• search

ಡಾಲರ್ ಎದುರು ರೂಪಾಯಿ ಮೌಲ್ಯ 72.66ಕ್ಕೆ ಕುಸಿತ

Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ನವದೆಹಲಿ, ಸೆಪ್ಟೆಂಬರ್ 10: ಡಾಲರ್ ಎದುರು ರೂಪಾಯಿ ಮೌಲ್ಯ ಸೋಮವಾರ ಮತ್ತೆ ತೀವ್ರ ಕುಸಿತ ಕಂಡಿದ್ದು, ಅದನ್ನು ನಿಯಂತ್ರಿಸುವ ಪ್ರಯತ್ನಗಳು ಫಲ ನೀಡುತ್ತಿಲ್ಲ.

    ಸೋಮವಾರ ಪ್ರತಿ ಡಾಲರ್‌ಗೆ ರೂಪಾಯಿ ಮೌಲ್ಯ 72.66 ಕ್ಕೆ ತಲುಪಿದ್ದು, ಸಾರ್ವಕಾಲಿಕ ದಾಖಲೆಯಾಗಿದೆ.

    ಹಿಂದಿನ ದಿನ 71.73 ರೂ.ನೊಂದಿಗೆ ಅಂತ್ಯಗೊಂಡಿದ್ದ ರೂಪಾಯಿ ಮೌಲ್ಯ, ಸೋಮವಾರ 72.15 ರೂ.ದೊಂದಿಗೆ ಆರಂಭಗೊಂಡಿತು.

    ಪೆಟ್ರೋಲ್ ಬೆಲೆ ಏರಿಕೆ: ಕಾರಣ ಬಿಚ್ಚಿಟ್ಟ ಧರ್ಮೇಂದ್ರ ಪ್ರಧಾನ್

    ಇತರೆ ವಿದೇಶಿ ಕರೆನ್ಸಿಗಳ ಎದುರು ಡಾಲರ್ ಬಲಗೊಂಡಿದ್ದು, ಅಮೆರಿಕದ ಕರೆನ್ಸಿಗೆ ಬೇಡಿಕೆ ಹೆಚ್ಚಾಗುತ್ತಿರುವುದರಿಂದ ರೂಪಾಯಿ ಮೌಲ್ಯದಲ್ಲಿ ಭಾರಿ ಕುಸಿತವಾಗುತ್ತಿದೆ.

    ಡಾಲರ್ ಮೇಲಿನ ಗಾಬರಿಯಿಂದ ದೇಶದ ಬಾಗಿಲು ಮುಚ್ಚಿದರೆ ಹೇಗೆ 'ಸ್ವಾಮಿ'?

    ಅಮರಿಕದ ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತಕ್ಕೆ ಸಂಬಂಧಿಸಿದ ಕೆಲವು ಅಂಶಗಳು ಇಲ್ಲಿವೆ.

    ಅಮೆರಿಕದ ಡಾಲರ್‌ಗೆ ಬೇಡಿಕೆ

    ಅಮೆರಿಕದ ಡಾಲರ್‌ಗೆ ಬೇಡಿಕೆ

    ವಿದೇಶಿ ವಿನಿಮಯ ಡೀಲರ್‌ಗಳ ಪ್ರಕಾರ ಕಚ್ಚಾ ತೈಲದ ಬೆಲೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ತೈಲ ಆಮದುದಾರರು, ಮುಖ್ಯವಾಗಿ ಸಂಸ್ಕರಣಾಗಾರಗಳು ಅಮೆರಿಕದ ಡಾಲರ್‌ಗೆ ಹೆಚ್ಚು ಬೇಡಿಕೆ ಇರಿಸಿದ್ದಾರೆ. ಅಲ್ಲದೆ, ಬಂಡವಾಳ ಹೂಡಿಕೆ, ವಿದೇಶಿ ನಿಧಿ ಹೊರಹೋಗುವಿಕೆ ಕಾರಣದಿಂದ ದೇಶಿ ಕರೆನ್ಸಿ ಮೇಲೆ ಭಾರ ಹೆಚ್ಚಾಗಿದೆ.

