ಬೆಂಗಳೂರು ಸೇರಿ 6 ನಗರದಲ್ಲಿ ಏರ್ ಏಷ್ಯಾ ಕಚೇರಿ ಮೇಲೆ ಸಿಬಿಐ ದಾಳಿ
ಬೆಂಗಳೂರು, ಮೇ 29: ಏರ್ ಏಷಿಯಾ ಸಂಸ್ಥೆಯ ಕಾರ್ಯ ನಿರ್ವಾಹಕ ಟೋನಿ ಫರ್ನಾಂಡಸ್ ಗುರಿಯಾಗಿಸಿಕೊಂಡು ಸಿಬಿಐ ದಾಳಿ ನಡೆಸಿದ್ದು, ಬೆಂಗಳೂರು ಸೇರಿದಂತೆ ಒಟ್ಟು 6 ನಗರಗಳಲ್ಲಿ ದಾಳಿಗಳು ನಡೆದು ವಿಚಾರಣೆ ನಡೆಸಲಾಗುತ್ತಿದೆ.
ಏರ್ ಏಷಿಯಾ ಸಂಸ್ಥೆಯು ಅಂತರರಾಷ್ಟ್ರೀಯ ಹಾರಾಟ ಪರವಾನಗಿ ವಿಷಯದಲ್ಲಿ ಭ್ರಷ್ಟಾಚಾರ ನಡೆಸಿದೆ ಎಂಬ ಆರೋಪ ಇದ್ದ ಕಾರಣ ಈ ರೀತಿ ರೈಡ್ ನಡೆಸಲಾಗಿದ್ದು, ಬೆಂಗಳೂರಿನ ಏರ್ ಏಷಿಯಾ ಕಚೇರಿ ಮೇಲೆಯೂ ದಾಳಿ ನಡೆದಿದೆ. ಅಲ್ಲದೆ ಮುಂಬೈ, ನವ ದೆಹಲಿ, ಕೊಲ್ಕತ್ತ ಸೇರಿ 6 ಕಡೆ ದಾಳಿಗಳು ನಡೆದಿವೆ.
ಏರ್ ಏಷಿಯಾ ಸಂಸ್ಥೆಯ ಕಾರ್ಯ ನಿರ್ವಾಹಕ ಟೋನಿ ಫರ್ನಾಂಡಸ್ ಮೇಲೆ ಸಿಬಿಐ ಕೇಸು ದಾಖಲಿಸಿದ್ದು, ಅವರೊಂದಿಗೆ ಇನ್ನೂ ಹಲವರ ಮೇಲೆ ಭ್ರಷ್ಟಾಚಾರದ ಕೇಸುಗಳನ್ನು ದಾಖಲಿಸಲಾಗಿದೆ. ವಾಯುಯಾನ ಸಲಹೆಗಾರ ದೀಪಕ್ ತಲ್ವಾರ್ ಅವರ ಮೇಲೂ ಕೇಸು ದಾಖಲಿಸಲಾಗಿದೆ.
ಟೋನಿ ಫರ್ನಾಂಡಸ್ ಅಂತರರಾಷ್ಟ್ರೀಯ ಹಾರಾಟದ ಲೈಸೆನ್ಸ್ ಪಡೆಯಲು ನಿಯಮಗಳನ್ನು ಮುರಿದಿದ್ದಾರೆ, ಭ್ರಷ್ಟಾಚಾರ ಮಾಡಿ ಲೈಸೆನ್ಸ್ ಪಡೆದಿದ್ದಾರೆ ಎನ್ನಲಾಗಿದೆ. ಅಲ್ಲದೆ ಅವರ ನೇತೃತ್ವದಲ್ಲಿ ಸಂಸ್ಥೆಯು ಅಂತರರಾಷ್ಟ್ರೀಯ ಬಂಡವಾಳ ಹೂಡಿಕೆ ನಿಯಮಗಳನ್ನು ಮೀರಿ ವ್ಯವಹಾರ ನಡೆಸಿದೆ ಎಂದು ಸಿಬಿಐ ಆರೋಪಿಸಿದೆ.
Click it and Unblock the Notifications
Sign in with Google