#StayCurious: ಆನ್ ಲೈನ್ ನಲ್ಲೇ ಅಬುಧಾಬಿಯ ಸುತ್ತಾಟದ ಅನುಭವ ಪಡೆಯಿರಿ
ಅಬುಧಾಬಿಯ ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಇಲಾಖೆಯು (DCT ಅಬುಧಾಬಿ) #StayCurious ಎಂಬ ವರ್ಚುವಲ್ ಪ್ಲಾಟ್ ಫಾರ್ಮ್ ಅನ್ನು ಘೋಷಣೆ ಮಾಡಿದೆ. ಈ ಮೂಲಕ ವಿಶ್ವದಾದ್ಯಂತ ಇರುವವರಿಗೆ ಒಂದು ಸಮಗ್ರ ಹಬ್ ನಲ್ಲಿ ಶಿಕ್ಷಣ ಹಾಗೂ ಮನರಂಜನೆಯ ಮಾಹಿತಿಯನ್ನು ಒದಗಿಸುತ್ತದೆ.
Recommended Video
ಎಮಿರೇಟ್ಸ್ ನಲ್ಲಿ ದೊರೆಯುವ ವಿಶಿಷ್ಟ ಆತಿಥ್ಯದ ಬಗ್ಗೆ 360 ಡಿಗ್ರಿ ಇಂಟರ್ ಆಕ್ಟಿವ್ ಅನುಭವ ನೀಡುತ್ತದೆ. ಸೂರ್ಯೋದಯ, ಅದ್ಭುತ ದೃಶ್ಯಾವಳಿಗಳು, ಅನಿಯಮಿತವಾದ ಮನರಂಜನೆಯನ್ನು ಮನೆಯಲ್ಲಿ ಕೂತ ಜಾಗದಲ್ಲೇ ಪಡೆಯಬಹುದು.
ಕೊರೊನಾದ ಕಾರಣಕ್ಕೆ ವಿಶ್ವದಾದ್ಯಂತ ಪ್ರವಾಸೋದ್ಯಮದ ಮೇಲೆ ಲಾಕ್ ಡೌನ್ ಪೆಟ್ಟು ಬಿದ್ದಿದೆ. ಇಂಥ ಸಂದರ್ಭದಲ್ಲಿ #StayCurious ಮೂಲಕ ಜಗತ್ತಿನಾದ್ಯಂತ ಇರುವವರಿಗೆ ಕಲಿಕೆ, ಅನ್ವೇಷಣೆಯ ಹಸಿವು ತಣಿಸಲು ಐದು ಬಗೆಯ ಮಾಹಿತಿ ಒದಗಿಸುತ್ತಿದೆ. ಭವಿಷ್ಯದಲ್ಲಿ ಈ ಅನುಭವ ಮತ್ತಷು ವಿಶಿಷ್ಟವಾಗಿ ರೂಪಿಸಲು ಸಿದ್ಧತೆ ನಡೆದಿದೆ.
* ಸಾಹಸಿಗಳಾಗಿ
ವರ್ಚುವಲ್ ಪ್ರವಾಸದ ಮೂಲಕ ಅಬುಧಾಬಿಯ ಹೃದಯ ಭಾಗಕ್ಕೆ ಕರೆದೊಯ್ಯುತ್ತದೆ. ಎಮಿರೇಟ್ಸ್ ನ ಮನಮೋಹಕ ದೃಶ್ಯಗಳು ಹಾಗೂ ವೈವಿಧ್ಯವನ್ನು ಕಾಣಲು ಅನುವು ಮಾಡಿಕೊಡುತ್ತದೆ. ಅಬುಧಾಬಿಯ ಇತಿಹಾಸ, ಪರಂಪರೆ ಬಗ್ಗೆ ಮೌಲ್ಯಯುತವಾದ ಒಳನೋಟ ನೀಡುತ್ತದೆ.
* ತೃಪ್ತಿ ಅನುಭವಿಸಿ
ಎಮಿರೇಟ್ಸ್ ನ ಟಾಪ್ ಬಾಣಾಸಿಗರಿಂದ ಅಡುಗೆ ಕಲಿಕೆ ವರ್ಕ್ ಶಾಪ್ ಮತ್ತು ಮಾಸ್ಟರ್ ಕ್ಲಾಸ್ ಸರಣಿಗಳು ಈ ಸೆಕ್ಷನ್ ನಲ್ಲಿವೆ. ಅಬುಧಾಬಿಯ ರುಚಿಕಟ್ಟಾದ ಅಡುಗೆ ಬಗ್ಗೆ ಬಳಕೆದಾರರಿಗೆ ಮಾಹಿತಿ ನೀಡಲಾಗುತ್ತದೆ.
