₹2 ಲಕ್ಷ ಕೊಟ್ಟು ಪೊಲೀಸ್ ಆದವನಿಗೆ 'ನಾನು ಒರಿಜಿನಲ್ ಅಲ್ಲ' ಅನ್ನೋದೆ ಗೊತ್ತಿರಲಿಲ್ಲ!
ಕಷ್ಟಪಟ್ಟು ಓದಿದ್ರೂ ಉದ್ಯೋಗ ಸಿಗಲ್ಲ ಅಂತ ಲಂಚ ಕೊಟ್ಟು ಕೆಲಸ ಪಡೆದಿರೋ ಕೃತ್ಯಗಳು ಆಗಾಗ ಹೊರಬರುತ್ತಲೇ ಇರುತ್ತವೆ. ಆದರೆ ಯುವಕನೊಬ್ಬ ನಕಲಿ ಪೊಲೀಸ್ ಆಗೋಕೆ ಲಕ್ಷ ಲಕ್ಷ ಎಣಿಸಿದ್ದಾನೆ. ಪೊಲೀಸ್ ಕೆಲಸ ಸಿಕ್ತು ಅಂತ ಖುಷಿಯಾಗಿ ಖಾಕಿ ಹಾಕಿ ಮೆರೀತಿದ್ದ ಈತನನ್ನು ಒರಿಜಿನಲ್ ಪೊಲೀಸರು ಕಂಡು ಶಾಕ್ ಆಗಿದ್ದಾರೆ.
ದುಡ್ಡು ಕೊಟ್ಟು ಪೊಲೀಸ್ ಆಗಿದ್ದೀನಿ ಸರ್ ಎಂದು ಹೇಳಿದ ಈತನನ್ನು ಪೊಲೀಸ್ ಸ್ಟೇಷನ್ಗೆ ಕರ್ಕೊಂಡು ಬಂದ ಮೇಲೆನೇ ಈತನಿಗೂ ಗೊತ್ತಾಗಿದ್ದು ನಾನೊಬ್ಬ ನಕಲಿ ಪೊಲೀಸ್ ಅಂತ. ಇನ್ನು ಈ ಯುವಕನ ಕಾನ್ಫಿಡೆನ್ಸ್ ನೋಡಿ ಒರಿಜಿನಲ್ ಪೊಲೀಸರಿಗೇ ಶಾಕ್ ಆಗಿದೆ.
ಇಷ್ಟಕ್ಕೂ ಈ ಘಟನೆ ನಡೆದಿರೋದು ಬಿಹಾರದ ಜುಮಾಯಿ ಜಿಲ್ಲೆಯಲ್ಲಿ. ಐಪಿಎಸ್ ಅಧಿಕಾರಿಯ ಯೂನಿಫಾರ್ಮ್ ಹಾಕಿ ಅಲೆಯುತ್ತಿದ್ದ ಯುವಕನ ಹೆಸರು ಮಿಥಿಲೇಶ್ ಮಾಂಜಿ. ಈತನಿಗೆ ಇನ್ನೂ 18 ವರ್ಷ ಅಷ್ಟೇ. ಈತ ಮಾಡಿಕೊಂಡಿರೋ ಎಡವಟ್ಟಿನಿಂದ ಮೇಜರ್ ಆದ ತಕ್ಷಣವೇ ಕಂಬಿ ಎಣಿಸುವಂತಾಗಿದೆ.
ಈತನಿಗೆ ಚಿಕ್ಕಂದಿನಿಂದಲೂ ಪೊಲೀಸ್ ಆಗಬೇಕು ಎನ್ನುವ ದೊಡ್ಡ ಕನಸು ಇತ್ತಂತೆ. ಆದರೆ, ಅದಕ್ಕೆ ತಕ್ಕ ಶ್ರಮ ಈತ ಹಾಕಿರಲಿಲ್ಲ. ಬಳಿಕ ದುಡ್ಡು ಕೊಟ್ಟರೆ ಪೊಲೀಸ್ ಉದ್ಯೋಗ ಸಿಗುತ್ತದೆ ಎಂಬ ವದಂತಿ ನಂಬಿದ್ದ ಈತ ವಂಚಕರ ಸುಳಿಗೆ ಸಿಲುಕಿಕೊಂಡಿದ್ದ. ಈತ ನೋಡಲು ಅಮಾಯಕನಂತೆ ಇದ್ದಿದ್ದರಿಂದ ಅದನ್ನೇ ವಂಚಕರು ಬಂಡವಾಳ ಮಾಡಿಕೊಂಡರು ಎನ್ನಲಾಗಿದೆ.
