ಸತತ ಏರಿಕೆಯ ಬಳಿಕ ಇಂದು ಕಚ್ಚಾ ತೈಲ ಬೆಲೆ ಕುಸಿತ
ವಾಷಿಂಗ್ಟನ್, ಫೆಬ್ರವರಿ 11: ತೈಲ ದರಗಳು ಸತತ ಏರಿಕೆಯ ನಡುವೆ ಗುರುವಾರ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆ ಕುಸಿದಿದೆ. ಸೌದಿ ಅರೇಬಿಯಾದಂತಹ ಉತ್ಪಾದಕರು ಉತ್ಪಾದನೆಯನ್ನು ಕಡಿಮೆ ಮಾಡಲು ಪ್ರಚೋದಿಸುತ್ತದೆ ಎಂಬ ಊಹಾಪೋಹಗಳಿಂದಾಗಿ ಗುರುವಾರ ಕಚ್ಚಾ ತೈಲ ಬೆಲೆ ಕುಸಿದಿದೆ.
ಪೆಟ್ರೋಲಿಯಂ ರಫ್ತು ಮಾಡುವ ದೇಶಗಳ ಸಂಘಟನೆ ಮತ್ತು ಅದರ ಮಿತ್ರ ರಾಷ್ಟ್ರಗಳು ಇತ್ತೀಚಿನ ದಿನಗಳಲ್ಲಿ ಬಲವಾದ ತೈಲ ಬೆಲೆ ಏರಿಕೆ ಕಂಡ ನಂತರ, ಬ್ರೆಂಟ್ ಕಚ್ಚಾ ತೈಲವು ಜನವರಿಯಿಂದ ಇತ್ತೀಚೆಗೆ ಗರಿಷ್ಠ ಮಟ್ಟವನ್ನು ತಲುಪಿದ ನಂತರ 40 ಸೆಂಟ್ಸ್ ಅಥವಾ ಶೇಕಡಾ 0.7ರಷ್ಟು ತಗ್ಗಿ ಬ್ಯಾರೆಲ್ಗೆ 61.07 ಡಾಲರ್ಗೆ ತಲುಪಿದೆ.
ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳು 2021 ರ ಜನವರಿ 6 ರಿಂದ ಸುಮಾರು ಒಂದು ತಿಂಗಳವರೆಗೆ ಬದಲಾಗದೆ ಉಳಿದುಕೊಂಡಿವೆ. ಜಾಗತಿಕ ಕಚ್ಚಾ ತೈಲ ಬೆಲೆಗಳ ಪೈಪೋಟಿ ಮಧ್ಯೆ ಇಂಧನ ದರ ಹೆಚ್ಚಾಗಿದೆ. ಕೋವಿಡ್-19 ಲಸಿಕೆ ವಿಶ್ವದಾದ್ಯಂತ ಪ್ರಾರಂಭವಾಗಿರುವುದು ಕೂಡ ಮತ್ತೊಂದು ಕಾರಣವಾಗಿದೆ.
ಅಮೆರಿಕಾ ಕಚ್ಚಾ ತೈಲ ಬ್ಯಾರೆಲ್ಗೆ 35 ಸೆಂಟ್ಸ್ ಅಥವಾ ಶೇಕಡಾ 0.6ರಷ್ಟು ಇಳಿದು, 58.33 ಡಾಲರ್ಗೆ ತಲುಪಿದೆ. ಕಳೆದ ವಾರ ಕಚ್ಚಾ ದಾಸ್ತಾನು ಸತತ ಮೂರನೇ ವಾರ ಕುಸಿದಿದ್ದು, 6.6 ದಶಲಕ್ಷ ಬ್ಯಾರೆಲ್ಗಳಿಂದ 469 ದಶಲಕ್ಷ ಬ್ಯಾರೆಲ್ಗೆ ಇಳಿದಿದೆ. ಇದು ಕಳೆದ ಮಾರ್ಚ್ ನಂತರ ದಾಖಲಾದ ಅತ್ಯಂತ ಕಡಿಮೆ ಪ್ರಮಾಣವಾಗಿದೆ ಎನ್ನಲಾಗಿದೆ.
Click it and Unblock the Notifications
Sign in with Google