ವಿಶ್ವದಲ್ಲಿಯೇ ಅತಿ ಶ್ರೀಮಂತ ವ್ಯಕ್ತಿ ಯಾರು? ಇಲ್ಲಿದೆ ನೋಡಿ ಪಟ್ಟಿ

ವಿಶ್ವದ ಬಿಲಿಯನೇರ್‌ಗಳ ಪಟ್ಟಿ ಅಥವಾ ರಿಯಲ್-ಟೈಮ್ ಬಿಲಿಯನೇರ್‌ಗಳ ಪಟ್ಟಿಯು ಅವರ ದಾಖಲಾದ ನಿವ್ವಳ ಮೌಲ್ಯದ ಆಧಾರದ ಮೇಲೆ ವಿಶ್ವದ ಶ್ರೀಮಂತ ಬಿಲಿಯನೇರ್‌ಗಳ ವಾರ್ಷಿಕ ಶ್ರೇಯಾಂಕವಾಗಿದೆ. ಇದನ್ನು ಪ್ರತಿ ಮಾರ್ಚ್‌ನಲ್ಲಿ ಫೋರ್ಬ್ಸ್ ಮ್ಯಾಗಜೀನ್ ನಿರ್ಮಿಸಿ ಪ್ರಕಟಿಸುತ್ತದೆ. ಈ ಶ್ರೇಯಾಂಕದ ಮೊದಲ ಆವೃತ್ತಿಯನ್ನು 1987 ರಲ್ಲಿ ಪ್ರಕಟಿಸಲಾಯಿತು.

ಪ್ರತಿ ವ್ಯಕ್ತಿಯ ನಿವ್ವಳ ಒಟ್ಟು ಮೌಲ್ಯವನ್ನು ಅವರ ವರದಿ ಮಾಡಿದ ಆಸ್ತಿಗಳ ಆಧಾರದ ಮೇಲೆ ಅಂದಾಜು ಮಾಡಲಾಗುತ್ತದೆ. ಅಲ್ಲದೇ ಸಾಲ ಮತ್ತು ಇತರ ಪರಿಗಣನೆಗಳಿಗೆ ಲೆಕ್ಕ ಹಾಕಲಾಗುತ್ತದೆ. ಶ್ರೇಯಾಂಕವು ಪ್ರತಿ ವ್ಯಕ್ತಿಯ ನಿವ್ವಳ ಒಟ್ಟು ಮೌಲ್ಯವನ್ನು US ಡಾಲರ್‌ಗಳಲ್ಲಿ ಪ್ರಕಟಿಸಿದೆ. ಈ ಶ್ರೇಯಾಂಕಗಳು ಸರ್ವಾಧಿಕಾರಿಗಳನ್ನು ಒಳಗೊಂಡಿಲ್ಲ, ಅವರ ಸಂಪತ್ತನ್ನು ಅವರ ಸ್ಥಾನಮಾನದಿಂದ ಪಡೆಯಲಾಗಿದೆ.

ಎಲಾನ್ ಮಸ್ಕ್

ಹೌದು, ಟ್ವಿಟರ್‌ ಸಿಇಓ ಹಾಗೂ ಉದ್ಯಮಿ ಎಲೋನ್‌ ಮಸ್ಕ್‌ ಮತ್ತೊಮ್ಮೆ ವಿಶ್ವದ ಅತ್ಯಂತ ಸಿರಿವಂತ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ. ಬಿಲಿಯನೇರ್‌ಗಳ ಪಟ್ಟಿಯಲ್ಲಿ ಎಲೋನ್ ಮಸ್ಕ್ ಮೊದಲ ಸ್ಥಾನದಲ್ಲಿದ್ದಾರೆ. ಅವರು $240.7B ನಿವ್ವಳ ಮೌಲ್ಯದೊಂದಿಗೆ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಅವರು ಟೆಲ್ಸಾ ಮತ್ತು ಸ್ಪೇಸ್‌ಎಕ್ಸ್‌ನಿಂದ ತಮ್ಮ ಸಂಪತ್ತಿನ ಗಮನಾರ್ಹ ಭಾಗವನ್ನು ಪಡೆಯುತ್ತಿದ್ದಾರೆ. ಅಕ್ಟೋಬರ್ 2022 ರಲ್ಲಿ $44 ಶತಕೋಟಿಗೆ ಮಸ್ಕ್ ಟ್ವಿಟರ್ ಅನ್ನು ಖರೀದಿಸಿದರು

