ಗ್ರಾಹಕರಿಗೆ ಬಂಪರ್, ಲೀಟರ್ ಪೆಟ್ರೋಲ್ 4 ರು. ಕಡಿತ?

Updated: Friday, July 31, 2015, 17:22 [IST]

ಬೆಂಗಳೂರು, ಜುಲೈ 31: ಚಿನ್ನದ ದರ ಇಳಿಕೆಯ ನಂತರ ಇಂಧನ ಚಿನ್ನವೂ ಬೆಲೆ ಕಳೆದುಕೊಳ್ಳಲಿದೆ. ಗ್ರಾಹಕರಿಗೆ ಭರ್ಜರಿ ಗಿಫ್ಟ್ ಸಿಗಲಿದ್ದು ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬ್ಯಾರಲ್ ತೈಲದ ಬೆಲೆ ಗಣನೀಯವಾಗಿ ಕುಸಿದ ಪರಿಣಾಮ ಲೀಟರ್ ಪೆಟ್ರೋಲ್ 4 ರು. ಕಡಿತವಾಗಲಿದೆ.

ತೈಲ ಕಂಪನಿಗಲು ಒಪ್ಪಿಕೊಂಡರೆ ಹೊಸ ದರ ಶುಕ್ರವಾರ ಮಧ್ಯರಾತ್ರಿಯಿಂದಲೇ ಜಾರಿಗೆ ಬರಲಿದೆ. ಇಳಿಕೆ ಅಧಿಕೃತವಾದರೆ ಜುಲೈತಿಂಗಳಿನಲ್ಲಿ ಮೂರನೇ ಬಾರಿಗೆ ದರ ಇಳಿಕೆಯಾದಂತಾಗುತ್ತದೆ.[ತೈಲ ಬೆಲೆ ನಿರಂತರ ಇಳಿಕೆಗೆ ನಿಜವಾದ ಕಾರಣವೇನು?]

ಇಂಡಿಯನ್ ಆಯಿಲ್ ಕಾರ್ಪೋರೇಶನ್, ಭಾರತ್ ಪೆಟ್ರೋಲಿಯಂ ಮತ್ತು ಹಿಂದುಸ್ತಾನ್ ಪೆಟ್ರೋಲಿಯಂ ಕಂಪನಿಗಳು ಅಧಿಕೃತ ಘೋಷಣೆ ಮಾಡುವುದೊಂದೆ ಬಾಕಿಯಿದೆ. ಜುಲೈ 16 ರಂದು ಪೆಟ್ರೋಲ್ ದರವನ್ನು 2 ರು. ಇಳಿಕೆ ಮಾಡಲಾಗಿತ್ತು.

ದರ ಇಳಿಕೆಕೆ ಕಾರಣಗಳೇನು?
* ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾತೈಲದ ಬೆಲೆ ಗಣನೀಯ ಇಳಿಕೆ ಸಾಧಿಸಿದೆ.
* ಡೀಸೆಲ್ ಬ್ಯಾರಲ್ ಗೆ 62 ಡಾಲರ್ ಗೆ ಇಳಿದಿದ್ದರೆ ಪೆಟ್ರೋಲ್ ಬ್ಯಾರಲ್ ಗೆ 70 ಡಾಲರ್ ನೀಡಿದರೆ ಸಾಕು ಎಂಬಂತಾಗಿದೆ.
* ರುಪಾಯಿ ಮೌಲ್ಯ ಸ್ಥಿರತೆ ಕಾಯ್ದುಕೊಂಡಿದ್ದು ಡಾಲರ್ ಎದುರು 63 ರು. ನಲ್ಲಿ ವ್ಯವಹಾರ ನಡೆಸಿದೆ.
*ಇರಾನ್‌ನಲ್ಲಿನ ಪರಮಾಣು ಬಿಕ್ಕಟ್ಟು ಅಂತ್ಯಗೊಂಡಿರುವುದು ದರ ಇಳಿಕೆ ಮೇಲೆ ನೇರ ಪರಿಣಾಮ ಉಂಟುಮಾಡಿದೆ.

ಬೆಂಗಳೂರಿನಲ್ಲಿ ಸದ್ಯ ದರ ಎಷ್ಟಿದೆ?
ಬೆಂಗಳೂರಿಗರು ಸದ್ಯ ಪೆಟ್ರೋಲ್ ಗೆ 70.7ರು. ನೀಡುತ್ತಿದ್ದರೆ, ಡೀಸೆಲ್ ಗೆ 52.59ರು. ನೀಡುತ್ತಿದ್ದಾರೆ. ದರ ಇಳಿಕೆಯಾದಲ್ಲಿ ಜೇಬಿಗೆ ಹೊರೆ ಕಡಿಮೆಯಾಗಲಿದೆ.