2023ರ ಜಿಡಿಪಿ ಬೆಳವಣಿಗೆ ಶೇ.8-8.5 ನಿರೀಕ್ಷೆ: ಆರ್ಥಿಕ ಸಮೀಕ್ಷೆ

Published: Monday, January 31, 2022, 14:06 [IST]

ನವದೆಹಲಿ, ಜನವರಿ 31: ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ 2021-22 ನೇ ಸಾಲಿನ ಆರ್ಥಿಕ ಸಮೀಕ್ಷೆಯನ್ನು ಅಂಕಿಅಂಶಗಳ ಅನುಬಂಧದೊಂದಿಗೆ ಲೋಕಸಭೆಯಲ್ಲಿ ಸೋಮವಾರ ಮಂಡಿಸಿದರು. ದಿ ಎಕನಾಮಿಕ್ ಟೈಮ್ಸ್ ವರದಿಯ ಪ್ರಕಾರ ಆರ್ಥಿಕ ಸಮೀಕ್ಷೆಯು ಹಣಕಾಸು ವರ್ಷ 2023ರ ಜಿಡಿಪಿ ಬೆಳವಣಿಗೆ ಅಂದಾಜು ಶೇ.8-8.5 ಎಂದು ಉಲ್ಲೇಖ ಮಾಡಿದೆ. ಇನ್ನು ಈ ಹಿಂದಿನ ವರ್ಷದ ಜಿಡಿಪಿ ಬೆಳವಣಿಗೆ ದರವು 9.2 ಶೇಕಡಾ ಎಂದು ಅಂದಾಜಿಸಲಾಗಿದೆ.

ಈ ಹಿಂದೆ, ಮಾಧ್ಯಮ ವರದಿಗಳು ಸರ್ಕಾರವು ಜಿಡಿಪಿ ಬೆಳವಣಿಗೆ ದರವನ್ನು ಶೇಕಡಾ 9 ಕ್ಕೆ ನಿಗದಿಪಡಿಸಬಹುದು ಎಂದು ಸೂಚಿಸಿತ್ತು. ಇನ್ನು ಕೃಷಿ ವಲಯವು ಸಾಂಕ್ರಾಮಿಕ ರೋಗದಿಂದ ಕಡಿಮೆ ಹಾನಿಗೊಳಗಾಗಿದೆ ಎಂದು ಸಮೀಕ್ಷೆಯು ಉಲ್ಲೇಖ ಮಾಡಿದೆ. ಇನ್ನು ಕೃಷಿ ವಲಯವು ಈ ಹಿಂದಿನ ಹಣಕಾಸು ವರ್ಷಕ್ಕೆ ಹೋಲಿಕೆ ಮಾಡಿದರೆ ಉತ್ತಮ ಬೆಳವಣಿಗೆ ಕಂಡಿದೆ. ಹಿಂದಿನ ವರ್ಷಗಳಲ್ಲಿ 3.6 ಶೇಕಡ ಬೆಳವಣಿಗೆ ಆಗಿದ್ದು, 2021-2022 ರಲ್ಲಿ ಶೇಕಡ 3.9 ರಷ್ಟು ಬೆಳವಣಿಗೆಯಾಗಿದೆ.

ಇನ್ನು ಇಕಾನಮಿಕ್ಸ್‌ ಟೈಮ್ಸ್‌ ಪ್ರಕಾರ 2021-22ರಲ್ಲಿ ಕೈಗಾರಿಕಾ ಬೆಳವಣಿಗೆಯು ಶೇಕಡಾ 11.8 ರಷ್ಟಿತ್ತು. ಮತ್ತೊಂದೆಡೆ, ಸೇವಾ ವಲಯವು ಹಿಂದಿನ ವರ್ಷದಲ್ಲಿ ಶೇಕಡಾ 8.2 ರಷ್ಟು ಪ್ರಗತಿ ಸಾಧಿಸಿದೆ. 2022-23ರಲ್ಲಿ ಎದುರಾಗಬಹುದಾದ ಸವಾಲುಗಳನ್ನು ಎದುರಿಸಲು ಭಾರತೀಯ ಆರ್ಥಿಕತೆಯು ಸುಸಜ್ಜಿತವಾಗಿದೆ ಎಂದು ಆರ್ಥಿಕ ಸಮೀಕ್ಷೆ ಹೇಳಿದೆ. ಆರ್ಥಿಕ ಸಮೀಕ್ಷೆ 2022 ಭಾರತೀಯ ಆರ್ಥಿಕತೆಯು 'ಉತ್ತಮ ಸ್ಥಾನದಲ್ಲಿದೆ' ಎಂದು ಹೇಳುತ್ತದೆ.

Budget 2022: Economic Survey Predicts Real GDP Growth Of 8-8.5 Per Cent In FY23

ಆರ್ಥಿಕ ಸಮೀಕ್ಷೆ ಎಲ್ಲಿ ಲಭ್ಯವಾಗಲಿದೆ?

