918 ಅಭ್ಯರ್ಥಿಗಳ ಹಣೆಬರಹ ನಿರ್ಧರಿಸಲಿರುವ 10 ಕೋಟಿ ಮತದಾರರು

ನವದೆಹಲಿ, ಮೇ 19: ಕಳೆದ 40 ದಿನಗಳಿಂದ ಭಾರತದಲ್ಲಿ ನಡೆಯುತ್ತಿರುವ ಮತೋತ್ಸವಕ್ಕೆ ಭಾನುವಾರ ಸಂಜೆ ಆರು ಗಂಟೆಗೆ ತೆರೆ ಬೀಳಲಿದೆ.

ಇಂದು ಏಳನೇ ಹಂತದ ಮತದಾನಕ್ಕೆ ಏಳು ರಾಜ್ಯ ಹಾಗೂ 1ಕೇಂದ್ರಾಡಳಿತ ಸೇರಿ 59 ಕ್ಷೇತ್ರಗಳಿಗೆ ಮತದಾನ ನಡೆಯಲಿದೆ. ಸುಮಾರು 10.01 ಕೋಟಿ ಮತದಾರರು 918 ಅಭ್ಯರ್ಥಿಗಳ ಹಣೆಬರಹ ನಿರ್ಧರಿಸಲಿದ್ದಾರೆ.

ಮತದಾನಕ್ಕಾಗಿ ಈ 59 ಕ್ಷೇತ್ರಗಳಲ್ಲಿ 1.12 ಲಕ್ಷ ಮತಗಟ್ಟೆಗಳನ್ನು ತೆರೆಯಲಾಗಿದೆ.59 ಲೋಕಸಭಾ ಕ್ಷೇತ್ರಗಳ ಜೊತೆಗೆ ಪಶ್ಚಿಮ ಬಂಗಾಳ ಹಾಗೂ ಆಂಧ್ರಪ್ರದೇಶದಲ್ಲಿ ಆಯ್ದ ಮತಗಟ್ಟೆಗಳಲ್ಲಿ ಮರು ಮತದಾನವೂ ನಡೆಯಲಿದೆ.

ಕಳೆದ ಆರು ಹಂತಗಳಲ್ಲಿ ಶೇ.66.88 ಸರಾಸರಿ ಮತದಾನ ದಾಖಲಾಗಿದೆ. ಕೊನೆಯ ಹಂತದಲ್ಲಿ ಎಷ್ಟು ಮತಪ್ರಮಾಣವಾಗುತ್ತದೆ ಎಂದು ಕಾದುನೋಡಬೇಕಿದೆ.

ಎಲ್ಲಾ ಏಳು ಹಂತಗಳಲ್ಲಿ ಒಟ್ಟು 542 ಕ್ಷೇತ್ರಗಳಿಗೆ ಮತದಾನವಾದಂತಾಗಲಿದೆ. ತಮಿಳುನಾಡಿನ ವೆಲ್ಲೂರು ಕ್ಷೇತ್ರದ ವ್ಯಾಪ್ತಿಯಲ್ಲಿ ಚುನಾವಣಾ ಅಕ್ರಮದ ಕಾರಣದಿಂದ ಮತದಾನ ಮುಂದೂಡಲಾಗಿತ್ತು. ಹೀಗಾಗಿ ಮೇ 23ರಂದು 542 ಕ್ಷೇತ್ರಗಳ ಮತ ಎಣಿಕೆ ಮಾತ್ರ ನಡೆಯಲಿದೆ.

English summary

Lok Sabha elections 2019: 10.01 crore voters will decide the fate of 918 candidates across the 7 states and the one Union terrotory.