ಬರ್ನಾರ್ಡ್ ಅರ್ನಾಲ್ಟ್

ಬರ್ನಾರ್ಡ್ ಅರ್ನಾಲ್ಟ್ ಅವರು ವಿಶ್ವದ ಅತಿದೊಡ್ಡ ಐಷಾರಾಮಿ ಸರಕುಗಳ ಕಂಪನಿ "ಮೊಯೆಟ್ ಹೆನ್ನೆಸ್ಸಿ ಲೂಯಿ ವಿಟಾನ್ (LVMH) ನ ಸಿಇಓ ಆಗಿದ್ದು, ಇದು ಸರಿಸುಮಾರು 70 ಪ್ರಸಿದ್ಧ ಫ್ಯಾಷನ್ ಮತ್ತು ಸೌಂದರ್ಯವರ್ಧಕ ಬ್ರ್ಯಾಂಡ್‌ಗಳನ್ನು ಒಳಗೊಂಡಿದೆ. $231.4B ನಿವ್ವಳ ಮೌಲ್ಯದೊಂದಿಗೆ ವಿಶ್ವದ ಅತ್ಯಂತ ಎರಡನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಇನ್ನೂ ಆರ್ನಾಲ್ಟ್ ಅವರ ಐದು ಮಕ್ಕಳು ವಿಸ್ತಾರವಾದ LVMH ಸಾಮ್ರಾಜ್ಯದ ವಿವಿಧ ಕ್ಷೇತ್ರಗಳಿಗೆ ತಮ್ಮದೇ ಆದ ಕೊಡುಗೆ ನೀಡುತ್ತಾರೆ.

ಜೆಫ್ ಬೆಜೋಸ್

ಜೆಫ್ ಬೆಜೋಸ್ ಅವರು ಅಮೆಜಾನ್ ಸಂಸ್ಥಾಪಕರಾಗಿದ್ದು, ವಿಶ್ವದ ಅತಿ ಶ್ರೀಮಂತ ವ್ಯಕ್ತಿಗಳ ಪೈಕಿ ಮೂರನೇ ಸ್ಥಾನವನ್ನ ಪಡೆದುಕೊಂಡಿದ್ದಾರೆ. ಬೆಜೋಸ್ ಅವರು ದಿ ವಾಷಿಂಗ್ಟನ್ ಪೋಸ್ಟ್ ಮತ್ತು ಬ್ಲೂ ಒರಿಜಿನ್ ಎಂಬ ಹೆಸರಿನ ಏರೋಸ್ಪೇಸ್ ಕಂಪನಿಯನ್ನು ಹೊಂದಿದ್ದಾರೆ.

