ಎಚ್ ಸಿಎಲ್ ಪಾಲಾದ ಐಬಿಎಂನ ಸಾಫ್ಟ್ ವೇರ್ ಪ್ಯಾಕೇಜ್

Published: Monday, December 10, 2018, 17:47 [IST]

ಬೆಂಗಳೂರು, ಡಿಸೆಂಬರ್ 10: ಭಾರತದ ಪ್ರಮುಖ ಐಟಿ ಕಂಪನಿ ಎಚ್ ಸಿಎಲ್ ಗೆ ಐಬಿಎಂನ ಸಾಫ್ಟ್ ವೇರ್ ಪ್ಯಾಕೇಜ್ ದಕ್ಕಿದೆ. ಐಬಿಎಂ ತನ್ನ ಲೋಟಸ್ ನೋಟ್ ಸೇರಿದಂತೆ ಏಳು ಸಾಫ್ಟ್ ವೇರ್ ಉತ್ಪನ್ನಗಳನ್ನು ಎಚ್ ಸಿಎಲ್ ಗೆ ಮಾರಾಟ ಮಾಡಿದೆ.

ಭಾರತೀಯ ಕಂಪನಿ ಎಚ್ ಸಿಎಲ್ ಗೆ 1.8 ಬಿಲಿಯನ್ ಡಾಲರ್ ಮೌಲ್ಯಕ್ಕೆ ಸಾಫ್ಟ್ ವೇರ್ ಮಾರಾಟವಾಗಿದೆ. ಕಳೆದ ತಿಂಗಳು, ರೆಡ್ ಹ್ಯಾಟ್ ಸಂಸ್ಥೆಯನ್ನು 34 ಬಿಲಿಯನ್ ಡಾಲರ್ ನೀಡಿ ಖರೀದಿಸುತ್ತಿರುವುದಾಗಿ ಐಬಿಎಂ ಘೋಷಿಸಿತ್ತು.

ಇದಾದ ಬಳಿಕ, ಆಪ್ ಸ್ಕ್ಯಾನ್, ಬಿಗ್ ಫಿಕ್ಸ್, ಯೂನಿಕಾ, ಇ ಕಾಮರ್ಸ್ ಟೂಲ್, ಪೋರ್ಟಲ್, ನೋಟ್ಸ್ ಹಾಗೂ ಡೊಮಿನೋ, ವರ್ಕ್ ಸ್ಟ್ರೀಮ್ ಸಂಪರ್ಕಕ್ಕೆ ಸಂಬಂಧಿಸಿದ ಏಳು ವಿವಿಧ ಸಾಫ್ಟ್ ವೇರ್ ಉತ್ಪನ್ನಗಳನ್ನು ಮಾರಾಟ ಮಾಡಿದೆ.