    ರಿಸರ್ವ್ ಬ್ಯಾಂಕ್ ಪ್ರಯತ್ನ

    ರಿಸರ್ವ್ ಬ್ಯಾಂಕ್ ಪ್ರಯತ್ನ

    ಅಮೆರಿಕ-ಚೀನಾ ನಡುವೆ ವ್ಯಾಪಾರ ಸಂಘರ್ಷವನ್ನು ತೀವ್ರವಾಗುವ ಭೀತಿ ಮೂಡಿರುವುದರಿಂದ ಅಮೆರಿಕ ಡಾಲರ್ ತನ್ನ ಪ್ರತಿಸ್ಪರ್ಧಿ ಕರೆನ್ಸಿಗಳಿಗಿಂತ ಬಲಗೊಂಡಿದೆ. ಇದು ರೂಪಾಯಿ ಮೇಲೆಯೂ ಒತ್ತಡ ಸೃಷ್ಟಿಸಿದೆ.

    ಶುಕ್ರವಾರದ ನಡೆಗೆ ವಿರುದ್ಧವಾಗಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ವಿದೇಶಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್‌ಗಳ ಮಾರಾಟವನ್ನು ನಿಧಾನಗೊಳಿಸಿದೆ ಎಂದು ಡೀಲರ್‌ಗಳು ತಿಳಿರುವುದಾಗಿ ವರದಿಯಾಗಿದೆ.

    ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತ ಮಾಮೂಲೆಂದ ಅರುಣ್ ಜೇಟ್ಲಿ

    ಶೇ 8.12ಕ್ಕೆ ತಲುಪಿದ ಬಾಂಡ್ ಯೀಲ್ಡ್

    ಶೇ 8.12ಕ್ಕೆ ತಲುಪಿದ ಬಾಂಡ್ ಯೀಲ್ಡ್

    ಕಚ್ಚಾ ತೈಲದ ಬೆಲೆ ಏರಿಕೆ ಸಮಸ್ಯೆ ಮತ್ತು ರೂಪಾಯಿ ಮೌಲ್ಯ ದುರ್ಬಲದ ಕಾರಣಗಳಿಂದ ಹಣದುಬ್ಬರ ಉಂಟಾಗುವ ಭಯ ಮೂಡಿದ್ದು, 10 ವರ್ಷಗಳ ಬಾಂಡ್ ಯೀಲ್ಡ್ 2014ರಿಂದ ಅತ್ಯಧಿಕ ಮಟ್ಟಕ್ಕೆ ತಲುಪಿದೆ.

    * 10 ವರ್ಷದ ಬಾಂಡ್ ಯೀಲ್ಡ್ ಶೇ 8.12ಕ್ಕೆ ತಲುಪಿದೆ. 2018ರ ನವೆಂಬರ್ 28ರಿಂದ ಇದುವರೆಗಿನ ಅತ್ಯಧಿಕ ಮಟ್ಟವಾಗಿದೆ. 10 ವರ್ಷದ ಬಾಂಡ್ ಯೀಲ್ಡ್ ಶುಕ್ರವಾರ ಶೇ 8.03ನೊಂದಿಗೆ ಅಂತ್ಯಗೊಂಡಿತ್ತು.

    26 ಪಾಯಿಂಟ್‌ ಏರಿಕೆ

    26 ಪಾಯಿಂಟ್‌ ಏರಿಕೆ

    ಶುಕ್ರವಾರ ಡಾಲರ್ ಎದುರು ರೂಪಾಯಿ 26 ಪಾಯಿಂಟ್‌ಗಳಷ್ಟು ಏರಿಕೆಯಾಗಿ 71.76 ದರಕ್ಕೆ ತಲುಪಿತ್ತು. ಏಳು ದಿನಗಳ ಇಳಿಕೆ ಬಳಿಕ ಅಮೆರಿಕದ ಕರೆನ್ಸಿ ಎದುರು ರೂಪಾಯಿ ಮೌಲ್ಯ ತುಸು ಚೇತರಿಸಿಕೊಂಡಿತ್ತು.