ಲ್ಯಾರಿ ಎಲಿಸನ್

ಬಿಲಿಯನೇರ್ ಪಟ್ಟಿಯಲ್ಲಿ ಲ್ಯಾರಿ ಎಲಿಸನ್ 4 ನೇ ಸ್ಥಾನವನ್ನು ಹೊಂದಿದ್ದಾರೆ. ಲ್ಯಾರಿ ಎಲಿಸನ್ $146.1B ನಿವ್ವಳ ಮೌಲ್ಯವನ್ನ ಹೊಂದಿದ್ದು, ಸಾಫ್ಟ್‌ವೇರ್ ಒರಾಕಲ್‌ನ 35% ಅನ್ನು ಹೊಂದಿದ್ದು, ಮುಖ್ಯ ತಂತ್ರಜ್ಞಾನ ಅಧಿಕಾರಿ, ಅಧ್ಯಕ್ಷ ಮತ್ತು ಸಹ-ಸಂಸ್ಥಾಪಕರಾಗಿದ್ದಾರೆ. 2014 ರಲ್ಲಿ ಒರಾಕಲ್‌ನಲ್ಲಿ ಸಿಇಒ ಸ್ಥಾನವನ್ನು ತೊರೆದರು.ಅವರು ಹವಾಯಿಯನ್ ಐಲ್ಯಾಂಡ್ ಲಾನೈಗೆ ಶಾಶ್ವತವಾಗಿ ಸ್ಥಳಾಂತರಗೊಂಡರು ಮತ್ತು ಅದನ್ನು $300 ಮಿಲಿಯನ್‌ಗೆ ಖರೀದಿಸಿದರು.

ಬಿಲ್ ಗೇಟ್ಸ್

ಬಿಲ್ ಗೇಟ್ಸ್ ಅವರು ಬಿಲಿಯನೇರ್ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದ್ದಾರೆ. ಇವರು $119.3B ನಿವ್ವಳ ಮೌಲ್ಯವನ್ನ ಹೊಂದಿದ್ದು, ಅವರು ಮೈಕ್ರೋಸಾಫ್ಟ್ನಿಂದ ಸಂಪತ್ತಿನ ಗಮನಾರ್ಹ ಭಾಗವನ್ನು ಪಡೆಯುತ್ತಾರೆ. 1975 ರಲ್ಲಿ ಪಾಲ್ ಅಲೆನ್ ಅವರೊಂದಿಗೆ ಮೈಕ್ರೋಸಾಫ್ಟ್ ಅನ್ನು ಸಹ-ಸ್ಥಾಪಿಸಿದರು ಮತ್ತು ಮಾರ್ಚ್ 2020 ರ ಹೊತ್ತಿಗೆ ಸಾಫ್ಟ್‌ವೇರ್ ಕಂಪನಿಯ 1% ಪಾಲನ್ನು ಮಾತ್ರ ಹೊಂದಿದ್ದಾರೆ. ಬಿಲ್ ಗೇಟ್ಸ್ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಕೃಷಿಭೂಮಿಯ ಅತಿದೊಡ್ಡ ಮಾಲೀಕರಾಗಿದ್ದಾರೆ. ಮತ್ತು ಕೆನಡಿಯನ್ ನ್ಯಾಷನಲ್ ರೈಲ್ವೇ ಮತ್ತು ಆಟೋನೇಷನ್‌ನಂತಹ ವಿವಿಧ ಕಂಪನಿಗಳಲ್ಲಿ ಹೂಡಿಕೆ ಮಾಡಿದ್ದಾರೆ.

ವಾರೆನ್ ಬಫೆಟ್

ಇತಿಹಾಸದ ಅತ್ಯಂತ ನಿಪುಣ ಹೂಡಿಕೆದಾರರಲ್ಲಿ ಒಬ್ಬರಾದ ವಾರೆನ್ ಬಫೆಟ್ ವಿಶ್ವದ ಆರನೇ ಅತ್ಯಂತ ಶ್ರೀಮಂತ ವ್ಯಕ್ಯಿಯಾಗಿದ್ದಾರೆ. $117.4B ನಿವ್ವಳ ಮೌಲ್ಯವನ್ನು ಇವರು ಹೊಂದಿದ್ದಾರೆ. ಅಲ್ಲದೇ ಬರ್ಕ್‌ಷೈರ್ ಹ್ಯಾಥ್‌ವೇ ಮುಖ್ಯಸ್ಥರಾಗಿದ್ದಾರೆ , ವಿಮಾ ಪೂರೈಕೆದಾರ ಗೈಕೊ, ಬ್ಯಾಟರಿ ತಯಾರಕ ಡ್ಯುರಾಸೆಲ್ ಮತ್ತು ರೆಸ್ಟೋರೆಂಟ್ ಸರಪಳಿ ಡೈರಿ ಕ್ವೀನ್‌ನಂತಹ ಹಲವಾರು ಕಂಪನಿಗಳನ್ನು ಒಳಗೊಂಡಿರುವ ವೈವಿಧ್ಯಮಯ ಬಂಡವಾಳವನ್ನು ಹೊಂದಿರುವ ಹೂಡಿಕೆ ಸಂಘಟಿತರಾಗಿದ್ದಾರೆ.

