ನಾಲ್ಕು ಮಕ್ಕಳು 40 ದಿನ ಅಮೆಜಾನ್ ಕಾಡಿನಲ್ಲಿ ಬೀಜಗಳು, ಬೇರುಗಳನ್ನು ತಿನ್ನುತ್ತಾ ಬದುಕುಳಿದರು!

ಬೊಗೋಟಾ, ಜೂನ್. 11: ಕೊಲಂಬಿಯಾದ ಅಮೆಜಾನ್‌ನಲ್ಲಿ 40 ದಿನಗಳವರೆಗೆ ಕಳೆದುಹೋಗಿದ್ದ ನಾಲ್ಕು ಮಕ್ಕಳು ಪತ್ತೆಯಾಗಿದ್ದರು. ಆದರೆ, ಇವರು ಇಷ್ಟು ದಿನಗಳ ಕಾಲ ಆ ಕಾಡಿನಲ್ಲಿ ಬದುಕುಳಿದಿದ್ದು ಮಾತ್ರ ಎಲ್ಲರಿಗೂ ಆಶ್ಚರ್ಯಕರವಾಗಿತ್ತು. ನಿಜ, ಕಳೆದುಹೋಗಿದ್ದ ನಾಲ್ಕು ಮಕ್ಕಳು ಕಾಡಿನಲ್ಲಿ ಬೀಜಗಳು, ಬೇರುಗಳು ಮತ್ತು ಸಸ್ಯಗಳನ್ನು ತಿನ್ನುವ ಮೂಲಕ ಬದುಕುಳಿದಿದ್ದರು.

ನಾಪತ್ತೆಯಾಗಿದ್ದ ನಾಲ್ಕು ಮಕ್ಕಳು ಕೊಲಂಬಿಯಾದ ಪಡೆಗಳ ಜೊತೆಗೆ ಹುಡುಕಾಟದಲ್ಲಿ ತೊಡಗಿರುವ ಸ್ಥಳೀಯ ಯುವಕರ ಜ್ಞಾನದ ಭಾಗವಾಗಿ ಜೀವಂತವಾಗಿ ಕಂಡುಬಂದಿದ್ದಾರೆ. ಕೊಲಂಬಿಯಾದ ಸ್ಥಳೀಯ ಜನರ ರಾಷ್ಟ್ರೀಯ ಸಂಸ್ಥೆ (OPIAC) ಪ್ರಕಾರ, "ಮಕ್ಕಳ ಬದುಕುಳಿಯುವಿಕೆಯು ತಾಯಿಯ ಗರ್ಭದಲ್ಲಿ ಕಲಿಸುವ ನೈಸರ್ಗಿಕ ಪರಿಸರದೊಂದಿಗಿನ ಜ್ಞಾನ ಮತ್ತು ಸಂಬಂಧದ ಸಂಕೇತವಾಗಿದೆ" ಎಂದಿದೆ.

ಮೇ 1 ರಂದು ಕಾಡಿನ ಸ್ಥಳದಿಂದ ಕೊಲಂಬಿಯಾದ ಅಮೆಜಾನ್ ಮಳೆಕಾಡಿನ ಪ್ರಮುಖ ನಗರಗಳಲ್ಲಿ ಒಂದಾದ ಸ್ಯಾನ್ ಜೋಸ್ ಡೆಲ್ ಗುವಿಯಾರ್‌ಗೆ ತೆರಳುತ್ತಿದ್ದ ಕೊಲಂಬಿಯ ಹೆಲಿಕಾಫ್ಟರ್ ದುರಂತಕ್ಕೆ ಈಡಾಗಿತ್ತು. ಅದರಲ್ಲಿ ಪೈಲಟ್ ಮತ್ತು ಮಕ್ಕಳ ತಾಯಿ ಸೇರಿದಂತೆ ಮೂವರು ಸಾವನ್ನಪ್ಪಿದ್ದರು. ಪ್ರಯಾಣಿಕರಲ್ಲಿ ಒಬ್ಬರಾದ ರಾನೋಕ್ ಹಾಗು ಪತ್ನಿ ಮುಕುಟುಯ್ ಅವರು ಹ್ಯುಟೊಟೊ ಜನಾಂಗದವರಾಗಿದ್ದು ನಾಲ್ಕು ಮಕ್ಕಳ ತಾಯಿಯಾಗಿದ್ದಾರೆ. ಮಕ್ಕಳಿಗೆ ಕಾಡಿನ ಪರಿಚಯವಾದರೂ ಆಗಲಿ ಎಂಬ ನಿರೀಕ್ಷೆಯಲ್ಲಿ ಮಕ್ಕಳ ಕುಟುಂಬ ಪ್ರಯಾಣಿಸುತ್ತಿತ್ತು ಎನ್ನಲಾಗಿದೆ.

