ತಮಿಳುನಾಡು: ಡಿಎಂಕೆ-ಕಾಂಗ್ರೆಸ್ ಜಯಭೇರಿ, ಆಡಳಿತ ಪಕ್ಷಕ್ಕೆ ಮುಖಭಂಗ
ಚೆನ್ನೈ, ಮೇ 23: ಲೋಕಸಭೆ ಚುನಾವಣೆಯಲ್ಲಿ ಎಲ್ಲೆಡೆ ಬಿಜೆಪಿ ಜಯಭೇರಿ ಭಾರಿಸಿದೆ. ಆದರೆ ದಕ್ಷಿಣ ಭಾರತದಲ್ಲಿ ಕರ್ನಾಟಕವನ್ನು ಹೊರತುಪಡಿಸಿ ಇನ್ನುಳಿದ ರಾಜ್ಯಗಳಲ್ಲಿ ಅದರ ಕಳಪೆ ಸಾಧನೆ ಮುಂದುವರೆದಿದೆ.
ತಮಿಳುನಾಡಿನಲ್ಲಿ ಬಿಜೆಪಿ ಮತ್ತು ಅವರ ಮೈತ್ರಿ ಪಕ್ಷ ಎಐಡಿಎಂಕೆ ಭಾರಿ ಮುಖಭಂಗ ಅನುಭವಿಸಿದ್ದು, ಕಾಂಗ್ರೆಸ್ ಮತ್ತು ಮಿತ್ರ ಪಕ್ಷ ಡಿಎಂಕೆಯು ಅತಿ ಹೆಚ್ಚಿನ ಕ್ಷೇತ್ರಗಳನ್ನು ತನ್ನದಾಗಿಸಿಕೊಂಡಿದೆ.
ಸ್ಟಾಲಿನ್ ನೇತೃತ್ವದ ಡಿಎಂಕೆ ಪಕ್ಷವು 38 ರಲ್ಲಿ 23 ಕ್ಷೇತ್ರಗಳಲ್ಲಿ ಜಯಭೇರಿ ಭಾರಿಸಿದೆ. ಅದರ ಮಿತ್ರ ಪಕ್ಷವಾದ ಕಾಂಗ್ರೆಸ್ ಎಂಟು ಕ್ಷೇತ್ರಗಳಲ್ಲಿ ಗೆದ್ದಿದೆ. ಎರಡೂ ಸೇರಿ ಒಟ್ಟು 31 ಕ್ಷೇತ್ರಗಳಲ್ಲಿ ಗೆಲುವು ಸಾಧಿಸಿವೆ.
ಆಡಳಿತ ಪಕ್ಷವಾದ ಎಐಡಿಎಂಕೆ ಪಕ್ಷವು ಕೇವಲ ಒಂದು ಸ್ಥಾನದಲ್ಲಿ ಮಾತ್ರ ಮುನ್ನಡೆಯಲ್ಲಿದ್ದು, ಭಾರಿ ಮುಖಭಂಗ ಅನುಭವಿಸಿದೆ. ಇದು ಬಿಜೆಪಿ ಮಿತ್ರವೂ ಆಗಿದೆ.
ಇನ್ನುಳಿದಂತೆ ಸಿಪಿಐ ಎರಡು ಕ್ಷೇತ್ರಗಳಲ್ಲಿ, ಸಿಪಿಐ(ಎಂ) ಎರಡು ಕ್ಷೇತ್ರಗಳಲ್ಲಿ ಹಾಗೂ ಐಯುಎಂಎಲ್ ಒಂದು ಕ್ಷೇತ್ರದಲ್ಲಿ ಜಯಗಳಿಸಿದೆ.
ಆಡಳಿತ ಪಕ್ಷವಾದ ಎಐಡಿಎಂಕೆಗೆ ಈ ಸಾರ್ವತ್ರಿಕ ಚುನಾವಣೆಯು ಭಾರಿ ಹಿನ್ನಡೆಯನ್ನು ತಂದಿದ್ದು, ವಿಧಾನಸಭೆ ಚುನಾವಣೆಯಲ್ಲಿ ಅಧಿಕಾರ ಕಳೆದುಕೊಂಡಿದ್ದ, ಕರುಣಾನಿಧಿ ಕಾಳವಾದ ಬಳಿಕ ಕೆಲವು ಗೊಂದಲದಲ್ಲಿದ್ದ ಡಿಎಂಕೆ ಪಕ್ಷಕ್ಕೆ ವಿಶ್ವಾಸ ತುಂಬಿದೆ. ಅದರ ಮೂಲಕ ಕಾಂಗ್ರೆಸ್ಗೆ ಸಹ ಲೋಕಸಭೆ ಯಲ್ಲಿ ಶಕ್ತಿ ತುಂಬುವ ಕೆಲಸ ಮಾಡಲಿದೆ.
Click it and Unblock the Notifications
Sign in with Google