆ.
ಧೋನಿ ಪಾತ್ರದಲ್ಲಿ ಮಿಂಚಿದ್ದ ಸುಶಾಂತ್ ಸಿಂಗ್ ಆತ್ಮಹತ್ಯೆ
''ಕಳೆದ ಕೆಲವು ದಿನಗಳು ತುಂಬ ಕಷ್ಟಕರವಾಗಿವೆ. ಇಬ್ಬರು ಕಲಾವಿದರ ನಷ್ಟಕ್ಕೆ ನಾವು ಸಾಕ್ಷಿಯಾಗಿಬೇಕಾಬಂದಿದೆ. ಅವರು ನಮ್ಮೊಂದಿಗೆ ಹಂಚಿಕೊಂಡ ಕಥೆಗಳಿಗೆ ಇದು ಗೌರವವಾಗಿದೆ.'' ಎಂದು ಗೂಗಲ್ ಇಂಡಿಯಾ ಟ್ವೀಟ್ ಮಾಡಿದೆ. ಚಿಕ್ಕ ವಯಸ್ಸಿನಲ್ಲಿಯೇ ಬದುಕು ಮುಗಿಸಿದ ಕಲಾವಿದರಿಗೆ ನಮನ ಸಲ್ಲಿಸಿದೆ.
The past few days have been difficult as we witnessed the loss of two incredible performers. This is a tribute to the stories and magic they shared with us, that continue to live on.
— Google India (@GoogleIndia) June 15, 2020
RIP #SushantSinghRajput and #ChiranjeeviSarja pic.twitter.com/dfKukptE0b
ನಟ ಚಿರಂಜೀವಿ ಹೃದಯಘಾತದಿಂದ ಜೂನ್ 7 ರಂದು ನಿಧನ ಹೊಂದಿದರು. 39 ವರ್ಷಕ್ಕೆ ವಿಧಿವಶರಾದರು. ಆಸ್ಪತ್ರೆಗೆ ಕರೆದುಕೊಂಡು ಬರುತ್ತಿದ್ದ ದಾರಿಯಲ್ಲಿ ಅವರು ಕೊನೆಯುಸಿರೆಳೆದರು.
ನಟ ಸುಶಾಂತ್ ಸಿಂಗ್ ರಜಪೂತ್ ನಿನ್ನೆ (ಜೂನ್ 14) ರಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಮುಂಬೈನಲ್ಲಿರುವ ತಮ್ಮ ಫ್ಲಾಟ್ನಲ್ಲಿ ನೇಣು ಬಿಗಿದುಕೊಂಡು ಸಾವಿಗೆ ಶರಣಾಗಿದ್ದಾರೆ. 34 ವರ್ಷಕ್ಕೆ ಸುಶಾಂತ್ ನಿಧನರಾದರು. ಅವರ ನಿಧನಕ್ಕೆ ಇಡೀ ಬಾಲಿವುಡ್ ಚಿತ್ರರಂಗ ಕಂಬನಿ ಮಿಡಿದಿದೆ.