#últimahora #Colombia
Rescatan a niños perdidos
en selva colombiana ¡tras 40 días!
#Niños #Sobrevivientes pic.twitter.com/5Ppx4MV8Q6

— LAVASIJA (@verito19841972) June 10, 2023

ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದ ನಾಲ್ಕು ಜನ ಮಕ್ಕಳ ಬಗ್ಗೆ ಯಾವುದೇ ಸುಳಿವು ಸಿಕ್ಕಿರಲಿಲ್ಲ. 11 ತಿಂಗಳ ಮಗು ಸೇರಿದಂತೆ 13, 9 ಮತ್ತು 4 ವರ್ಷ ವಯಸ್ಸಿನ ಮಕ್ಕಳು ಅಪಘಾತದ ನಂತರ ದಕ್ಷಿಣ ಕ್ಯಾಕ್ವೆಟಾ ವಿಭಾಗದಲ್ಲಿ ಕಾಡಿನಲ್ಲಿ ಕಾಣೆಯಾಗಿದ್ದಾರೆಂದು ತಿಳಿದು ಬಂದಿತ್ತು. ಇದರ ಆಧಾರದ ಮೇಲೆ ಸಶಸ್ತ್ರ ಪಡೆಯ ರಕ್ಷಕರು ಶೋಧ ಪ್ರಯತ್ನಗಳನ್ನು ತೀವ್ರಗೊಳಿಸಿದರು. ಮಕ್ಕಳನ್ನು ಹುಡುಕಲು ಅಧಿಕಾರಿಗಳು ಸ್ನಿಫರ್ ಡಾಗ್‌ಗಳೊಂದಿಗೆ 100 ಕ್ಕೂ ಹೆಚ್ಚು ಸೈನಿಕರನ್ನು ನಿಯೋಜಿಸಿದ್ದರು.

ಪತನಗೊಂಡ ವಿಮಾನದಲ್ಲಿದ್ದ ಯುಕ್ಕಾ ಹಿಟ್ಟನ್ನು ತಿನ್ನುವ ಮೂಲಕ ಮತ್ತು ಹುಡುಕಾಟ ಹೆಲಿಕಾಪ್ಟರ್‌ಗಳಿಂದ ಬೀಳಿಸಿದ ಪರಿಹಾರ ಪಾರ್ಸೆಲ್‌ಗಳನ್ನು ತಿಂದು ಬದುಕುಳಿದಿದ್ದಾರೆ. ಇದರ ಜೊತೆಗೆ ಅಮೆಜಾನ್ ಪ್ರದೇಶದಲ್ಲಿ ತಮ್ಮ ಕುಟುಂಬದವರು ತಿಳಿಸಿಕೊಟ್ಟಿದ್ದ ತಿನ್ನಬಹುದು ಎಂದು ಗುರುತಿಸಿದ ಬೀಜಗಳು, ಹಣ್ಣುಗಳು, ಬೇರುಗಳು ಮತ್ತು ಸಸ್ಯಗಳನ್ನು ಸಹ ಸೇವಿಸಿದ್ದಾರೆ ಎಂದು ಕೊಲಂಬಿಯಾದ ರಾಷ್ಟ್ರೀಯ ಸ್ಥಳೀಯ ಸಂಸ್ಥೆ (ONIC) ನ ಲೂಯಿಸ್ ಅಕೋಸ್ಟಾ ಎಎಫ್‌ಪಿಗೆ ತಿಳಿಸಿದ್ದಾರೆ.

40 ಮೀಟರ್ ಎತ್ತರದವರೆಗೆ ಬೆಳೆದ ದೈತ್ಯ ಮರಗಳು, ಕಾಡು ಪ್ರಾಣಿಗಳು ಮತ್ತು ಭಾರೀ ಮಳೆಯ ನಡುವೆ ಮಕ್ಕಳಿಗಾಗಿ ನಡೆದ "ಆಪರೇಷನ್ ಹೋಪ್" ಹುಡುಕಾಟ ಕಷ್ಟಕರವಾಗಿತ್ತು. ಸಹಾಯಕ್ಕಾಗಿ ಮೂರು ಹೆಲಿಕಾಪ್ಟರ್‌ಗಳನ್ನು ಬಳಸಲಾಗಿತ್ತು. ಅವುಗಳಲ್ಲಿ ಒಂದು ಮಗು ಹ್ಯುಟೊಟೊ ಭಾಷೆಯಲ್ಲಿ ಕಾಡಿನ ಮೂಲಕ ಚಲಿಸುವ ವಿಮಾನವನ್ನು ನಿಲ್ಲಿಸುವಂತೆ ಹೇಳುವ ಧ್ವನಿ ಸಂದೇಶ ಸಿಕ್ಕಿತ್ತು. ಅದರ ಬೆನ್ನಲ್ಲೆ ಮಕ್ಕಳನ್ನು ಪತ್ತೆ ಮಾಡಲಾಗಿದೆ.

English summary

Colombia plane crash: Four Children lost for 40 days in the Amazon forest survived eating seeds, roots and plants. know more.