Fake IPS officer in Bihar, He became IPS Officer by paying 2 Lakh Rupees. pic.twitter.com/M7vodo5i6N
— Ashish Singh (@AshishSinghKiJi) September 20, 2024
ಮಿಥಿಲೇಶ್ಗೆ 2 ಲಕ್ಷ ರೂಪಾಯಿ ಕೊಟ್ಟರೆ ಪೊಲೀಸ್ ಉದ್ಯೋಗ ಕೊಡಿಸುವುದಾಗಿ ವಂಚಕರು ನಂಬಿಸಿದ್ದಾರೆ. ಇನ್ನೇನು ನನ್ನ ಕನಸು ಈಡೇರುತ್ತಲ್ಲಾ? ಎಂದು ಈತ 2 ಲಕ್ಷ ರೂಪಾಯಿ ಎಣಿಸಿದ್ದಾನೆ. ಹಣ ಪಡೆದ ವಂಚಕರು ಈತನಿಗೆ ನಕಲಿ ಪೊಲೀಸ್ ಡ್ರೆಸ್ ಹಾಗೂ ಪಿಸ್ತೂಲ್ ಸಹ ನೀಡಿದ್ದಾರೆ.
ವಂಚಕರು ಹಿರಿಯ ಅಧಿಕಾರಿಗಳಂತೆ ನಂಬಿಸಿ, ನೀನಿನ್ನೂ ಪ್ರೊಬೇಷನರಿ ಅಧಿಕಾರಿ. ಜಿಲ್ಲೆಯಲ್ಲಿ ನಡೆಯೋ ಎಲ್ಲ ಚಟುವಟಿಕೆಗಳ ಬಗ್ಗೆ ನಮಗೆ ಮಾಹಿತಿ ಕೊಡುತ್ತಿರು ಎಂದು ಫೀಲ್ಡಿಗೆ ಇಳಿಸಿದ್ದಾರೆ. ಬಳಿಕ ಕೆಲಸ ಸಿಕ್ಕ ಜೋಶ್ನಲ್ಲಿ ಈತ ಸ್ಟೈಲಾಗಿ ಯೂನಿಫಾರ್ಮ್ ಹಾಕ್ಕೊಂಡು, ತನ್ನ ಬೈಕ್ನಲ್ಲಿ ಸಿಂಗಂ ಪೋಸ್ನಲ್ಲಿ ತನ್ನ ಊರು ಲಖಿಸಾರಿ ಜಿಲ್ಲೆಯ ಗೋವರ್ಧನ್ ಬಿಘಾಕ್ಕೆ ತೆರಳಿದ್ದ. ಬಳಿಕ ತನ್ನ ತಾಯಿಗೆ ಬಳಿ ಹೋಗಿ ನೋಡಮ್ಮ ನಾನು ಐಪಿಎಸ್ ಅಧಿಕಾರಿ ಆಗಿದ್ದೀನಿ ಎಂದು ಬಿಲ್ಡಪ್ ಕೂಡ ಕೊಟ್ಟಿದ್ದ.
ನಾನೀಗ ಪೊಲೀಸ್, ನನ್ನನ್ನು ಯಾರು ತಡೆಯೋದು? ಎನ್ನುತ್ತಾ ಅದೇ ಹುರುಪಿನಲ್ಲಿ ಮಿಥಿಲೇಶ್ ಸಿಕಂದರಾದಲ್ಲಿದ್ದ ಹೋಟೆಲ್ಗೆ ಬಂದು ಟಿಫನ್ ಮಾಡುತ್ತಿದ್ದ. ಈ ವೇಳೆ ಅಲ್ಲಿದ್ದವರು ಅನುಮಾನದ ಮೇರೆಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಸ್ಥಳಕ್ಕೆ ಬಂದ ಒರಿಜಿನಲ್ ಪೊಲೀಸರು ಸೀದಾ ಜೀಪ್ ಹತ್ತಿಸಿಕೊಂಡು ಒರಿಜಿನಲ್ ಪೊಲೀಸ್ ಸ್ಟೇಷನ್ಗೆ ಕರೆತಂದಿದ್ದಾರೆ.
ಐಪಿಎಸ್ ಡ್ರೆಸ್ನಲ್ಲಿ ಬಂದಿದ್ದ ಮಿಥಿಲೇಶ್ನನ್ನು ಕಂಡು ಅಲ್ಲಿದ್ದ ಪೊಲೀಸರು ಮೊದಲಿಗೆ ಯಾರೋ ಯಂಗ್ ಆಫೀಸರ್ ಬಂದ್ರು ಅನ್ಕೊಂಡು ಜೋರಾಗಿ ನಕ್ಕಿದ್ದಾರೆ. ಬಳಿಕ ಆತನ ಬಳಿ ಇದ್ದ ನಕಲಿ ಪಿಸ್ತೂಲ್, ಕನಸಿನ ಪೊಲೀಸ್ ಡ್ರೆಸ್, ಪಲ್ಸರ್ ಬೈಕ್ ವಶಕ್ಕೆ ಪಡೆದಿದ್ದಾರೆ.
