ಅಮೆರಿಕಾದಲ್ಲಿ ತೆಲಂಗಾಣ ವಿದ್ಯಾರ್ಥಿ ಮೇಲೆ ಗುಂಡಿನ ದಾಳಿ

ಕ್ಯಾಲಿಫೋರ್ನಿಯಾ, ಜೂನ್ 8: ಅಮೆರಿಕಾದ ಕ್ಯಾಲಿಫೋರ್ನಿಯಾದಲ್ಲಿ ತೆಲಂಗಾಣ ಮೂಲದ ವಿದ್ಯಾರ್ಥಿ ಮೇಲೆ ಗುಂಡು ಹಾರಿಸಲಾಗಿದ್ದು, ಪರಿಸ್ಥಿತಿ ಗಂಭೀರವಾಗಿದೆ.

ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಲ್ಲಿ ಎಂಎಸ್ ಅಧ್ಯಯನ ಮಾಡುತ್ತಿದ್ದ ತೆಲಂಗಾಣದ ಸಂಗಾರೆಡ್ಡಿ ಜಿಲ್ಲೆಗೆ ಸೇರಿದ ಮುಬೀನ್ ಅಹ್ಮದ್ ಮೇಲೆ ಗುಂಡಿನ ದಾಳಿ ನಡೆಸಲಾಗಿದೆ. 26 ವರ್ಷದ ಮುಬೀನ್ ಅಲ್ಲಿನ ಅಂಗಡಿಯೊಂದರಲ್ಲಿ ಪಾರ್ಟ್ ಟೈಮ್ ಕೆಲಸಕ್ಕೆ ಸೇರಿಕೊಂಡಿದ್ದು ಅಲ್ಲಿ ಈ ಗುಂಡಿನ ದಾಳಿ ನಡೆಸಲಾಗಿದೆ.

ಜೂನ್ 4ರಂದು 6 ಗಂಟೆಗೆ ಈ ದಾಳಿ ನಡೆದಿದೆ. ಕುಟುಂಬಸ್ಥರಿಗೆ ಜೂನ್ 5ರಂದು ಈ ಘಟನೆಯ ಬಗ್ಗೆ ಮಾಹಿತಿ ನೀಡಲಾಗಿದೆ. "ಮಗ ಐಸಿಯುನಲ್ಲಿರುವುದಾಗಿ ನನಗೆ ಕರೆ ಬಂತು. ನಾನು ಅವನ ಜತೆಗೆ ಇರಬೇಕಾದರೆ ನನಗೆ ವೀಸಾ ಬೇಕು," ಎಂದು ಮುಬೀನ್ ಅಹ್ಮದ್ ತಂದೆ ಮುಜೀಬ್ ಅಹ್ಮದ್ ಹೇಳಿದ್ದಾರೆ.

ಈಗಾಗಲೆ ಮುಜೀಬ್ ನೀರಾವರಿ ಸಚಿವ ಟಿ ಹರೀಶ್ ರಾವ್ ಬೇಟಿಯಾಗಿ ಮಾತುಕತೆ ನಡೆಸಿದ್ದಾರೆ. ಇನ್ನು ಎಂಬಿಟಿ ಪಕ್ಷದ ನಾಯಕ ಸಹಾಯ ಮಾಡುವಂತೆ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಗೂ ಪತ್ರ ಬರೆದಿದ್ದಾರೆ

English summary

A student from Sangareddy district of Telangana is in critical situation after being shot at California, US. Mubeen Ahmed was shot at 6pm on June 4. The family was informed about the incident on June 5 by some relatives.