ಭಾರತದ 12 ನಗರಗಳಲ್ಲಿ ಏರ್‌ಟೆಲ್ 5G ಪ್ಲಸ್ ಸೇವೆ

ನವದೆಹಲಿ, ನವೆಂಬರ್ 28: ಏರ್‌ಟೆಲ್ 5G ಪ್ಲಸ್ ಈಗ ಹೆಚ್ಚಿನ ಭಾರತೀಯ ನಗರಗಳಲ್ಲಿ ಲಭ್ಯವಿದೆ. ಏರ್‌ಟೆಲ್ ಮತ್ತು ರಿಲಯನ್ಸ್ ಜಿಯೋದಂತಹ ಟೆಲಿಕಾಂ ಕಂಪನಿಗಳು ಪ್ರತಿದಿನವೂ ಹೊಸ ನಗರಗಳನ್ನು 5G ಪಟ್ಟಿಗೆ ಸೇರಿಸುತ್ತಿವೆ.

ಗ್ರಾಹಕರಿಗೆ ಹೆಚ್ಚು ತಡೆರಹಿತ ಅನುಭವವನ್ನು ನೀಡಲು ಕೆಲವು ವಿಮಾನ ನಿಲ್ದಾಣಗಳಲ್ಲಿ 5G ಸೇವೆಗಳನ್ನು ಈಗ ಪ್ರವೇಶಿಸಬಹುದಾಗಿದೆ. ಪ್ರಸ್ತುತ, ಏರ್‌ಟೆಲ್ ಅನೇಕ ನಗರಗಳಲ್ಲಿ 5G ಸೇವೆಯನ್ನು ನೀಡುತ್ತಿದೆ. ದೇಶದ ಯಾವ ನಗರಗಳಲ್ಲಿ ಏರ್‌ಟೆಲ್ 5ಜಿ ಸೇವೆಗಳನ್ನು ಹೊಂದಿದೆ ಎಂಬುದನ್ನು ಈ ವರದಿಯಲ್ಲಿ ತಿಳಿದುಕೊಳ್ಳೋಣ.

ಏರ್‌ಟೆಲ್ 5G ಸೇವೆಯು ಪ್ರಸ್ತುತ ದೆಹಲಿ, ಸಿಲಿಗುರಿ, ಬೆಂಗಳೂರು, ಹೈದರಾಬಾದ್, ವಾರಣಾಸಿ, ಮುಂಬೈ, ನಾಗ್ಪುರ ಮತ್ತು ಚೆನ್ನೈ ಸೇರಿದಂತೆ 12 ಭಾರತೀಯ ನಗರಗಳಲ್ಲಿ ಲಭ್ಯವಿದೆ. ತದನಂತರ ಗುರುಗ್ರಾಮ್, ಪಾಣಿಪತ್ ಮತ್ತು ಗುವಾಹಟಿಯಲ್ಲಿ ನೆಟ್‌ವರ್ಕ್ ಅನ್ನು ಪ್ರಾರಂಭಿಸಲಾಗಿದೆ.

ಪಾಟ್ನಾದ ಹಲವು ಪ್ರದೇಶಗಳಲ್ಲಿ 5ಜಿ ಸೇವೆ:

ಟೆಲಿಕಾಂ ಕಂಪನಿಯು ಪಾಟ್ನಾ, ಸಾಹಿಬ್ ಗುರುದ್ವಾರ, ಪಾಟ್ನಾ ರೈಲು ನಿಲ್ದಾಣ, ಡಾಕ್ ಬಂಗ್ಲೋ, ಮೌರ್ಯ ಲೋಕ್, ಬೈಲಿ ರೋಡ್, ಬೋರಿಂಗ್ ರೋಡ್, ಸಿಟಿ ಸೆಂಟರ್ ಮಾಲ್, ಪಾಟ್ಲಿಪುತ್ರ ಇಂಡಸ್ಟ್ರಿಯಲ್ ಏರಿಯಾ ಮತ್ತು ಇನ್ನೂ ಕೆಲವು ಸ್ಥಳಗಳನ್ನು ಒಳಗೊಂಡಂತೆ ಪಾಟ್ನಾದ ಹಲವಾರು ಪ್ರದೇಶಗಳಲ್ಲಿ 5G ಅನ್ನು ಹೊರತಂದಿದೆ.

