4 State Assembly Election Schedule: ಸಿಕ್ಕಿಂ, ಓಡಿಶಾ ಸೇರಿ 4 ರಾಜ್ಯದ ವಿಧಾನಸಭಾ ಚುನಾವಣೆ ದಿನಾಂಕದ ಪಟ್ಟಿ ಇಲ್ಲಿದೆ

Updated: Saturday, March 16, 2024, 17:07 [IST]

ನವದೆಹಲಿ, ಮಾರ್ಚ್ 16: ಲೋಸಕಭಾ ಚುನಾವಣೆ 2024ಕ್ಕೆ ದಿನಾಂಕ ಘೋಷಣೆ ಜೊತೆಗೆ ಭಾರತದ ಈ ನಾಲ್ಕು ರಾಜ್ಯಗಳ ವಿಧಾನಸಭಾ ಚುನಾವಣೆಗೆ ವೇಳಾಪಟ್ಟಿ ಘೋಷಣೆ ಆಗಿದೆ. ಇಂದಿನಿಂದಲೇ ಆಯಾ ರಾಜ್ಯಗಳಲ್ಲಿ ಚುನಾವಣಾ ಪ್ರಕ್ರಿಯೆ ಕೊನೆಗೊಳ್ಳುವವರಗೆ ನೀತಿ ಸಂಹಿತೆ ಜಾರಿಯಲ್ಲಿರಲಿದೆ.

ದೆಹಲಿ ವಿಜ್ಞಾನ ಭವನದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಭಾರತ ಚುನಾವಣೆ ಆಯೋಗದ ಮುಖ್ಯ ಚುನಾವಣಾಧಿಕಾರಿ ರಾಜೀವ್ ಕುಮಾರ್ ಅವರು ಆಂಧ್ರ ಪ್ರದೇಶ, ಸಿಕ್ಕಿಂ, ಓಡಿಶಾ ಮತ್ತು ಅರುಣಾಚಲ ಪ್ರದೇಶದ ವಿಧಾನಸಭಾ ಚುನಾವಣೆಗೆ ದಿನಾಂಕ ನಿಗದಿಗೊಳಿಸಿದರು.

ನಾಲ್ಕು ರಾಜ್ಯಗಳ ಮತದಾನ ದಿನಾಂಕ

* ಆಂಧ್ರಪ್ರದೇಶ ವಿಧಾನಸಭೆ ಚುನಾವಣೆ - ಮೇ 13

* ಅರುಣಾಚಲ ಪ್ರದೇಶ ವಿಧಾನಸಭಾ ಚುನಾವಣೆ - ಏಪ್ರಿಲ್ 19

* ಒಡಿಶಾ ವಿಧಾನಸಭೆ ಚುನಾವಣೆ - ಮೇ 13 ಮತ್ತು ಮೇ 20

* ಸಿಕ್ಕಿಂ ವಿಧಾನಸಭಾ ಚುನಾವಣೆ - ಏಪ್ರಿಲ್ 19 ನಡೆಯಲಿದೆ.