* ಜ್ಞಾನ ಪಡೆದುಕೊಳ್ಳಿ
ವೆಬ್ ಸೈಟ್ ಬಳಕೆದಾರರಿಗೆ ತಮ್ಮ ಜ್ಞಾನ ಹೆಚ್ಚಿಸಿಕೊಳ್ಳಲು ಹೆಸರಾಂತ ಶಿಕ್ಷಣ ಸಂಸ್ಥೆಗಳು ಉಚಿತ ವರ್ಚುವಲ್ ಕೋರ್ಸ್ ಮತ್ತು ಶಿಕ್ಷಣ ಮಾಹಿತಿಗಳನ್ನು ನೀಡುತ್ತಿವೆ. ಅದರಲ್ಲಿ ಗ್ರೋ ವಿಥ್ ಗೂಗಲ್, ಕೋರ್ಸೆರಾಮ್ ಎಮಿರೇಟ್ಸ್ ಇತಿಹಾಸ, ಮಕ್ತಬಾ ಡಿಜಿಟಲ್ ಲೈಬ್ರರಿ ಇನ್ನೂ ಹಲವಾರು ಮಾಹಿತಿಗಳಿವೆ.
* ಕ್ರಿಯಾತ್ಮಕವಾಗಿರಿ
DCT ಅಬುಧಾಬಿಯು "CulturAll" ವರ್ಚುವಲ್ ಅನುಭವದ ಮೂಲಕ ಅಬುಧಾಬಿಯ ಸಂಸ್ಕೃತಿ ಶ್ರೀಮಂತಿಕೆ ಬಗ್ಗೆ ತಿಳಿಯಲು ವೀಕ್ಷಕರನ್ನು ಪ್ರೇರೇಪಿಸುತ್ತದೆ.
* ಮನರಂಜನೆ ಪಡೆಯಿರಿ
ಈ ಹಬ್ ಮೂಲಕ ವರ್ಚುವಲ್ ಕಾರ್ಯಕ್ರಮಗಳ ಸರಣಿಯನ್ನೇ ವೀಕ್ಷಿಸಬಹುದು. ಮನೆಯಲ್ಲಿ ಇರುವಾಗಲೇ ವೀಕ್ಷಕರಿಗೆ ಮನರಂಜನೆ ದೊರೆಯಬೇಕು ಎಂಬ ಕಾರಣಕ್ಕೆ ಮುಂಬರುವ ದಿನಗಳಲ್ಲಿ DCT ಅಬು ಧಾಬಿ ಈ ಸೆಕ್ಷನ್ ಆರಂಭಿಸಲಿದೆ.
ಅಬುಧಾಬಿ DCTಯ ಹಂಗಾಮಿ ಕಿರಿಯ ಕಾರ್ಯದರ್ಶಿ ಅಲ್ ಹೊಸನಿ ಮಾತನಾಡಿ, ಈ ಸವಾಲಿನ ಸಮಯದಲ್ಲಿ ವಿಶ್ವದಾದ್ಯಂತ ಇರುವ ಜನರನ್ನು ಒಟ್ಟುಗೂಡಿಸಿಕೊಂಡು, ಅವರ ಬದುಕಿಗೆ ಶ್ರೀಮಂತ ಅನುಭವ ನೀಡಲಿದೆ. ಅದೇ ವೇಳೆ ಮನರಂಜನೆ ಕೂಡ ಒದಗಿಸಲಿದೆ. ಜನರು ಕನಸು ಕಾಣಲು, ಕ್ರಿಯಾತ್ಮಕತೆಗೆ, ಕುತೂಹಲ ತಣಿಸುವುದಕ್ಕೆ ಹಾಗೂ ಇಡೀ ಜಗತ್ತನ್ನು ಅರಿಯಲು, ಒಬ್ಬರು ಮತ್ತೊಬ್ಬರ ಬಗ್ಗೆ ತಿಳಿಯಲು #StayCurious ಎಂಬುದು ಒಂದು ಅವಕಾಶ ಎಂದಿದ್ದಾರೆ.
ಸರಿಸಾಟಿಯಿಲ್ಲದ ಆತಿಥ್ಯ ನೀಡಲು ಯಾವಾಗಲೂ ಅಬುಧಾಬಿ ಹೆಸರುವಾಸಿ. ನಮ್ಮ ಮಧ್ಯೆ ದೈಹಿಕವಾದ ಅಂತರ ಇದ್ದರೂ ನಮ್ಮ ನಗರದ ಹೃದಯಕ್ಕೆ ಹಾಗೂ ಸಂಸ್ಕೃತಿಗೆ ಈ ಹೊಸ ಆವಿಷ್ಕಾರ ಅನುಭವದ ಮೂಲಕ ವರ್ಚುವಲ್ ಪ್ರವಾಸಿಗರನ್ನು ಸ್ವಾಗತಿಸುತ್ತೇವೆ. ಭವಿಷ್ಯದಲ್ಲಿ ಸ್ವತಃ ಬಂದು ಇಲ್ಲಿ ಆ ಅನುಭವ ಪಡೆಯಬಹುದು ಎಂದು ಅವರು ಹೇಳಿದ್ದಾರೆ.
www.staycurious.ae ಮೂಲಕ #StayCurious ಅನ್ನು ಆನ್ ಲೈನ್ ನಲ್ಲಿ ಸಂಪರ್ಕಿಸಬಹುದು. ಮುಂಬರುವ ವಾರಗಳಲ್ಲಿ ಇಂಟರ್ ಆಕ್ಟಿವ್ ಹಬ್ ನಲ್ಲಿ ಇನ್ನಷ್ಟು ಮಾಹಿತಿಗಳು ಸೇರ್ಪಡೆ ಮಾಡಲಿದೆ.