ಯಾವ ವಿಮಾನ ನಿಲ್ದಾಣಗಳಲ್ಲಿ 5ಜಿ ಸೇವೆ?:

ವಿಮಾನ ನಿಲ್ದಾಣಗಳಿಗೆ ಸಂಬಂಧಿಸಿದಂತೆ ಗ್ರಾಹಕರು ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ, ಪುಣೆಯ ಲೋಹೆಗಾಂವ್ ವಿಮಾನ ನಿಲ್ದಾಣ, ವಾರಣಾಸಿಯ ಲಾಲ್ ಬಹದ್ದೂರ್ ಶಾಸ್ತ್ರಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ, ನಾಗ್ಪುರದ ಬಾಬಾಸಾಹೇಬ್ ಅಂಬೇಡ್ಕರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಮತ್ತು ಪಾಟ್ನಾ ವಿಮಾನ ನಿಲ್ದಾಣದಲ್ಲಿ ಏರ್‌ಟೆಲ್ 5G ಲಭ್ಯವಿದೆ.

ಗುಜರಾತ್‌ನ ಎಲ್ಲಾ 33 ಜಿಲ್ಲಾ ಕೇಂದ್ರಗಳಲ್ಲಿ 5ಜಿ ಲಭ್ಯ:

ಏರ್‌ಟೆಲ್ ಪ್ರತಿಸ್ಪರ್ಧಿಗಳಿಗೆ ಸಂಬಂಧಿಸಿದಂತೆ ರಿಲಾಯನ್ಸ್ ಜಿಯೋ ಈಗಾಗಲೇ ದೆಹಲಿ NCR, ಮುಂಬೈ, ವಾರಣಾಸಿ, ಕೋಲ್ಕತ್ತಾ, ಬೆಂಗಳೂರು, ಹೈದರಾಬಾದ್, ಚೆನ್ನೈ, ನಾಥದ್ವಾರ, ಪುಣೆ, ಗುರುಗ್ರಾಮ್, ನೋಯ್ಡಾ, ಗಾಜಿಯಾಬಾದ್ ಮತ್ತು ಫರಿದಾಬಾದ್‌ನಂತಹ ನಗರಗಳಲ್ಲಿ 5G ಸೇವೆಯನ್ನು ನೀಡಲಾಗುತ್ತಿದೆ. ಇದು ಗುಜರಾತ್‌ನ ಎಲ್ಲಾ 33 ಜಿಲ್ಲಾ ಕೇಂದ್ರಗಳಲ್ಲಿ ಲಭ್ಯವಾಗುವಂತೆ ಮಾಡಿದೆ.

ಭಾರತದಾದ್ಯಂತ ಜಿಯೋ 5ಜಿ ಸೇವೆ:

ಮುಂದಿನ ವರ್ಷದ ಅಂತ್ಯದ ವೇಳೆಗೆ ಭಾರತದಾದ್ಯಂತ ರಿಲಾಯನ್ಸ್ ಜಿಯೋ 5G ಸೇವೆಯನ್ನು ನೀಡುವುದಾಗಿ ಭರವಸೆ ನೀಡಿದೆ. ಆದರೆ ಮಾರ್ಚ್ 2024 ರೊಳಗೆ ಏರ್‌ಟೆಲ್ ಎಲ್ಲಾ ನಗರಗಳನ್ನು ಆವರಿಸುತ್ತದೆ. ಸದ್ಯಕ್ಕೆ, ವೋಡಾಫೋನ್ ಐಡಿಯಾ (Vi) ಗ್ರಾಹಕರಿಗೆ 5G ಲಭ್ಯತೆಯ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. 5G ಬಿಡುಗಡೆಯ ಸಮಯದಲ್ಲಿ, ಟೆಲಿಕಾಂ ಕಂಪನಿಯು ಶೀಘ್ರದಲ್ಲೇ ಅದನ್ನು ನೀಡುವುದಾಗಿ ಭರವಸೆ ನೀಡಿತು, ಆದರೆ ಈ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಇಲ್ಲ.

English summary

12 Indian Cities have available Airtel 5G service now: Here Check full list