ಯಾರಿಗುಂಟು ಯಾರಿಗಿಲ್ಲ, 599 ರೂ. ಗೆ ವಿಮಾನ ಪ್ರಯಾಣ

ಮುಂಬೈ, , ಫೆ. 11: ವಿಮಾನ ಪ್ರಯಾಣ ದರ ರೈಲಿಗಿಂತ ಕಡಿಮೆ! ಕೇವಲ 599 ರೂ. ನೀಡಿ ದೇಶದ ಒಳಗೆ ವಿಮಾನದಲ್ಲಿ ಸಂಚರಿಸಬಹುದು. ಹೌದು... ಈ ಇಂಥದ್ದೊಂದು ಕೊಡುಗೆಯನ್ನು ಸ್ಪೈಸ್ ಜೆಟ್ ನೀಡಿದೆ.

ದರ ಸಮರಕ್ಕೆ ನಾಂದಿ ಹಾಡಿರುವ ಸ್ಪೈಸ್ ಜೆಟ್ ಕೇವಲ 599 ರೂ.ಗೆ ದೇಶದ ಒಳಗಡೆ ವಿಮಾನ ಪ್ರಯಾಣದ ಯೋಗ ನೀಡಿದೆ. ಈ ಹಿಂದೆ ಪ್ರೇಮಿಗಳ ದಿನಕ್ಕೆ 1,599 ರೂ. ನೀಡಿ ವಿಮಾನ ಏರಿ ಎಂದಿದ್ದ ಸಂಸ್ಥೆ ಈಗ ಒಂದು ಸಾವಿರ ರೂ. ಕಡಿಮೆ ಮಾಡಿ ಒನ್ ವೇ ಪ್ರಯಾಣಕ್ಕೆ ಅವಕಾಶ ಕಲ್ಪಿಸಿದೆ. 3,499 ರೂ. ದೇಶದಿಂದ ದೇಶಕ್ಕೂ ಹಾರಾಡಬಹುದು.[ಪ್ರೇಮಿಗಳ ದಿನದಂದು ಸ್ಪೈಸ್ ಜೆಟ್ ನಲ್ಲಿ ಹಾರಾಡಿ]

ಟು ವೇ ಬುಕಿಂಗ್ ಗೆ ಮಾತ್ರ ವಿಮಾನಯಾನ ಕಂಪನಿಗಳು ರಿಯಾಯಿತಿ ನೀಡುತ್ತಿದ್ದವು. ಆದರೆ ಈಗ ಸ್ಪೈಸ್ ಜೆಟ್ ಎಲ್ಲ ದಾಖಲೆಗಳನ್ನು ಮುರಿದು ಹೊಸ ಸಂಪ್ರದಾಯ ಆರಂಭಿಸಿದೆ. ಜುಲೈ 1 ರಿಂದ ಅಕ್ಟೋಬರ್ 24 ರವರೆಗೆ ಪ್ರಯಾಣಿಸುವವರಿಗೆ ಈ ದರ ಲಭ್ಯವಾಗಲಿದೆ. ಟಿಕೆಟ್ ಬುಕಿಂಗ್ ಫೆಬ್ರವರಿ 13 ರವರೆಗೆ ಲಭ್ಯವಿರುತ್ತದೆ ಎಂದು ಕಂಪನಿ ತಿಳಿಸಿದೆ.[1,499 ರೂ. ಕೊಟ್ಟರೆ ಇಂಡಿಗೋ ವಿಮಾನ ಏರಬಹುದು]

ಬೇಸಿಗೆ ಹಿನ್ನೆಲೆಯಲ್ಲಿ ಗ್ರಾಹಕರನ್ನು ಮತ್ತು ಪ್ರವಾಸಿಗರನ್ನು ಆಕರ್ಷಿಸಲು ವಿಮಾನ ಯಾನ ಸಂಸ್ಥೆಗಳು ದರ ಸಮರಕ್ಕೆ ಮುಂದಾಗಿದ್ದು ನಾಳೆ ಮತ್ತೊಂದು ಕಂಪನಿ ದರ ಕಡಿಮೆ ಮಾಡಿದರೂ ಆಶ್ಚರ್ಯವಿಲ್ಲ.

English summary

Low-cost carrier SpiceJet has launched another discount offer with fares starting at Rs 599 (all inclusive) for domestic flights and Rs 3,499 for international flights.