ಕೊನೆಗೆ ಮಿಥಿಲೇಶ್ ತಾನು ಪೊಲೀಸ್ ಆದ ಕಥೆಯನ್ನು ಒರಿಜಿನಲ್ ಪೊಲೀಸರ ಎದುರು ಹೇಳಿಕೊಂಡ. ಆಗ ತಾನು ವಂಚನೆಗೆ ಒಳಗಾಗಿರುವುದು ಮಿಥಿಲೇಶ್ಗೆ ಗೊತ್ತಾಗಿದೆ. ಇನ್ನು ಈ ಬಗ್ಗೆ ಸಮಗ್ರ ತನಿಖೆ ನಡೆಸುವುದಾಗಿ ಪೊಲೀಸರು ತಿಳಿಸಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಈ ವಿಚಾರದ ಬಗ್ಗೆ ಸಖತ್ ಚರ್ಚೆಗಳು ಜೋರಾಗಿ ನಡೆಯುತ್ತಿವೆ. ಬಿಹಾರದಲ್ಲಿ ಮಾತ್ರ ಇದೆಲ್ಲಾ ಸಾಧ್ಯ ಎಂದು ಕೆಲವರು ಲೇವಡಿ ಮಾಡಿದ್ದಾರೆ.
-
Karnataka Weather: ಮಾ.23ರಿಂದ 28ರವರೆಗೆ 10ಕ್ಕೂ ಅಧಿಕ ಜಿಲ್ಲೆಗಳಿಗೆ ಮಳೆ ಮುನ್ಸೂಚನೆ -
'ಬೆಂಗಳೂರಿನ ಬಸವನಗುಡಿಯಿಂದ ಬೆಳ್ಳಂದೂರಿಗೆ ಹೋಗಿ ದೊಡ್ಡ ತಪ್ಪು ಮಾಡಿಬಿಟ್ಟೆ': ಅಳಲು ತೋಡಿಕೊಂಡ ಕನ್ನಡಿಗ, ಭಾರೀ ವೈರಲ್ -
Pink Line Metro: ಏಪ್ರಿಲ್ನಲ್ಲಿ ಪರೀಕ್ಷೆ ಮುಕ್ತಾಯ, ಮೇ ತಿಂಗಳಲ್ಲಿ ಗುಲಾಬಿ ಮಾರ್ಗದಲ್ಲಿ ಸಂಚಾರ -
Video: ಲ್ಯಾಂಬೋರ್ಗಿನಿ ಸ್ಟಂಟ್ ಕೇಸ್: ಮುತ್ತಪ್ಪ ರೈ ಪುತ್ರ ರಿಕ್ಕಿ ರೈಗೆ ಪೊಲೀಸರಿಂದ ನೋಟಿಸ್ -
ಮೈಸೂರು, ಬೆಂಗಳೂರು, ವಿಜಯಪುರ ರೈಲು ಪ್ರಯಾಣಿಕರೇ ಗಮನಕ್ಕೆ; ರೈಲುಗಳ ಸಂಚಾರ ಭಾಗಶಃ ರದ್ದು -
NWKRTC ಬಸ್ಗಳಿಗೆ ಟ್ರ್ಯಾಕಿಂಗ್ ಸಿಸ್ಟಮ್ ಅಳವಡಿಕೆಗೆ 'ಆಡಿಟ್' ಬಿಸಿ: ಜಗದೀಶ್ ಶೆಟ್ಟರ್ಗೆ ನಿತಿನ್ ಗಡ್ಕರಿ ಪತ್ರ -
Gold Rate Today: ಸತತ ನಾಲ್ಕನೇ ದಿನವು ಚಿನ್ನ-ಬೆಳ್ಳಿ ದರ ಭರ್ಜರಿ ಇಳಿಕೆ, ಇಂದಿನ ದರವೆಷ್ಟು? -
ಆರ್ಸಿಬಿಗೆ ಚಾರ್ಟರ್ಡ್ ಫ್ಲೈಟ್ ಸೌಲಭ್ಯದ ಬೇಡಿಕೆ ಆರೋಪ: ಒಂದೇ ಎಮೋಜಿ ಹಾಕಿ ಕಿಂಗ್ ಕೊಹ್ಲಿ ಸಷ್ಟನೆ -
Devanahalli accident: ದೇವನಹಳ್ಳಿ ಬಳಿ ಭೀಕರ ಅಪಘಾತ: ಕಾಶಿಯಾತ್ರೆಗೆ ಹೊರಟಿದ್ದ ತಿಪಟೂರಿನ ಮೂವರು ಮಹಿಳೆಯರು ಸಾವು -
March 22 Horoscope: ಇಂದು ನಿಮ್ಮ ಧನ, ಆರೋಗ್ಯ, ಉದ್ಯೋಗದ ಭವಿಷ್ಯ ಹೇಗಿದೆ? -
ಅಮೆರಿಕ ಪಾಕಿಸ್ತಾನದ ಮೇಲೆ ದಾಳಿ ಮಾಡಿದರೆ ನಾವು ಮುಂಬೈ, ದೆಹಲಿ ಮೇಲೆ ಬಾಂಬ್ ಹಾಕ್ತೀವಿ: ಪಾಕ್ ಮಾಜಿ ರಾಯಭಾರಿ ವಿವಾದಾತ್ಮಕ ಹೇಳಿಕೆ -
ಮಾರ್ಚ್ 22ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ
Click it and Unblock the Notifications
Sign in with Google