ಎಲ್ಲಾ ಆರ್ಥಿಕ ಸಮೀಕ್ಷೆಗಳು https://www.indiabudget.gov.in/economicsurvey/ ನಲ್ಲಿ ಲಭ್ಯವಿದೆ. ಸೈಟ್‌ನಿಂದ ಕಳೆದ ವರ್ಷದ ಆರ್ಥಿಕ ಸಮೀಕ್ಷೆಯನ್ನು ಸಹ ಖರೀದಿಸಬಹುದು. ಮೊದಲ ಆರ್ಥಿಕ ಸಮೀಕ್ಷೆಯನ್ನು 1950-51 ರಲ್ಲಿ ಮಂಡಿಸಲಾಯಿತು. 1964 ರಿಂದ, ಕೇಂದ್ರ ಬಜೆಟ್‌ಗೆ ಒಂದು ದಿನ ಮೊದಲು ಸಮೀಕ್ಷೆಯನ್ನು ಬಿಡುಗಡೆ ಮಾಡುವ ಅಭ್ಯಾಸ ಪ್ರಾರಂಭವಾಗಿದೆ.

2019-20 ರಲ್ಲಿ, ಕೆ ಸುಬ್ರಮಣಿಯನ್ ಅವರು 'ಥಾಲಿನೋಮಿಕ್ಸ್', ಎಂಬ ಪರಿಕಲ್ಪನೆಯನ್ನು ಪರಿಚಯಿಸಿದ್ದು, ಇದು ಬಹಳ ಜನಪ್ರಿಯವಾಯಿತು. ಸಾಮಾನ್ಯ ವ್ಯಕ್ತಿಗೆ ಅರ್ಥಶಾಸ್ತ್ರವು ಸಂಬಂಧಿಸುವಂತೆ ಮಾಡಲು ಉತ್ತಮವಾದ ಮಾರ್ಗ ಯಾವುದು, ಅವನು ಪ್ರತಿದಿನ ಎದುರಿಸುವ ಆಹಾರದ ತಟ್ಟೆ?. 'ಥಾಲಿನೋಮಿಕ್ಸ್: ದಿ ಎಕನಾಮಿಕ್ಸ್ ಆಫ್ ಎ ಪ್ಲೇಟ್ ಆಫ್ ಫುಡ್ ಇನ್ ಇಂಡಿಯಾ' ಅನ್ನು ಪಾಲಿಸಿ. ಇದು ಭಾರತದಾದ್ಯಂತ ಒಬ್ಬ ಸಾಮಾನ್ಯ ವ್ಯಕ್ತಿ ಊಟಕ್ಕೆ ಪಾವತಿಸುವ ಮೊತ್ತವನ್ನು ಲೆಕ್ಕ ಹಾಕುವ ಪ್ರಯತ್ನ," ಎಂದು ಸುಬ್ರಮಣಿಯನ್ ಆ ಸಮೀಕ್ಷೆಯಲ್ಲಿ ಬರೆದಿದ್ದಾರೆ.

ಆರ್ಥಿಕ ಸಮೀಕ್ಷೆಯು ಸಾಮಾನ್ಯವಾಗಿ ಸಂಪುಟ 1 ಮತ್ತು ಸಂಪುಟ 2 ಎಂಬ ಎರಡು ಭಾಗಗಳನ್ನು ಒಳಗೊಂಡಿರುತ್ತದೆ. ಮೊದಲ ಸಂಪುಟವು ಈ ವರ್ಷ ಚಾಲ್ತಿಯಲ್ಲಿ ನೀತಿ ಸಲಹೆಗಳನ್ನು ಒಳಗೊಂಡಿದೆ. 2 ನೇ ಸಂಪುಟವು ಆರ್ಥಿಕತೆಯ ವಲಯ ವಿಶ್ಲೇಷಣೆಯನ್ನು ಒಳಗೊಂಡಿದೆ. ಆದರೆ ಈ ಆರ್ಥಿಕ ಸಮೀಕ್ಷೆ 2022 ಎಲ್ಲಾ ವಲಯಗಳ ವಿಶ್ಲೇಷಣೆಯೊಂದಿಗೆ ಕೇವಲ ಒಂದು ಸಂಪುಟವನ್ನು ಹೊಂದಿರುವ ಸಾಧ್ಯತೆಯಿದೆ ಎಂದು ಈ ಹಿಂದೆ ವರದಿ ಆಗಿದೆ. ವರದಿಗಳ ಪ್ರಕಾರ ಮುಖ್ಯ ಆರ್ಥಿಕ ಸಲಹೆಗಾರರ ನೀತಿ ಸಲಹೆಗಳನ್ನು ಒಳಗೊಂಡಿರುವ ಮೊದಲ ಸಂಪುಟವು ಈ ವರ್ಷ ಇರುವುದಿಲ್ಲ. ಇನ್ನು ಮುಖ್ಯ ಆರ್ಥಿಕ ಸಲಹೆಗಾರ ವಿ ಅನಂತ ನಾಗೇಶ್ವರನ್ ಇಂದು ಮಧ್ಯಾಹ್ನ 3.45 ಕ್ಕೆ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಆರ್ಥಿಕ ಸಮೀಕ್ಷೆ 2021-22 ಕುರಿತು ಮಾಹಿತಿ ನೀಡಲಿದ್ದಾರೆ. (ಒನ್‌ಇಂಡಿಯಾ ಸುದ್ದಿ)