ಜಿಯೋ 49ರ ಯೋಜನೆಗೆ ಸೆಡ್ಡು ವೋಡಾಫೋನ್ ನಿಂದ 47ರ ಪ್ಲಾನ್

ಬೆಂಗಳೂರು, ಜುಲೈ 26: ರಿಲಯನ್ಸ್ ಜಿಯೋದ 49 ರೂಪಾಯಿ ಪ್ಲಾನ್ ಗೆ ಸೆಡ್ಡು ಹೊಡೆಯಲು ವೋಡಾಫೋನ್ ಸಜ್ಜಾಗಿದ್ದು, ಹೊಸದಾಗಿ 47 ರೂಪಾಯಿ ಪ್ಲಾನ್ ಹೊರ ತಂದಿದೆ.

ಜಿಯೋ 47ರ ಯೋಜನೆಯಲ್ಲಿ 1 ಜಿಬಿ 4 ಜಿ ಡೇಟಾ ಸಿಗುತ್ತಿದೆ. 28 ದಿನಗಳ ವ್ಯಾಲಿಡಿಟಿ ಹೊಂದಿದ್ದು, 50 ಎಸ್ ಎಂ ಎಸ್ ಸಿಗಲಿದೆ.

ವೋಡಾಫೋನ್ 47 ರೂಪಾಯಿಯ ಹೊಸ ಪ್ರೀಪೇಯ್ಡ್ ಪ್ಲಾನ್ ಪರಿಚಯಿಸಿದೆ. ಗ್ರಾಹಕರಿಗೆ ಈ ಪ್ಲಾನ್ ನಲ್ಲಿ 7500 ಸೆಕೆಂಡ್ ಸ್ಥಳಿಯ ಹಾಗೂ ಎಸ್ಟಿಡಿ ವಾಯ್ಸ್ ಕರೆ, 50 ಸ್ಥಳೀಯ ಹಾಗೂ ನ್ಯಾಷನಲ್ ಎಸ್ ಎಂ ಎಸ್ ಹಾಗೂ 500 ಎಂಬಿ 3ಜಿ/4ಜಿ ಡೇಟಾ ಸಿಗಲಿದೆ.

ವೋಡಾಫೋನ್ 47 ರೂಪಾಯಿ ಪ್ಲಾನ್ 28 ದಿನಗಳವರೆಗೆ ವ್ಯಾಲಿಡಿಟಿ ಹೊಂದಿದೆ. ಗುಜರಾತ್ ಹಾಗೂ ಹಿಮಾಚಲ ಪ್ರದೇಶದಲ್ಲಿ 48 ರೂಪಾಯಿಗೆ ಈ ಯೋಜನೆ ಲಭ್ಯವಿದೆ. ಬಿಹಾರ್ ಹಾಗೂ ಜಾರ್ಖಂಡ್ ನಲ್ಲಿ 47 ರೂಪಾಯಿಗೆ 1ಜಿಬಿ 3ಜಿ/4ಜಿ ಡೇಟಾ ನೀಡ್ತಿದೆ.

ಈ ಪ್ಲಾನ್ ವಿಶೇಷವೆಂದರೆ ವ್ಯಾಲಿಡಿಟಿ 28 ದಿನಗಳವರೆಗೆ ಇರಲಿದೆ. ಸಾಮಾನ್ಯವಾಗಿ 50 ರೂಪಾಯಿ ಒಳಗಿನ ಕಡಿಮೆ ವೆಚ್ಚದ ಯೋಜನೆಗಳಿಗೆ 28 ದಿನಗಳವರೆಗೆ ವ್ಯಾಲಿಡಿಟಿ ಇರುವುದಿಲ್ಲ. ಆದರೆ, ಜಿಯೋ ಯೋಜನೆಗಳಿಗೆ ಪೈಪೋಟಿ ನೀಡಲು ಈ ಯೋಜನೆಯ ವ್ಯಾಲಿಡಿಟಿ ವಿಸ್ತರಿಸಲಾಗಿದೆ.

English summary

Vodafone has rolled out a new Rs 47 prepaid tariff plan in the Chennai, Kolkata, Madhya Pradesh, and Chhattisgarh circles. According to a report by TelecomTalk, the new plan offers its users 7,500 seconds or 125 minutes of local and STD voice calling benefits, along with 50 local and national SMS free and 500MB of 3G/4G data with a validity of 28 days.