GST collections in October : ಅಕ್ಟೋಬರ್ನಲ್ಲಿ ಜಿಎಸ್ಟಿ ಸಂಗ್ರಹದಲ್ಲಿ ಶೇ 16.6 ಏರಿಕೆ
ನವದೆಹಲಿ, ನ. 01: ಅಕ್ಟೋಬರ್ 2022ರಲ್ಲಿ ಒಟ್ಟು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಆದಾಯವು 1,51,718 ಕೋಟಿಗಳಷ್ಟು ಸಂಗ್ರಹವಾಗಿದೆ. ಅಂದರೆ, ಕಳೆದ ತಿಂಗಳು ಶೇಕಡಾ 16.6 ರಷ್ಟು ಹೆಚ್ಚಳವಾಗಿದೆ.
ಅಕ್ಟೋಬರ್ ತಿಂಗಳ ಜಿಎಸ್ಟಿ ಸಂಗ್ರಹವು ಏಪ್ರಿಲ್ 2022 ರ ಹೆಚ್ಚಿನ ಜಿಎಸ್ಟಿ ಸಂಗ್ರಹದ ಬಳಿಕೆ ಇದುವರೆಗಿನ ಎರಡನೇ ಅತಿ ಗರಿಷ್ಠ ಸಂಗ್ರಹವಾಗಿದೆ ಎಂದು ಹಣಕಾಸು ಸಚಿವಾಲಯ ಮಂಗಳವಾರ ತಿಳಿಸಿದೆ.
ಹಬ್ಬದ ಮಾರಾಟ ಮತ್ತು ಉತ್ತಮ ತೆರಿಗೆ ಆಡಳಿತದಿಂದ ಈ ವರ್ಷ ಅಕ್ಟೋಬರ್ನಲ್ಲಿ 1,51,718 ಕೋಟಿ ರೂ. ಜಿಎಸ್ಟಿ ಸಂಗ್ರಹವಾಗಿದೆ. ಇದರಲ್ಲಿ ಕೇಂದ್ರ ಜಿಎಸ್ಟಿ 26,039 ಕೋಟಿ ರೂ. ಹಾಗೂ ರಾಜ್ಯ ಜಿಎಸ್ಟಿ 33,396 ಕೋಟಿ ರೂಪಾಯಿಯಾಗಿದೆ.
ಜುಲೈ 2017 ರಲ್ಲಿ ಹೊಸ ಪರೋಕ್ಷ ತೆರಿಗೆ ಪದ್ಧತಿಯನ್ನು ಪ್ರಾರಂಭಿಸಿದ ನಂತರ ಈ ವರ್ಷದ ಏಪ್ರಿಲ್ನಲ್ಲಿ ದಾಖಲೆಯ 1,67,540 ಕೋಟಿ ರೂಪಾಯಿ ಸಂಗ್ರಹವಾಗಿತ್ತು. ಅದಾದ ಬಳಿಕ ಕಳೆದ ತಿಂಗಳಿನಲ್ಲಿ 1,51,718 ಕೋಟಿ ರೂಪಾಯಿ ಸಂಗ್ರಹವಾಗಿದೆ ಎಂದು ಅಧಿಕೃತ ಡೇಟಾ ತಿಳಿಸಿದೆ.
ಅಕ್ಟೋಬರ್ 2022 ರ ಜಿಎಸ್ಟಿ ಸಂಗ್ರಹದ ಕುರಿತು ಪ್ರತಿಕ್ರಿಯಿಸುತ್ತಾ, ಹಣಕಾಸು ಸಚಿವಾಲಯ, "ಸತತ ಎಂಟು ತಿಂಗಳಿನಿಂದ, ಮಾಸಿಕ ಜಿಎಸ್ಟಿ ಆದಾಯವು 1.4 ಲಕ್ಷ ಕೋಟಿ ರೂಪಾಯಿಗಿಂತ ಹೆಚ್ಚಿದೆ. ಸೆಪ್ಟೆಂಬರ್ 2022 ರಲ್ಲಿ, 8.3 ಕೋಟಿ ಇ-ವೇ ಬಿಲ್ಗಳನ್ನು ಜನರೆಟ್ ಮಾಡಲಾಗಿದೆ. ಇದು ಆಗಸ್ಟ್ 2022 ರಲ್ಲಿ ಜನರೆಟ್ ಮಾಡಲಾದ 7.7 ಕೋಟಿ ಇ-ವೇ ಬಿಲ್ಗಳಿಗಿಂತ ಗಮನಾರ್ಹವಾಗಿ ಹೆಚ್ಚಾಗಿದೆ. ಅಕ್ಟೋಬರ್ನಲ್ಲಿ ಸಂಗ್ರಹವಾಗಿರುವ ಮೊತ್ತವು ಸೆಪ್ಟೆಂಬರ್ನಲ್ಲಿ ಕೈಗೊಂಡ ವ್ಯಾಪಾರ ಚಟುವಟಿಕೆಗಳನ್ನು ಪ್ರತಿಬಿಂಬಿಸುತ್ತವೆ" ಎಂದಿದೆ.
ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿದರೆ ಈ ಅಕ್ಟೋಬರ್ನಲ್ಲಿ ಹೆಚ್ಚಿನ ಪ್ರಮುಖ ರಾಜ್ಯಗಳು ಜಿಎಸ್ಟಿ ಸಂಗ್ರಹಗಳಲ್ಲಿ ಎರಡಂಕಿಯ ಬೆಳವಣಿಗೆಯನ್ನು ದಾಖಲಿಸಿವೆ. ಜಮ್ಮು ಮತ್ತು ಕಾಶ್ಮೀರ, ಅಸ್ಸಾಂ, ಛತ್ತೀಸ್ಗಢ ಮತ್ತು ಬಿಹಾರಗಳಲ್ಲಿ ಆದಾಯವು ಸ್ವಲ್ಪ ಕುಸಿತವನ್ನು ಕಂಡಿದೆ.
Click it and Unblock the Notifications
Sign in with Google