ಮಾರ್ಕ್ ಜುಕರ್‌ಬರ್ಗ್

ಒಬ್ಬ ಅಮೇರಿಕನ್ ಬಿಲಿಯನೇರ್ ಉದ್ಯಮಿ, ಕಂಪ್ಯೂಟರ್ ಪ್ರೋಗ್ರಾಮರ್, ಇಂಟರ್ನೆಟ್ ಉದ್ಯಮಿಯಾದ ಮಾರ್ಕ್ ಜುಕರ್‌ಬರ್ಗ್ ವಿಶ್ವದ ಶ್ರೀಮಂತ ವ್ಯಕ್ತಿಗಳ ಪಟ್ಟಿಯಲ್ಲಿ ಏಳನೇ ಸ್ಥಾನವನ್ನ ಅಲಂಕರಿಸಿದ್ದಾರೆ. ಇವರು $115.2B ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ.

ಲ್ಯಾರಿ ಪೇಜ್

ಲ್ಯಾರಿ ಪೇಜ್ ಅಮೆರಿಕದ ಬಿಲಿಯನೇರ್ ಉದ್ಯಮಿ. ಅವರು ಸೆರ್ಗೆನ್ ಬ್ರಿನ್ ಅವರೊಂದಿಗೆ ಗೂಗಲ್‌ನ ಸಹ-ಸಂಸ್ಥಾಪಕರಾಗಿದ್ದಾರೆ. ಇವರು $111.9B ನಿವ್ವಳ ಮೌಲ್ಯವನ್ನ ಹೊಂದಿದ್ದಾರೆ.

ಸೆರ್ಗೆ ಬ್ರಿನ್

ಲ್ಯಾರಿ ಪೇಜ್ ಜೊತೆಗೆ ಗೂಗಲ್‌ನ ಸಹ-ಸಂಸ್ಥಾಪಕರಾಗಿರುವ ಸೆರ್ಗೆ ಬ್ರಿನ್ ಅವರು $106.2B ನಿವ್ವಳ ಮೌಲ್ಯವನ್ನ ಹೊಂದಿದ್ದಾರೆ. ಇನ್ನೂ ವಿಶ್ವದ ಶ್ರೀಮಂತ ನಾಯಕರ ಪೈಕಿ 10 ನೇ ಸ್ಥಾನ ಪಡೆದಿರುವ ಸ್ಟೀವ್ ಬಾಲ್ಮರ್ ಅವರು $103.4B ನಿವ್ವಳ ಮೌಲ್ಯವನ್ನ ಹೊಂದಿದ್ದಾರೆ. ಇನ್ನೂ ಇವರು 2000 ರಿಂದ 2014 ರವರೆಗೆ ಮೈಕ್ರೋಸಾಫ್ಟ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದಾರೆ. ಅಲ್ಲದೇ ನ್ಯಾಷನಲ್ ಬಾಸ್ಕೆಟ್‌ಬಾಲ್ ಅಸೋಸಿಯೇಷನ್‌ನ ಲಾಸ್ ಏಂಜಲೀಸ್ ಕ್ಲಿಪ್ಪರ್ಸ್‌ನ ಮಾಲೀಕರಾಗಿದ್ದಾರೆ.

English summary

Elon Musk stands on the first position in the list of Richest Man in the World.