-
Gold Rate Today: ಸತತ ಆರನೇ ದಿನವೂ ಚಿನ್ನದ ಬೆಲೆಯಲ್ಲಿ ಇಳಿಕೆ: ಬೆಂಗಳೂರಿನಲ್ಲಿ ಇಂದಿನ ದರಗಳು ಹೀಗಿವೆ -
Weekly Horoscope March 9–15: ಮಾರ್ಚ್ ವಾರಭವಿಷ್ಯ – 12 ರಾಶಿಗಳ ಸುಖ-ದುಃಖ, ಹಣಕಾಸು ಮತ್ತು ಆರೋಗ್ಯ ಫಲ -
ಡಿವೋರ್ಸ್ವರೆಗೆ ಪತಿಯ ನಿವಾಸದಲ್ಲೇ ವಾಸ್ತವ್ಯಕ್ಕೆ ಅವಕಾಶ ಕಲ್ಪಿಸಿ: ನಟ ವಿಜಯ್ ಪತ್ನಿ ಕೋರ್ಟ್ಗೆ ಮನವಿ -
Yash: ಪತ್ನಿ ರಾಧಿಕಾ ಪಂಡಿತ್ ಹುಟ್ಟುಹಬ್ಬಕ್ಕೆ ಹೊಸ ಲುಕ್ನಲ್ಲಿ ಯಶ್ ಪ್ರತ್ಯಕ್ಷ -
MS Dhoni: ಕುಣಿದು ಕುಪ್ಪಳಿಸುತ್ತಿದ್ದ ಪತ್ನಿ ಸಾಕ್ಷಿ ಸಿಂಗ್ಗೆ ಸುಮ್ನೆ ಕೂತ್ಕೋ ಎಂದ ಎಂಎಸ್ ಧೋನಿ -
ಟಿ20 ವಿಶ್ವಕಪ್ 2026 ಫೈನಲ್ ನಂತರ ಎಲ್ಲಾ ಮಾದರಿಯ ಕ್ರಿಕೆಟ್ಗೆ ಸೂರ್ಯಕುಮಾರ್ ಯಾದವ್ ನಿವೃತ್ತಿ ಘೋಷಣೆ ವದಂತಿ -
Vijay Divorce: ಡಿವೋರ್ಸ್ ವದಂತಿ ನಡುವೆಯೇ ನಟಿ ತ್ರಿಶಾ ಜೊತೆ ಕಾಣಿಸಿಕೊಂಡ ದಳಪತಿ ವಿಜಯ್; ವಿಡಿಯೋ ವೈರಲ್ -
UPSC Results: ಯಾದಗಿರಿ ಜಿಲ್ಲೆ ಒಂದರಲ್ಲೇ 4 ಮಂದಿ ಯುಪಿಎಸ್ಸಿ ಪಾಸ್, ಯಾರವರು? ಹಿನ್ನೆಲೆ ಏನು -
Karnataka Weather: ಕಲಬುರಗಿಯಲ್ಲಿ 39 ಡಿಗ್ರಿ ಸೆಲ್ಸಿಯಸ್ ಗರಿಷ್ಠ ತಾಪಮಾನ ದಾಖಲು, ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಬಿಸಿಲ ಬೇಗೆ -
ದುಬೈ ವಿಮಾನ ನಿಲ್ದಾಣಕ್ಕೆ ನುಗ್ಗಿದ ಡ್ರೋನ್, ಎಲ್ಲಾ ವಿಮಾನ ಹಾರಾಟ ದಿಢೀರ್ ಸ್ಥಗಿತ | Operation Roaring Lion -
LPG Price Hike: ಗೃಹಬಳಕೆ ಎಲ್ಪಿಜಿ ಸಿಲಿಂಡರ್ ಬೆಲೆ 60 ರೂಪಾಯಿ ಏರಿಕೆ, ವಾಣಿಜ್ಯ ಸಿಲಿಂಡರ್ ದರ 115 ರೂಪಾಯಿ ಹೆಚ್ಚಳ -
SWR: ಬೆಂಗಳೂರಿನಿಂದ ಇಲ್ಲಿಗೆ ಮಾ.10ರಿಂದ ವಿಶೇಷ ರೈಲುಗಳ ಸಂಚಾರ, ವೇಳಾಪಟ್ಟಿ ಹೀಗಿದೆ
Click it and Unblock the Notifications
Sign in with Google