ಡಾಲರ್ ಎದುರು 70.82 ರೂ.ಗೆ ಕುಸಿದ ರೂಪಾಯಿ ಮೌಲ್ಯ

Published: Thursday, August 30, 2018, 10:17 [IST]

ನವದೆಹಲಿ, ಆಗಸ್ಟ್ 30: ಡಾಲರ್ ಎದುರು ರೂಪಾಯಿ ಮೌಲ್ಯ ದಾಖಲೆಯ ಮಟ್ಟಕ್ಕೆ ಕುಸಿದಿದೆ. ಹಲವು ವಾರಗಳಿಂದ ರೂಪಾಯಿ ಮೌಲ್ಯ ಕಳೆದುಕೊಳ್ಳುತ್ತಿದ್ದು, ಚೇತರಿಕೆಯ ಲಕ್ಷಣಗಳು ಕಂಡುಬರುತ್ತಿಲ್ಲ.

ಗುರುವಾರ ಬೆಳಿಗ್ಗೆ ಡಾಲರ್ ಎದುರು 70.63 ರೂ. ನಷ್ಟಿದ್ದ ರೂಪಾಯಿ ಮೌಲ್ಯ, ಕೆಲವೇ ಸಮಯಗಳಲ್ಲಿ 70.82ಕ್ಕೆ ಕುಸಿದಿದೆ.

ರೂಪಾಯಿ ಮೌಲ್ಯದ ಕುಸಿತದಿಂದ ಷೇರುಪೇಟೆಯಲ್ಲಿ ತಳಮಳ ಶುರುವಾಗಿದೆ. ಇದರ ಪರಿಣಾಮ ವ್ಯಾಪಾರ ವಹಿವಾಟಿನ ಮೇಲಾಗುತ್ತಿದ್ದು, ಬೆಲೆ ಏರಿಕೆಯ ಭೀತಿ ಎದುರಾಗಿದೆ.

ಬುಧವಾರ ಸಂಜೆ ಇತಿಹಾಸದಲ್ಲಿಯೇ ಮೊದಲ ಬಾರಿಗೆ ರೂಪಾಯಿ ಮೌಲ್ಯ 70.59ಕ್ಕೆ ಕುಸಿದಿತ್ತು. ಈ ವರ್ಷ ಇದುವರೆಗೂ ರೂಪಾಯಿ ಮೌಲ್ಯ ಶೇ 10ರಷ್ಟು ಕುಸಿದಿದ್ದು, ಏಷ್ಯಾದಲ್ಲಿಯೇ ಕರೆನ್ಸಿಯೊಂದರ ಕಳಪೆ ಸ್ಥಿತಿ ಇದಾಗಿದೆ.