ಈದ್ ಪಾರ್ಟಿಯಲ್ಲಿ ಬಿರಿಯಾನಿಯೊಂದಿಗೆ 1.45 ಲಕ್ಷ ರೂ. ಚಿನ್ನಾಭರಣ ನುಂಗಿದ ವ್ಯಕ್ತಿ
ಚೆನ್ನೈ, ಮೇ 7: ಈದ್ ಪಾರ್ಟಿಯಲ್ಲಿ 32 ವರ್ಷದ ವ್ಯಕ್ತಿಯೊಬ್ಬರು ಬಿರಿಯಾನಿಯೊಂದಿಗೆ 1.45 ಲಕ್ಷ ರೂಪಾಯಿ ಮೌಲ್ಯದ ಚಿನ್ನಾಭರಣಗಳನ್ನು ನುಂಗಿದ ಘಟನೆ ಮಂಗಳವಾರ ನಡೆದಿದೆ. ಸಾಲಿಗ್ರಾಮದಲ್ಲಿರುವ ಆತಿಥೇಯರ ಮನೆಯಲ್ಲಿ ಚಿನ್ನಾಭರಣ ಕಳವು ಮಾಡಿದ್ದರು. ಅವರು ಬಿರಿಯಾನಿ ತಿನ್ನುವ ಮೊದಲು ಅದನ್ನು ನುಂಗಿದ್ದಾರೆ ಎಂದು ತಿಳಿದು ಬಂದಿದೆ.
ಆಭರಣ ಅಂಗಡಿಯ ಕೆಲಸಗಾರ ತನ್ನ ಮ್ಯಾನೇಜರ್ ಮತ್ತು ಆತನ ವಿಚ್ಛೇದಿತ ಸಂಗಾತಿಯನ್ನು ರಂಜಾನ್ ಹಬ್ಬದ ಪ್ರಯುಕ್ತ ಈದ್ ಪಾರ್ಟಿಗೆ ಆಹ್ವಾನಿಸಿದ್ದರು. ಪಾರ್ಟಿ ಮುಗಿಸಿ ದಂಪತಿ ತೆರಳಿದಾಗ ಆತಿಥೇಯರಿಗೆ ಮನೆಯಲ್ಲಿ ವಜ್ರದ ನೆಕ್ಲೇಸ್, ಪೆಂಡೆಂಟ್ ಮತ್ತು ಚಿನ್ನದ ಸರ ನಾಪತ್ತೆಯಾಗಿರುವುದು ಕಂಡು ಬಂದಿದೆ.
ಕೂಡಲೆ ಆಭರಣ ಅಂಗಡಿ ಕೆಲಸಗಾರನ ಹೆಂಡತಿ ತನ್ನ ಆಭರಣಗಳನ್ನು ನೋಡಿದ್ದೀರಾ ಎಂದು ಅತಿಥಿ ಮ್ಯಾನೇಜರ್ ಮತ್ತು ಅವರ ನಿಶ್ಚಿತ ವಧುವನ್ನು ಕೇಳಿದ್ದಾರೆ. ಆದರೆ ಅವರು ತಮಗೇನು ಗೊತ್ತಿಲ್ಲ ಎಂದು ಹೇಳಿದ್ದಾರೆ. ನಂತರ ಪೊಲೀಸ್ ದೂರು ನೀಡಲು ನಿರ್ಧರಿಸಿದರು. ಅತಿಥಿ ಮ್ಯಾನೇಜರ್ 10 ನಿಮಿಷಗಳ ಕಾಲ ಆಭರಣಗಳನ್ನು ಇರಿಸಿದ್ದ ಕೋಣೆಯಲ್ಲಿ ತನ್ನನ್ನು ತಾನೇ ಲಾಕ್ ಮಾಡಿಕೊಂಡಿದ್ದನ್ನು ಎಂದು ದೂರುದಾರರು ಪೊಲೀಸರಿಗೆ ತಿಳಿಸಿದ್ದಾರೆ.
ಪೊಲೀಸರು ಮ್ಯಾನೇಜರ್ನನ್ನು ಕರೆಸಿದಾಗ, ಅವರು ಆಭರಣವನ್ನು ನುಂಗಿರುವುದನ್ನು ಒಪ್ಪಿಕೊಂಡಿದ್ದಾರೆ. ಪೊಲೀಸರು ಆತನನ್ನು ಸಮೀಪದ ಆಸ್ಪತ್ರೆಗೆ ಕರೆದೊಯ್ದು ಸ್ಕ್ಯಾನ್ ಮಾಡಿದಾಗ ಆತನ ಹೊಟ್ಟೆಯಲ್ಲಿ ಅನುಮಾನಾಸ್ಪದ ವಸ್ತುಗಳಿರುವುದು ಪತ್ತೆಯಾಗಿದೆ. ಕೊನೆಗೆ ಮ್ಯಾನೇಜರ್ಗೆ ಬಾಳೆಹಣ್ಣುಗಳನ್ನು ನೀಡಿ ಆಭರಣಗಳನ್ನು ವಿಸರ್ಜಿಸುವಂತೆ ಮಾಡಲಾಗಿದೆ. ಆಭರಣವನ್ನು ನಿಜವಾದ ಮಾಲೀಕರಿಗೆ ಹಸ್ತಾಂತರಿಸಲಾಗಿದೆ. ಅವರು ಮದ್ಯದ ಅಮಲಿನಲ್ಲಿ ಆಭರಣಗಳನ್ನು ನುಂಗಿದ್ದಾರೆ ಎಂದು ಮ್ಯಾನೇಜರ್ ಹೇಳಿದ್ದರಿಂದ ಪಾರ್ಟಿಯ ಆತಿಥೇಯರು ತಮ್ಮ ದೂರನ್ನು ಹಿಂಪಡೆದಿದ್ದಾರೆ.
Click it and Unblock the Notifications
Sign in with Google