ಹೇಗಿದೆ ಗೊತ್ತಾ ಅನಂತ್ ಅಂಬಾನಿ-ರಾಧಿಕಾ ಮದುವೆ ಆಹ್ವಾನ ಪತ್ರಿಕೆ? ಈ ದುಡ್ಡಿನಲ್ಲಿ ಒಂದು ಮದುವೆ ಮಾಡಬಹುದು!
ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಮದುವೆ ಸಖತ್ ಸದ್ದು ಮಾಡುತ್ತಿದೆ. ಜುಲೈ 12 ರಂದು ಅದ್ಧೂರಿ ಮದುವೆ ನಡೆಯಲಿದ್ದು, ದೇಶ-ವಿದೇಶಗಳ ಗಣ್ಯರು, ಪ್ರಮುಖರು ಭಾಗವಹಿಸಲಿದ್ದಾರೆ.
ಈ ಅದ್ಧೂರಿ ಮದುವೆಗೆ ಆಹ್ವಾನ ಪತ್ರಿಕೆ ಹೇಗಿರಬಹುದು ಎನ್ನುವ ಕುತೂಹಲ ಇತ್ತು, ಈಗ ಸಾಮಾಜಿಕ ಮಾಧ್ಯಮದಲ್ಲಿ ಆಹ್ವಾನ ಪತ್ರಿಕೆ ವೈರಲ್ ಆಗುತ್ತಿದ್ದು, ಅದ್ಧೂರಿತನ ಕಂಡು ನೆಟ್ಟಿಗರು ಬೆರಗಾಗಿದ್ದಾರೆ.
ಹಿಂದೂ ದೇವರುಗಳ ಫೋಟೋ ಮತ್ತು ಚೌಕಟ್ಟುಗಳಿಂದ ತುಂಬಿದ ಸಾಂಸ್ಕೃತಿಕವಾದ ಆಮಂತ್ರಣ ಕಾರ್ಡ್ ಅನ್ನು ಹಂಚಿಕೊಳ್ಳಲಾಗಿದೆ. ಆಹ್ವಾನ ಪತ್ರಿಕೆಯ ಒಂದು ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗಿದ್ದು, ವೈರಲ್ ಆಗಿದೆ.
ವೀಡಿಯೊದಲ್ಲಿ ಪೆಟ್ಟಿಗೆಯಂತಹ ದೇವಾಲಯವನ್ನು ನೋಡಬಹುದು. ಅದರಲ್ಲಿ ಬೆಳ್ಳಿಯಿಂದ ಮಾಡಿದ ಸಣ್ಣ ದೇವಾಲಯವಿದೆ. ಪೆಟ್ಟಿಗೆ ತೆರೆದ ಕೂಡಲೇ ಹಿನ್ನಲೆಯಲ್ಲಿ ಹಿಂದಿ ಮಂತ್ರಗಳು ಬರುತ್ತವೆ. ಪೆಟ್ಟಿಗೆಯೊಳಗೆ ಕೆಲವು ಚಿನ್ನದ ವಿಗ್ರಹಗಳೂ ಇವೆ ಎನ್ನಲಾಗಿದೆ.
Unboxing the wedding card for Anant Ambani and Radhika Merchant's world's costliest wedding! pic.twitter.com/ZT6qFPXqyq
— 🇮🇳 PREM KUMAR YADAV 🇮🇳 (@Indian_6789) June 26, 2024
ವೈರಲ್ ವೀಡಿಯೊದಲ್ಲಿ, ಮದುವೆ ಕಾರ್ಯಕ್ರಮಗಳ ವಿವರಗಳೊಂದಿಗೆ ವಿವಿಧ ಕಾರ್ಯಗಳಿಗಾಗಿ ಕಾರ್ಡ್ಗಳನ್ನು ನೋಡಬಹುದು. ಅವುಗಳಲ್ಲಿ ಒಂದು ಬೆಳ್ಳಿಯ ದೇವಾಲಯವಾಗಿದ್ದು, ಹಿನ್ನೆಲೆಯಲ್ಲಿ ಮಂತ್ರಗಳು ಕೇಳಿಸುತ್ತವೆ. ಇನ್ನೊಂದು ಪುರಾತನ ದೇವಾಲಯದ ಮುಖ್ಯ ದ್ವಾರದಂತೆ ಕಾಣುವ ಬೆಳ್ಳಿಯ ಕಾರ್ಡ್ ಇದೆ. ವಿವರಗಳೊಂದಿಗೆ ಕಾರ್ಡ್ನಲ್ಲಿ ಗಣೇಶ, ವಿಷ್ಣು, ಲಕ್ಷ್ಮಿ, ರಾಧಾ-ಕೃಷ್ಣ ಮತ್ತು ದುರ್ಗಾ ದೇವತೆ ಸೇರಿದಂತೆ ಹಲವಾರು ಹಿಂದೂ ದೇವತೆಗಳ ಚಿತ್ರಗಳಿವೆ.
