ರಜನೀಕಾಂತ್ ಪಕ್ಷದ ರೂಲ್ ಬುಕ್ ಸಿದ್ಧ, ಅದರಲ್ಲಿ ಏನೇನಿದೆ ಗೊತ್ತಾ?!
Recommended Video
ಚೆನ್ನೈ, ಆಗಸ್ಟ್ 28: ನಟ ಹಾಗೂ ಇತ್ತೀಚೆಗೆ ರಾಜಕಾರಣ ಪ್ರವೇಶದ ಘೋಷಣೆ ಮಾಡಿದ ರಜನೀಕಾಂತ್ ರ ರಜಿನಿ ಮಕ್ಕಳ್ ಮಂಡ್ರಮ್ ನಿಂದ (ಆರ್ ಎಂಎಂ) ಸದಸ್ಯರು ಹಾಗೂ ಆಡಳಿತಾತ್ಮಕ ಹುದ್ದೆಗಳಲ್ಲಿ ಇರುವವರಿಗಾಗಿ ಕೆಲವು ನಿಯಮಗಳನ್ನು ರೂಪಿಸಿ, ಬಿಡುಗಡೆ ಮಾಡಿದೆ. ಆರ್ ಎಂಎಂ ಸೇರಲು ಬಯಸುವವರು ಹಾಗೂ ಪ್ರಸ್ತುತ ಸದಸ್ಯರಾಗಿರುವವರು ಕಡ್ಡಾಯವಾಗಿ ಪಾಲಿಸಲೇಬೇಕಿದೆ.
ಆ ಪೈಕಿ ಬಹಳ ಮುಖ್ಯವಾಗಿ ಹಾಕಿರುವ ನಿಯಮ ಏನೆಂದರೆ, ಯಾವುದೇ ಧರ್ಮ ಅಥವಾ ಜಾತಿ ಆಧಾರಿತ ಸಂಘಟನೆಯ ಭಾಗವಾಗಿರುವಂಥವರಿಗೆ ರಜಿನಿ ಮಕ್ಕಳ್ ಮಂಡ್ರಮ್ ಸದಸ್ಯರಾಗುವ ಅವಕಾಶ ಇಲ್ಲ. ಇತರ ನಿಯಮಗಳು ಏನೇನಿವೆ ಎಂದು ತಿಳಿದುಕೊಳ್ಳಲು ಮುಂದೆ ಓದಿ.
* ಆರ್ ಎಂಎಂ ಕಾರ್ಯಕ್ರಮಗಳು ಇರುವ ಸಂದರ್ಭಗಳನ್ನು ಹೊರತುಪಡಿಸಿ ಇನ್ಯಾವುದೇ ವೇಳೆಯಲ್ಲಿ ಸದಸ್ಯರು ತಮ್ಮ ವಾಹನಗಳಲ್ಲಿ ತಮ್ಮ ಸಂಘಟನೆಯ ಬಾವುಟ ಹಾಕುವಂತಿಲ್ಲ
* ಆರ್ ಎಂಎಂ ಯುವ ಘಟಕ ಸದಸ್ಯರ ವಯಸ್ಸು ಮೂವತ್ತೈದರ ಒಳಗಿರಬೇಕು.
* ಹದಿನೆಂಟು ವರ್ಷ ಮೇಲ್ಪಟ್ಟವರು ಆರ್ ಎಂಎಂ ಸದಸ್ಯರಾಗಬಹುದು.
* ಪಕ್ಷದ ಬಾವುಟವನ್ನು ಬಟ್ಟೆಯಿಂದಲೇ ತಯಾರಿಸಿರಬೇಕು.
* ಆರ್ ಎಂಎಂ ಕಾರ್ಯಕರ್ತರ ನೇಮಕ, ಪದಚ್ಯುತಿ ನಿರ್ಧಾರಗಳ ವಿಚಾರದಲ್ಲಿ ವರಿಷ್ಠರ ತೀರ್ಮಾನವೇ ಅಂತಿಮ
* ಪಕ್ಷದಲ್ಲಿ ಒಂದು ಕುಟುಂಬದಿಂದ ಒಬ್ಬರಿಗೇ ಹುದ್ದೆ ನೀಡಲಾಗುವುದು
* ಸದಸ್ಯರು ಮಹಿಳೆಯರನ್ನು ಕಡ್ಡಾಯವಾಗಿ ಗೌರವಿಸಬೇಕು ಹಾಗೂ ಕಾನೂನು ಕಟ್ಟಳೆಗೆ ಒಳಪಟ್ಟ ನಾಗರಿಕರಾಗಿರಬೇಕು
* ವಿವಾದಾತ್ಮಕ ವಿಚಾರಗಳ ಬಗ್ಗೆ ಮಾತನಾಡುವ ವ್ಯಕ್ತಿ, ನಾಯಕ, ಮುಖಂಡರ ವಿರುದ್ಧ ವೈಯಕ್ತಿಕ ದಾಳಿಗಳನ್ನು ಕಡ್ಡಾಯವಾಗಿ ಮಾಡುವಂತಿಲ್ಲ
* ಆರ್ ಎಂಎಂನ ಲಿಖಿತ ಮನವಿ ಇಲ್ಲದೆ ಯಾವುದೇ ಹಣ ಅಥವಾ ವಸ್ತುಗಳಿಗೆ ಬೇಡಿಕೆ ಅಥವಾ ಮನವಿ ಸಲ್ಲಿಸುವಂತಿಲ್ಲ
* ಆರ್ ಎಂಎಂ ಟ್ಯಾಗ್ ಅಥವಾ ಹೆಸರಿನಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಹಾಕುವಂತಿಲ್ಲ
* ಪಕ್ಷದ ಜಿಲ್ಲಾ ಮಟ್ಟದ ಹುದ್ದೆಗಳಿಗಾಗಿ ಅದಕ್ಕಾಗಿ ಪ್ರತ್ಯೇಕವಾಗಿ ನೇಮಿಸಿದ ಸಮಿತಿಯ ಕಣ್ಗಾವಲಿನಲ್ಲಿ ಚುನಾವಣೆಗಳು ನಡೆಯುತ್ತವೆ.
ಕಳೆದ ಡಿಸೆಂಬರ್ ನಲ್ಲಿ ರಜನೀಕಾಂತ್ ತಮ್ಮ ರಾಜಕೀಯ ಪ್ರವೇಶದ ಬಗ್ಗೆ ಘೋಷಣೆ ಮಾಡಿದ್ದರು. ಆಯಾ ಜಿಲ್ಲೆಗಳಲ್ಲಿ ಪಕ್ಷದ ಬೆಂಬಲಿಗರನ್ನು ಒಗ್ಗೂಡಿಸುವಂತೆ ಅಭಿಮಾನಿಗಳಿಗೆ ಸೂಚಿಸಿದ್ದರು. ಆ ನಂತರ ತಮಿಳುನಾಡು ರಾಜ್ಯದಾದ್ಯಂತ ನೋಂದಣಿ ಅಭಿಯಾನ ಶುರುವಾಗಿತ್ತು. ಜಿಲ್ಲಾ ಮಟ್ಟದ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಗಿತ್ತು. ಅಶಿಸ್ತಿನ ಕಾರಣಕ್ಕೆ ಜಿಲ್ಲಾ ಮಟ್ಟದ ಮುಖಂಡರೊಬ್ಬರನ್ನು ಉಚ್ಚಾಟನೆ ಮಾಡಲಾಗಿತ್ತು.
Click it and Unblock the Notifications
Sign in with Google