ರಾಜ್ಯವಾರು ಚುನಾವಣೆ ಪ್ರಕ್ರಿಯೆ ದಿನಾಂಕ

1. ಒಡಿಶಾ ವಿಧಾನಸಭೆ ಚುನಾವಣೆ ವಿವರ

* ಅಧಿಸೂಚನೆ ದಿನ: 2024ರ ಏಪ್ರಿಲ್ 18 ಮತ್ತು ಏಪ್ರಿಲ್ 26

* ನಾಮನಿರ್ದೇಶನ ಸಲ್ಲಿಕೆ ಕೊನೆ ದಿನ: ಏಪ್ರಿಲ್ 25 ಮತ್ತು ಮೇ 3

* ನಾಮನಿರ್ದೇಶನಗಳ ಪರಿಶೀಲನೆ ದಿನ: ಏಪ್ರಿಲ್ 26 ಮತ್ತು ಮೇ 4

* ಉಮೇದುವಾರಿಕೆ ಹಿಂಪಡೆಯಲು ಕೊನೆಯ ದಿನಾ: ಏಪ್ರಿಲ್ 29 ಮತ್ತು ಮೇ 6

* ಮತಗಳ ಮತದಾನ: ಮೇ 13 ಮತ್ತು ಮೇ 20

* ಮತ ಎಣಿಕೆ ದಿನ: 2024 ಜೂನ್ 4

ಒಡಿಶಾ ವಿಧಾನಸಭಾ ಚುನಾವಣೆಯು ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ನೇತೃತ್ವದ ಬಿಜು ಜನತಾ ದಳ (ಬಿಜೆಡಿ) ಪಕ್ಷಕ್ಕೆ ನಿರ್ಣಾಯಕವಾಗಿದೆ.ಬಿಜೆಡಿ ಮತ್ತು ಬಿಜೆಪಿ ನಡುವಿನ ಸಂಭವನೀಯ ಮೈತ್ರಿಯ ಬಗ್ಗೆ ಊಹಾಪೋಹಗಳು ಮುಂದುವರಿದಿವೆ, ಆದರೆ ಇನ್ನೂ ಯಾವುದೇ ದೃಢೀಕೃತ ಮಾಹಿತಿ ಲಭ್ಯವಿಲ್ಲ.

2019ರ ಒಡಿಶಾ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಡಿ 147 ಸ್ಥಾನಗಳಲ್ಲಿ 112 ಸ್ಥಾನಗಳನ್ನು ಗಳಿಸುವ ಮೂಲಕ ಗೆಲುವು ಸಾಧಿಸಿತು. ಬಿಜೆಪಿ 23 ಸ್ಥಾನಗಳನ್ನು ಪಡೆದರೆ, ಕಾಂಗ್ರೆಸ್ 9 ಸ್ಥಾನಗಳಿಗೆ ತೃಪ್ತಿಪಟ್ಟುಕೊಂಡಿತು.

2. ಆಂಧ್ರಪ್ರದೇಶದ ವಿಧಾನಸಭಾ ಚುನಾವಣೆ ವಿವರ

* ಅಧಿಸೂಚನೆ ದಿನ: 2024ರ ಏಪ್ರಿಲ್ 18, 2024

* ನಾಮಪತ್ರ ಸಲ್ಲಿಕೆ ಕೊನೆಯ ದಿನ: ಏಪ್ರಿಲ್ 25

* ನಾಮನಿರ್ದೇಶನಗಳ ಪರಿಶೀಲನೆ: ಏಪ್ರಿಲ್ 26,

* ಉಮೇದುವಾರಿಕೆ ಹಿಂಪಡೆಯಲು ಕೊನೆ ದಿನ: ಏಪ್ರಿಲ್ 29

* ಮತದಾನದ ದಿನ: ಮೇ 13, 2024

ಆಂಧ್ರದಲ್ಲಿನ ಹಾಲಿ ಸಿಎಂ ವೈ.ಎಸ್. ಜಗನ್ ಮೋಹನ್ ರೆಡ್ಡಿ ನೇತೃತ್ವದಲ್ಲಿ ಆಡಳಿತಾರೂಢ ವೈಎಸ್ಆರ್ ಕಾಂಗ್ರೆಸ್ ಪಕ್ಷವು 2019 ರ ಚುನಾವಣೆಯಲ್ಲಿ ತನ್ನ ಅಗಾಧ ಗೆಲುವು ಉಳಿಸಿಕೊಳ್ಳಲು ಪ್ರಯತ್ನಿಸುತ್ತಿದೆ. ಆಂಧ್ರ ಪ್ರದೇಶ ವಿಧಾನಸಭಾ ಚುನಾವಣೆಯು ತೀವ್ರ ಪೈಪೋಟಿಗೆ ಸಾಕ್ಷಿ ಆಗಗಲಿದೆ. ಹಿಂದೆ ವೈಎಸ್‌ಆರ್‌ಸಿಪಿ 175 ಸ್ಥಾನಗಳಲ್ಲಿ 151 ಸ್ಥಾನ ಗಳಿಸಿದ್ದರೆ, ಟಿಡಿಪಿ 23 ಸ್ಥಾನಗಳನ್ನು ಗಳಿಸಿತ್ತು. ಕಾಂಗ್ರೆಸ್ ಮತ್ತು ಬಿಜೆಪಿಗೆ ಯಾವ ಸ್ಥಾನ ಧಕ್ಕಲಿಲ್ಲ.