ಮೂರನೆಯ ಆಹ್ವಾನ ಪೆಟ್ಟಿಗೆ ಬೆಳ್ಳಿಯಿಂದ ಮಾಡಲ್ಪಟ್ಟಿದೆ ಮತ್ತು ಅದರ ಮೇಲೆ ವಿಷ್ಣುವನ್ನು ಹೊಂದಿದೆ. ಪೆಟ್ಟಿಗೆಯಲ್ಲಿ ಹಲವಾರು ಸಣ್ಣ ಬಾಕ್ಸ್ಗಳೂ ಮತ್ತು ಶಾಲು ಜೊತೆಗೆ ಹಿಂದೂ ದೇವರುಗಳ ವಿಗ್ರಹಗಳು ಕಾಣುತ್ತವೆ.
ಒಂದು ಮದುವೆ ಮಾಡಬಹುದು
ಬೆಳ್ಳಿ, ಚಿನ್ನವನ್ನು ಬಳಕೆ ಮಾಡಿರುವ ಈ ಆಹ್ವಾನ ಪತ್ರಿಕೆಯ ಬೆಲೆ ಎಷ್ಟೆನ್ನುವುದು ನಿಖರವಾಗಿ ತಿಳಿಯದೇ ಇದ್ದರೂ ಒಂದು ಪತ್ರಿಕೆಗೆ ಲಕ್ಷ ಲಕ್ಷ ಖರ್ಚು ಮಾಡಲಾಗಿದೆ. ಈ ವಿಡಿಯೋವನ್ನು ನೋಡಿದ ಹಲವು ನೆಟ್ಟಿಗರು ಹಲವು ರೀತಿ ಕಮೆಂಟ್ ಮಾಡಿದ್ದಾರೆ.
ಈ ಕಾರ್ಡ್ಗೆ ಮಾಡಿರುವ ಖರ್ಚಿನಲ್ಲಿ ಒಂದು ಮದುವೆ ಮಾಡಬಹುದು ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ. ಹಲವು ವರ್ಷಗಳ ಹಿಂದೆ ಆಗಿದ್ದರೆ ಇಂತಹ ಕಾರ್ಡ್ ನೋಡಿ ಜನ ಇಷ್ಟಪಡುತ್ತಿದ್ದರು. ಆದರೆ ಇವರು ಮದುವೆಯನ್ನೇ ಅಪಹಾಸ್ಯ ಮಾಡುತ್ತಿದ್ದಾರೆ ಎಂದು ಟೀಕಿಸಿದ್ದಾರೆ.
2023 ರಲ್ಲಿ ತಮ್ಮ ರೋಕಾ ಸಮಾರಂಭವನ್ನು ಹೊಂದಿದ್ದ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್, ಎರಡು ಅತಿರಂಜಿತ ಪೂರ್ವ ವಿವಾಹ ಕಾರ್ಯಕ್ರಮಗಳ ನಂತರ ಜುಲೈ 12 ರಂದು ಮುಂಬೈನಲ್ಲಿ ಮದುವೆಯಾಗಲು ಸಿದ್ಧರಾಗಿದ್ದಾರೆ.
ಮೊದಲ ವಿವಾಹ ಪೂರ್ವ ಕಾರ್ಯಕ್ರಮವು ಜಾಮ್ನಗರದಲ್ಲಿ ಮೂರು ದಿನಗಳ ಕಾಲ ನಡೆಯಿತು. ಜೂನ್ನಲ್ಲಿ ಯುರೋಪ್ನಲ್ಲಿ ಎರಡನೇ ವಿವಾಹಪೂರ್ವ ಕಾರ್ಯಕ್ರಮ ನಡೆದಿತ್ತು. ಎರಡೂ ಆಚರಣೆಗಳಲ್ಲಿ ಹಲವಾರು ಸೆಲೆಬ್ರಿಟಿಗಳು ಭಾಗವಹಿಸಿದ್ದರು. ಕೇಟಿ ಪೆರ್ರಿ, ದಿಲ್ಜಿತ್ ದೋಸಾಂಜ್, ಮತ್ತು ರಿಹಾನ್ನಾ ಮುಂತಾದ ಗಾಯಕರು ಹಾಡಿ ಕುಣಿದಿದ್ದರು.
Click it and Unblock the Notifications
Sign in with Google