ಇನ್ನು ಮುಂದೆ ಮಕ್ಕಳೇ ಉಳಿತಾಯ ಖಾತೆ ತೆರೆಯಬಹುದು!
ಭಾರತೀಯ ರಿಸರ್ವ್ ಬ್ಯಾಂಕ್ ಈ ಮಹತ್ವದ ಸೂಚನೆಯನ್ನು ಹೊರಡಿಸಿದ್ದು, 10 ವರ್ಷ ದಾಟಿದ ಮಕ್ಕಳು ಬ್ಯಾಂಕಿಂಗ್ ವಹಿವಾಟು ನಡೆಸಲು ಸಮರ್ಥರಿದ್ದಾರೆ. ಇಂಟರ್ನೆಟ್ ಬ್ಯಾಂಕಿಂಗ್, ಚೆಕ್ ಬುಕ್, ಎಟಿಎಂ ಸೇರಿದಂತೆ ಬ್ಯಾಂಕ್ನ ಸೇರಿದಂತೆ ಇತರೆ ಬ್ಯಾಂಕಿಂಗ್ ಸೌಲಭ್ಯಗಳನ್ನು ಪಡೆಯಲು ಅರ್ಹರು ಎಂದು ಆರ್ಬಿಐ ಹೇಳಿದೆ.
ಆರ್ಬಿಐ ಈ ಸಂಬಂಧ ಎಲ್ಲಾ ಬ್ಯಾಂಕುಗಳಿಗೆ ಪರಿಷ್ಕೃತ ಮಾರ್ಗಸೂಚಿ ಪ್ರಕಟಿಸಿದೆ. ಇಲ್ಲಿಯವರೆಗೆ 18 ವರ್ಷ ಒಳಗಿನ ಅಪ್ರಾಪ್ತ ವಯಸ್ಕರು ತಾಯಿಯನ್ನು ಪೋಷಕರು ಎಂದು ಪರಿಗಣಿಸಿ ಸ್ಥಿರ ಠೇವಣಿ ಅಥವಾ ಉಳಿತಾಯ ಖಾತೆಯನ್ನು ತೆರೆಯಬೇಕಿತ್ತು. ಈಗ ಈ ನಿಯಮಾವಳಿಗೆ ತಿದ್ದುಪಡಿ ತಂದಿದ್ದು ಮಕ್ಕಳು ಸ್ವತಂತ್ರವಾಗಿ ಉಳಿತಾಯ / ಮರುಕಳಿಸುವ / ಸ್ಥಿರ ಖಾತೆಯನ್ನು ತೆರೆಯಬಹುದಾಗಿದೆ.[ಬೇರೆ ಬ್ಯಾಂಕ್ ಎಟಿಎಂಗೆ ಹೋಗೋ ಮುನ್ನ ಓದಿ]
ಒಂದು ವೇಳೆ ಮಕ್ಕಳ ಖಾತೆಗಳನ್ನು ಫೋಷಕರು ನಿರ್ವಹಿಸುತ್ತಿದ್ದರೆ, ಇನ್ನು ಮುಂದೆ ಎಲ್ಲ ವ್ಯವಹಾರಗಳ ಖಾತರಿಗಾಗಿ ಮಕ್ಕಳ ಸಹಿ ಬೇಕಾಗುತ್ತದೆ. ಇದಕ್ಕಾಗಿ ಮಕ್ಕಳ ಸಹಿ ದಾಖಲಿಸಿಕೊಳ್ಳುವಂತೆಯೂ ಆರ್ಬಿಐ ಬ್ಯಾಂಕುಗಳಿಗೆ ಸೂಚಿಸಿದೆ.[ಬ್ಯಾಂಕಿಂಗ್ ಪರೀಕ್ಷೆಗಾಗಿ ಆನ್ಲೈನ್ ಕೋಚಿಂಗ್]
ಮಕ್ಕಳ ಖಾತೆಯಲ್ಲಿ ಕನಿಷ್ಠ ಠೇವಣಿ ಎಷ್ಟಿರಬೇಕು ಎಂಬುದನ್ನು ಆರ್ಬಿಐ ನಿಗದಿಪಡಿಸಿಲ್ಲ. ಈ ವಿಚಾರವನ್ನು ಬ್ಯಾಂಕ್ಗಳ ವಿವೇಚನೆಗೆ ಬಿಟ್ಟಿದ್ದು ಅವುಗಳೇ ಕನಿಷ್ಠ ಠೇವಣಿಯನ್ನು ನಿರ್ಧರಿಸಬಹುದು ಎಂದು ಆರ್ಬಿಐ ಹೇಳಿದೆ.
Click it and Unblock the Notifications
Sign in with Google