3. ಅರುಣಾಚಲ ಪ್ರದೇಶ ವಿಧಾನಸಭೆ ಚುನಾವಣೆ

* ಅಧಿಸೂಚನೆ ದಿನ: 2024ರ ಏಪ್ರಿಲ್ 18 ಮತ್ತು ಏಪ್ರಿಲ್ 26

* ನಾಮಪತ್ರ ಸಲ್ಲಿಕೆ ಕೊನೆಯ ದಿನ: ಏಪ್ರಿಲ್ 25 ಮತ್ತು ಮೇ 3

* ನಾಮಪತ್ರ ಪರಿಶೀಲನೆ ದಿನ: ಏಪ್ರಿಲ್ 26 ಮತ್ತು ಮೇ 4

* ಉಮೇದುವಾರಿಕೆ ಹಿಂಪಡೆಯಲು ಕೊನೆ ದಿನ: ಏಪ್ರಿಲ್ 29 ಮತ್ತು ಮೇ 6

* ಮತದಾನ ದಿನ: ಮೇ 13 ಮತ್ತು ಮೇ 20

ಈ ರಾಜ್ಯದಲ್ಲಿ ಮುಖ್ಯಮಂತ್ರಿ ಪೆಮಾ ಖಂಡು ನೇತೃತ್ವದ ಭಾರತೀಯ ಜನತಾ ಪಕ್ಷ (ಬಿಜೆಪಿ) ಚುಕ್ಕಾಣಿ ಹಿಡಿದಿದೆ. 60 ಸ್ಥಾನಗಳನ್ನು ಹೊಂದಿರುವ ರಾಜ್ಯವು ಶಾಸಕಾಂಗ ಸಭೆಗೆ ಆಡಳಿತಾರೂಢ ಬಿಜೆಪಿ ಮತ್ತು ಕಾಂಗ್ರೆಸ್ ನಡುವಿನ ಹೋರಾಟಕ್ಕೆ ತೀವ್ರಗೊಳ್ಳುವ ಸಾಧ್ಯತೆ ಇದೆ.

4. ಸಿಕ್ಕಿಂ ವಿಧಾನಸಭೆ ಚುನಾವಣೆ ವೇಳಾಪಟ್ಟಿ

32 ಸ್ಥಾನಗಳ ಸಣ್ಣ ರಾಜ್ಯ ಸಿಕ್ಕಿಂ ನಲ್ಲಿ ಒಂದು ಹಂತದಲ್ಲಿ ಮತದಾನ ನಡೆಯಲಿದೆ. ಏಪ್ರಿಲ್ 19 ರಂದು ಮತದಾನ ನಡೆಯಲಿದೆ. ಜೂನ್ 4 ರಂದು ಮತ ಎಣಿಕೆ ನಡೆಯಲಿದೆ. 2019 ರಲ್ಲಿ ಚುನಾಯಿತಗೊಂಡ ಪ್ರಸ್ತುತ ವಿಧಾನಸಭೆಯ ಅವಧಿಯು ಜೂನ್ 2ರಂದು ಪೂರ್ಣಗೊಳ್ಳಲಿದೆ.

ಹಾಲಿ ಮುಖ್ಯಮಂತ್ರಿ ಪ್ರೇಮ್ ಸಿಂಗ್ ತಮಾಂಗ್ ನೇತೃತ್ವದಲ್ಲಿ ಆಡಳಿತ ಪಕ್ಷ ಸಿಕ್ಕಿಂ ಕ್ರಾಂತಿಕಾರಿ ಮೋರ್ಚಾ ಉಳಿಸಿಕೊಳ್ಳುತ್ತದೆಯೇ ಎಂಬುದು ಕುತೂಹಲ ಕೆರಳಿಸಿದೆ. 2019 ರಲ್ಲಿ, ಸಿಕ್ಕಿಂ ಕ್ರಾಂತಿಕಾರಿ ಮೋರ್ಚಾ ವಿಧಾನಸಭೆ ಚುನಾವಣೆಯಲ್ಲಿ 32 ಸ್ಥಾನಗಳಲ್ಲಿ 17 ಸ್ಥಾನಗಳನ್ನು ಪಡೆದುಕೊಂಡಿವೆ.