ಚೀನಾಕ್ಕೆ ಹೊಡೆತ, ಕಲರ್ ಟಿವಿ ಆಮದಿಗೆ ಭಾರತ ನಿರ್ಬಂಧ
ನವದೆಹಲಿ, ಜುಲೈ 31: ದೇಶಿ ಉತ್ಪನ್ನ, ತಂತ್ರಜ್ಞಾನಕ್ಕೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರವು ಪ್ರಮುಖ ನಿರ್ಧಾರ ಕೈಗೊಂಡಿದೆ. ಕಲರ್ ಟಿವಿ ಆಮದು ಮೇಲೆ ನಿರ್ಬಂಧ ವಿಧಿಸಲಾಗಿದೆ. ಇದರಿಂದ ಚೀನಾ ಸೇರಿದಂತೆ ಹಲವು ದೇಶಗಳಿಗೆ ಭಾರಿ ನಷ್ಟವಾಗಲಿದೆ.
ವಿದೇಶಿ ವ್ಯಾಪಾರ ಪ್ರಧಾನ ನಿರ್ದೇಶನಾಲಯ(ಡಿಜಿಎಫ್ ಟಿ) ಈ ಕುರಿತಂತೆ ಪ್ರಕಟಣೆ ಹೊರಡಿಸಿದೆ. ನಿರ್ಬಂಧಿತ ಪಟ್ಟಿಗೆ ಸೇರಿದ ವಸ್ತುಗಳನ್ನು ಆಮದು ಮಾಡಿಕೊಳ್ಳುವಂತಿಲ್ಲ. ಆಮದು ಮಾಡಿಕೊಳ್ಳಬೇಕಾದರೆ ವಾಣಿಜ್ಯ ಇಲಾಖೆಯಡಿಯಲ್ಲಿರುವ ಡಿಜಿಎಫ್ ಟಿಯಿಂದ ಅನುಮತಿ, ಲೈಸನ್ಸ್ ಅಗತ್ಯ.
ಚೀನಾ ಅಲ್ಲದೆ, ವಿಯೆಟ್ನಾಂ, ಮಲೇಶಿಯಾ, ಹಾಂಗ್ ಕಾಂಗ್, ಕೊರಿಯಾ, ಇಂಡೋನೇಶಿಯಾ, ಥೈಲ್ಯಾಂಡ್ ಹಾಗೂ ಜರ್ಮನಿಯಿಂದ ಹೆಚ್ಚಾಗಿ ಟಿವಿ ಆಮದು ಮಾಡಿಕೊಳ್ಳಲಾಗುತ್ತಿದೆ. 36 ಸೆಂ.ಮೀ ನಿಂದ 105 ಸೆಂ.ಮೀ ತನಕದ ಲಿಕ್ವಿಡ್ ಕ್ರಿಸ್ಟಲ್ ಡಿಸ್ಪ್ಲೇ(ಎಲ್ ಸಿಡಿ) ಟೆಲಿವಿಷನ್ ಸೆಟ್ ಗಳ ಮೇಲೆ ನಿರ್ಬಂಧ ಹೇರಲಾಗಿದೆ.
2019-20ರ ಅವಧಿಯಲ್ಲಿ ಸುಮಾರು 781 ಮಿಲಿಯನ್ ಯುಎಸ್ ಡಾಲರ್ ಮೌಲ್ಯದ ಕಲರ್ ಟಿವಿ ಆಮದು ಮಾಡಿಕೊಳ್ಳಲಾಗಿದೆ. ಈ ಪೈಕಿ ಚೀನಾ ಹಾಗೂ ವಿಯೆಟ್ನಾಂನಿಂದ 428 ಮಿಲಿಯನ್ ಯುಎಸ್ ಡಾಲರ್ ನಷ್ಟು ಮಿಕ್ಕ ಕಡೆಗಳಿಂದ 293 ಮಿಲಿಯನ್ ಯುಎಸ್ ಡಾಲರ್ ವಹಿವಾಟು ನಡೆಸಲಾಗಿದೆ.
ಆಮದು ನಿರ್ಬಂಧದಿಂದ ದೇಶದಲ್ಲಿ ಅಸೆಂಬ್ಲಿಂಗ್ ಟಿವಿಗೆ ಬೇಡಿಕೆ ಹೆಚ್ಚಾಗಲಿದ್ದು, ಉತ್ತಮ ಗುಣಮಟ್ಟದ ಟಿವಿಗಳನ್ನು ನಿರೀಕ್ಷಿಸಬಹುದು ಎಂದು ಪ್ಯಾನಾಸೋನಿಕ್ ಇಂಡಿಯಾ ಸಿಇಒ ಮನೀಶ್ ಶರ್ಮ ಹೇಳಿದ್ದಾರೆ.
Click it and Unblock the Notifications
Sign in with Google