ತರಕಾರಿಗೆ 3 ಗಂಟೆ, ಮದ್ಯಕ್ಕೆ 7 ಗಂಟೆ ಅವಕಾಶ: ಮಹಿಳೆಯರ ಹೋರಾಟ

ವಿಶಾಕಪಟ್ಟಣ, ಮೇ 5: ಮದ್ಯ ಮಾರಾಟ ಅವಕಾಶ ನೀಡಿದ ಬೆನ್ನಲೆ ಅದಕ್ಕೆ ವಿರೋದವೂ ವ್ಯಕ್ತವಾಗಿದೆ. ಆಂಧ್ರ ಪ್ರದೇಶದ ವಿಶಾಕಪಟ್ಟಣದಲ್ಲಿ ಈ ಬಗ್ಗೆ ಮಹಿಳೆಯರು ಹೋರಾಟ ಮಾಡಿದ್ದಾರೆ.

ವಿಶಾಕಪಟ್ಟಣದಲ್ಲಿ ಮದ್ಯ ಮಾರಾಟಕ್ಕೆ 7 ಗಂಟೆ ಅವಕಾಶ ನೀಡಲಾಗಿದೆ. ಆದರೆ, ತರಕಾರಿ ಮಾರಾಟಕ್ಕೆ 3 ಗಂಟೆ ಮಾತ್ರ ಅವಕಾಶ ನೀಡಲಾಗಿದೆ. ಇದನ್ನು ಮಹಿಳೆಯರು ವಿರೋಧಿಸಿದ್ದು, ಇಂದು ರಸ್ತೆಗಿಳಿದು ಪ್ರತಿಭಟನೆ ಮಾಡಿದರು.

ಬೆಳಗ್ಗೆ 11 ಗಂಟೆಯ ಬದಲು, ಮಧ್ಯಾಹ್ನ 12 ರಿಂದ ಸಂಜೆ 7 ರವರೆಗೆ ಮದ್ಯದಂಗಡಿಗಳನ್ನು ತೆರೆಯಲು ಆಂಧ್ರ ಪ್ರದೇಶ ರಾಜ್ಯ ಸರ್ಕಾರ ಅವಕಾಶ ನೀಡಿದೆ. ಆದರೆ, ತರಕಾರಿ ಹಾಗೂ ಅಗತ್ಯ ವಸ್ತುಗಳಿಗೆ ಬೆಳಗ್ಗೆ ಮೂರು ಗಂಟೆ ಮಾತ್ರ ಅವಕಾಶ ನೀಡಿದೆ.

ರಾಜ್ಯ ಸರ್ಕಾರದ ಈ ನಿರ್ಧಾರವನ್ನು ವಿರೋಧಿಸಿದ ಮಹಿಳೆಯರು, ಸರ್ಕಾರದ ವಿರುದ್ಧ ಘೋಷಣೆ ಕೂಗಿದರು. ಮಾಸ್ಕ್‌ ಹಾಕಿಕೊಂಡು ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದರು. ಆದರೆ ಈ ಪ್ರತಿಭಟನೆಯಲ್ಲಿ ಸಾಮಾಜಿಕ ಅಂತರವನ್ನು ಸರಿಯಾಗಿ ಪಾಲಿಸಿಲ್ಲ ಎನ್ನುವುದು ಫೋಟೋಗಳಲ್ಲಿಯೇ ತಿಳಿಯುತ್ತಿದೆ.

ಮತ್ತೊಂದು ಕಡೆ, ಆಂಧ್ರ ಸರ್ಕಾರ ಮೊದಲು 25 ರಷ್ಟು ಮದ್ಯದ ಬೆಲೆಯನ್ನು ಏರಿಕೆ ಮಾಡಿ, ಸೋಮವಾರ ಮದ್ಯ ಮಾರಾಟಕ್ಕೆ ಅವಕಾಶ ನೀಡಿತ್ತು. ಆದಾದ ಬಳಿಕ ಇಂದು ಮತ್ತೆ 50 ರಷ್ಟು ಹಣವನ್ನು ಹೆಚ್ಚಿಗೆ ಮಾಡಿದೆ.

Andhra Pradesh: Women in Visakhapatnam today held a protest against the liquor shops opened in the district by the state government amid #COVID19 lockdown. A protester says, "Vegetable markets stay open for only 3 hours but liquor shops are allowed to remain open for 7 hours". pic.twitter.com/KdQgMGldnX

— ANI (@ANI) May 5, 2020

ಈ ಹೊಸ ದರ ಇಂದಿನಿಂದಲೇ ಜಾರಿಗೆ ಬರಲಿದೆ. ಮದ್ಯ ಮಾರಾಟದಿಂದ ವಾರ್ಷಿಕ ಆದಾಯ 9,000 ಕೋಟಿ ರೂಪಾಯಿ ಆಗಲಿದೆ ಎಂದು ಅಂದಾಜಿಸಲಾಗಿದೆ.

English summary

Women in Visakhapatnam today held a protest against the liquor shops. protester says Vegetable markets stay open for only 3 hours but liquor shops are allowed to remain open for 7 hours.