ರಾಮ ಸೇತುವೆ ಕಟ್ಟುವ ಕಾರ್ಯಕ್ಕೆ ಕೇಂದ್ರದಿಂದ ಕೆಂಪು ನಿಶಾನೆ?

ನವದೆಹಲಿ, ಜೂನ್ 1: ಕೇಂದ್ರ ಸಚಿವ ಸಂಪುಟ ಸೇತುಸಮುದ್ರಂ ಕಾರ್ಪೊರೇಷನ್ ಲಿಮಿಟೆಡ್ (SCL) ಅನ್ನು ಅಂತ್ಯಗೊಳಿಸುವ ಪ್ರಸ್ತಾಪವನ್ನು ಪರಿಗಣಿಸಬಹುದು ಎಂದು ಮೂಲಗಳು ತಿಳಿಸಿವೆ. ಮಹತ್ವಾಕಾಂಕ್ಷೆಯ ಸೇತುಸಮುದ್ರಂ ಯೋಜನೆಯನ್ನು ನಿರ್ಮಿಸಲು ಈ SPV ಅನ್ನು ಸ್ಥಾಪಿಸಲಾಗಿದೆ.

ಸೇತುಸಮುದ್ರಂ ಭಾರತದ ಅತ್ಯಂತ ಮಹತ್ವಾಕಾಂಕ್ಷೆಯ ಸಾಗರ ಯೋಜನೆಗಳಲ್ಲಿ ಒಂದಾಗಿದೆ. ಪಾಕ್ ಜಲಸಂಧಿ ಮತ್ತು ಪಾಕ್ ಕೊಲ್ಲಿಯ ಮೂಲಕ ಮನ್ನಾರ್ ಕೊಲ್ಲಿ ಮತ್ತು ಬಂಗಾಳ ಕೊಲ್ಲಿಯನ್ನು ಸಂಪರ್ಕಿಸುವ ಹೊಸ ಹಡಗು ಮಾರ್ಗವನ್ನು ರಚಿಸುವ ಗುರಿಯನ್ನು ಈ ಯೋಜನೆಯು ಹೊಂದಿದೆ.

ಶಿಪ್ಪಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ (SCI) ಸೇರಿದಂತೆ ರಾಜ್ಯ-ಚಾಲಿತ ಸಂಸ್ಥೆಗಳಿಂದ ಈಕ್ವಿಟಿ ಕೊಡುಗೆಗಳ ಮೂಲಕ ಈ ಯೋಜನೆಗೆ ಹಣಕಾಸು ವ್ಯವಸ್ಥೆಯನ್ನು ಒದಗಿಸಬೇಕಾಗುತ್ತದೆ. ಆದರೆ 2007ರಲ್ಲಿ ಖಾಸಗಿ ವ್ಯಕ್ತಿಗಳ ಸಲ್ಲಿಸಿದ ಅರ್ಜಿಯ ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್ ಈ ಯೋಜನೆಯ ನಿರ್ಮಾಣಕ್ಕೆ ತಡೆ ನೀಡಿತ್ತು.

ಸೇತುಸಮುದ್ರಂ ಪ್ರಸ್ತಾಪಕ್ಕೆ ವಿರೋಧ ಏಕೆ?: ವಿಶ್ವ ಹಿಂದೂ ಪರಿಷತ್ ನೇತೃತ್ವದ ಕೆಲವು ಸಂಘಟನೆಗಳು ಈ ಯೋಜನೆಯನ್ನು ವಿರೋಧಿಸಿದ್ದವು. ರಾಮಾಯಣದಲ್ಲಿ ವಿವರಿಸಿದಂತೆ ದೈವಿಕ ಹಸ್ತದಿಂದ ರಚಿಸಲಾದ ಕಲ್ಲು ಮತ್ತು ಮರಳು ಶಿಖರವನ್ನು ನಾಶಮಾಡುವುದಕ್ಕೆ ವಿರೋಧ ವ್ಯಕ್ತವಾಗಿತ್ತು.

ನಂತರ ಕೇಂದ್ರ ಸರ್ಕಾರ ಕೂಡ ಈ ಯೋಜನೆಯನ್ನು ಕೈಬಿಡಲು ನಿರ್ಧರಿಸಿತ್ತು. ಈಗ ಸರ್ಕಾರವು ಶಿಪ್ಪಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾದಲ್ಲಿ ಸಂಪೂರ್ಣ ಪಾಲನ್ನು ಮಾರಾಟ ಮಾಡಲು ಸಿದ್ಧವಾಗಿರುವುದೆ. ಈ ಹಿನ್ನೆಲೆ ತಯಾರಿಸಿದ ವಿಶೇಷ ಉದ್ದೇಶಿತ ವಾಹನ (SPV) ವನ್ನು ಔಪಚಾರಿಕವಾಗಿ ಮುಕ್ತಾಯಗೊಳಿಸುವುದು ಅಗತ್ಯವಾಗಿದೆ.

English summary

Union Cabinet may consider the proposal to winding up Sethusamudram Corporation Ltd (SCL) on June 1.