ಚಿಕ್ಕಮಗಳೂರಿಗೆ ಬಂದ 340 ಕೆ.ಜಿ. ತೂಕದ ಬೃಹತ್ ಸಮುದ್ರ ಮೀನು, ಖರೀದಿಗೆ ಮುಗಿಬಿದ್ದ ಜನ

ಚಿಕ್ಕಮಗಳೂರು, ಆಗಸ್ಟ್‌, 20: ಮಂಗಳೂರಿನಿಂದ ಚಿಕ್ಕಮಗಳೂರಿಗೆ 340 ಕೆ.ಜಿ ತೂಕದ ಬೃಹತ್ ಗಾತ್ರದ ಸಮುದ್ರ ಮೀನು ಬಂದಿದ್ದು, ಇದನ್ನು ನೋಡಿದ ಗ್ರಾಹಕರು ಅಚ್ಚರಿಗೊಂಡಿದ್ದಾರೆ.

ಚಿಕ್ಕಮಗಳೂರು ನಗರದ ಖಾಸಗಿ ಮೀನು ಅಂಗಡಿಗೆ ಅಂಬೂರು ಫಿಶ್ ಬಂದಿದೆದ್ದು, ಅಂಬೂರು ಸಮುದ್ರ ಮೀನು ಖರೀದಿಗೆ ಗ್ರಾಹಕರು ಮುಗಿಬಿದ್ದಿದ್ದಾರೆ. ಈ 340 ಕೆ.ಜಿ. ತೂಕದ ಭಾರೀ ಗಾತ್ರದ ಮೀನು ಕಂಡು ಸ್ಥಳೀಯರು ಅಚ್ಚರಿಗೊಂಡಿದ್ದಾರೆ. ಇನ್ನು 1 ಕೆ.ಜಿ. ಮೀನಿಗೆ 1000 ಕೊಡುತ್ತೇವೆ ಅಂದರೂ ಅಂಬೂರು ಮೀನು ಸಿಗುವುದಿಲ್ಲ. ಸದ್ಯ ಅಂಬೂರು ಮೀನು ಕಾಫಿನಾಡಿಗೆ ಬಂದಿದ್ದು, ಖರೀದಿಗೆ ಗ್ರಾಹಕರು ಮುಗಿಬಿದ್ದಿದ್ದಾರೆ.

ನಗರದ ಉಪ್ಪಳ್ಳಿ ಬಡಾವಣೆಯಲ್ಲಿರುವ ಖಾಸಗಿ ಮೀನಿನ ಅಂಗಡಿ ಈ ಅಂಬೂರ್‌ ಮೀನು ಬಂದಿದ್ದು, ಇದನ್ನು ನೋಡಲು ಅಂಗಡಿ ಬಳಿ ಸಾವಿರಾರು ಸಂಖ್ಯೆಯಲ್ಲಿ ಜನ ಸೇರಿದ್ದಾರೆ. ಇನ್ನು ಸೌದಿ ಅರೇಬಿಯಾದಲ್ಲಿ ಈ ಮೀನಿಗೆ ಹೆಚ್ಚು ಬೇಡಿಕೆ ಇದ್ದು, ಈ ಬೃಹತ್ ಗಾತ್ರದ ಅಂಬೂರು ಮೀನನ್ನು ಮೊದಲ ಬಾರಿಗೆ ಖಾಸಗಿ ಅಂಗಡಿ ಮಾಲೀಕರು ತರಿಸಿದ್ದಾರೆ. ಇನ್ನು ಗ್ರಾಹಕರ ಉತ್ಸಾಹ ನೋಡಿ ಮೀನಿನ ದರವನ್ನು ಅಂಗಡಿ ಮಾಲೀಕರು ಹೆಚ್ಚಿಸಿದ್ದಾರೆ. ದರ ಹೆಚ್ಚಿದರೂ ಕೂಡ ಈ ಮೀನಿನ ಖರೀದಿಗಾಗಿ ಗ್ರಾಹಕರು ಮುಗಿಬಿದ್ದಿದ್ದಾರೆ.

English summary

340 kg's Large size fish arrived at Chikkamagaluru, here see details,