    * ವಿದೇಶ ವಿನಿಮಯ ಮಾರುಕಟ್ಟೆಯಲ್ಲಿ ಶುಕ್ರವಾರ ರಿಸರ್ವ್ ಬ್ಯಾಂಕ್ ತೀವ್ರ ಮಧ್ಯಪ್ರದೇಶ ಮಾಡಿತು. ಡಾಲರ್ ಮೊತ್ತದ ಎದುರು ರೂಪಾಯಿ ಮೌಲ್ಯ 72ಕ್ಕಿಂತ ಹೆಚ್ಚಾಗದಂತೆ ತಡೆಯಲು ಪ್ರಯತ್ನ ನಡೆಸಿತ್ತು.

    ಷೇರು ಮಾರುಕಟ್ಟೆ ವಹಿವಾಟು ಕುಸಿತ

    ಷೇರು ಮಾರುಕಟ್ಟೆ ವಹಿವಾಟು ಕುಸಿತ

    ಏಷ್ಯಾದ ಕರೆನ್ಸಿಗಳ ನಕಾರಾತ್ಮಕ ಸ್ಥಿತಿಯ ನಡುವೆಯೇ ಈಕ್ವಿಟಿ ಇಂಡಿಸೆಸ್ ವಾರವನ್ನು ಹಿನ್ನಡೆಯೊಂದಿಗೆ ಆರಂಭಿಸಿದೆ. ಬೆಳಿಗ್ಗೆ 9.45ರ ಸಮಯದಲ್ಲಿ ಎಸ್‌ ಆಂಡ್ ಪಿ ಬಿಎಸ್‌ಇ ಸೆನ್ಸೆಕ್ಸ್ 38,218.03 ವಹಿವಾಟಿನೊಂದಿಗೆ 171.79 ಅಂಶಗಳಷ್ಟು ಅಂದರೆ, ಶೇ 0.45 ರಷ್ಟು ಕುಸಿತ ಕಂಡಿತು. 11,539.75 ರಲ್ಲಿದ್ದ ನಿಫ್ಟಿ, 49.35 ಅಂಶಗಳಷ್ಟು (ಶೇ 0.43) ಇಳಿಕೆ ಕಂಡಿತು.

    ಅಮೆರಿಕ-ಚೀನಾ ವ್ಯಾಪಾರ ಸಂಘರ್ಷ

    ಅಮೆರಿಕ-ಚೀನಾ ವ್ಯಾಪಾರ ಸಂಘರ್ಷ

    ಡಾಲರ್‌ ಬೇಡಿಕೆ ಹೆಚ್ಚುತ್ತಿರುವಂತೆಯೇ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಚೀನಾದೊಂದಿಗೆ ವ್ಯಾಪಾರ ವಿವಾದದ ಕಾವನ್ನು ಇನ್ನಷ್ಟು ಹೆಚ್ಚಿಸಿದ್ದಾರೆ. ಇದರಿಂದ ಸತತ ಎಂಟನೇ ದಿನ ಏಷ್ಯಾದ ಕರೆನ್ಸಿಗಳು ಕುಸಿತದೊಂದಿಗೆ ಆರಂಭವಾಗಿವೆ.

    * ಇರಾನ್‌ನ ಕಚ್ಚಾ ತೈಲದ ರಫ್ತಿನ ಮೇಲೆ ಅಮೆರಿಕ ಹೇರಿರುವ ನಿರ್ಬಂಧಗಳು ನವೆಂಬರ್‌ನಿಂದ ಜಾರಿಯಾಗುತ್ತಿದ್ದು, ಈ ಪರಿಸ್ಥಿತಿಯ ಮೇಲೆ ದೇಶಿ ಮಾರುಕಟ್ಟೆಗಳು ಕಣ್ಣಿಟ್ಟಿವೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Indian Rupee on Monday crashed to a new record low of 72.32 against US Dollar. 10 points related to Rupee and Dollar market.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more