• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಷೇರು ಮಾರುಕಟ್ಟೆಗೆ ಶುಭ ಶುಕ್ರವಾರ, ಸೆನ್ಸೆಕ್ಸ್ 732 ಅಂಶ ಏರಿಕೆ

|

ಮುಂಬೈ, ಅಕ್ಟೋಬರ್ 12: ಮಾಹಿತಿ ತಂತ್ರಜ್ಞಾನದ ಕಂಪನಿಯ ಷೇರುಗಳನ್ನು ಹೊರತುಪಡಿಸಿ ಉಳಿದ ವಲಯದ ಕಂಪನಿಗಳ ಷೇರುಗಳಲ್ಲಿ ಶುಕ್ರವಾರ ಭರ್ಜರಿ ಖರೀದಿಯಾಗಿ ಬಿಎಸ್ ಇ ಸೆನ್ಸೆಕ್ಸ್ ಸೂಚ್ಯಂಕವು 732 ಅಂಶಗಳಷ್ಟು ಏರಿಕೆ ಕಂಡು, 34,733 ಅಂಶಗಳಿಗೆ ದಿನದ ಹಾಗೂ ವಾರಾಂತ್ಯದ ವಹಿವಾಟು ಕೊನೆಗೊಳಿಸಿತು. ಇನ್ನು ಎನ್ಎಸ್ಇ ನಿಫ್ಟಿ ಸೂಚ್ಯಂಕವು 237 ಅಂಶ ಏರಿಕೆಯಾಗಿ, 10,472ಕ್ಕೆ ದಿನಾಂತ್ಯ ಕಂಡಿದೆ.

ಇದೇ ವೇಳೆ ಅಮೆರಿಕ ಡಾಲರ್ ವಿರುದ್ಧ ರುಪಾಯಿ ಮೌಲ್ಯವು ಚೇತರಿಕೆ ಕಂಡಿದೆ. ಮುಂಬರುವ ದಿನಗಳಲ್ಲಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದಿಂದ ಬಡ್ಡಿ ದರದ ವಿಚಾರವಾಗಿ ಯಾವ ನಿರ್ಧಾರ ತೆಗೆದುಕೊಳ್ಳಬಹುದು ಎಂಬ ಬಗ್ಗೆ ಪರಿಣತರು ಕುತೂಹಲದಿಂದ ಕಾಯುತ್ತಿದ್ದಾರೆ. ಇದರಿಂದ ಆರ್ಥಿಕತೆ ಮೇಲೂ ಪರಿಣಾಮ ಆಗಲಿದೆ.

ಷೇರುಪೇಟೆಯಲ್ಲಿ ತಲ್ಲಣ : ಕೆಲ ನಿಮಿಷಗಳಲ್ಲೇ 3 ಲಕ್ಷ ಕೋಟಿ ನಷ್ಟ

ನಿಫ್ಟಿ- 50 ಸೂಚ್ಯಂಕದಲ್ಲಿರುವ ಐವತ್ತು ಷೇರುಗಳ ಪೈಕಿ 46 ಷೇರುಗಳು ಏರಿಕೆ ಕಂಡವು. ಮಾರುತಿ ಸುಜುಕಿ, ಬಜಾಜ್ ಫೈನಾನ್ಸ್, ಐಷರ್ ಮೋಟಾರ್ಸ್, ಮಹೀಂದ್ರಾ ಅಂಡ್ ಮಹೀಂದ್ರಾ, ಹಿಂದೂಸ್ತಾನ್ ಪೆಟ್ರೋಲಿಯಂ ಹಾಗೂ ಜೆಎಸ್ ಡಬ್ಲ್ಯು ಸ್ಟೀಲ್ 5ರಿಂದ 6 ಪರ್ಸೆಂಟ್ ಏರಿಕೆ ಕಂಡವು.

ಇನ್ನು ಬ್ಯಾಂಕಿಂಗ್ ವಲಯದ ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಕೊಟಕ್ ಬ್ಯಾಂಕ್, ಐಡಿಎಫ್ ಸಿ ಬ್ಯಾಂಕ್ ಮತ್ತು ಇಂಡಸ್ ಇಂಡ್ ಬ್ಯಾಂಕ್ ಗಳು ಸಹ ಉತ್ತಮ ಏರಿಕೆ ದಾಖಲಿಸಿದವು.

800ಕ್ಕೂ ಹೆಚ್ಚು ಅಂಶ ಕುಸಿತ ಕಂಡ ಸೆನ್ಸೆಕ್ಸ್ ಸಾರ್ವಕಾಲಿಕ 13 ದಾಖಲೆ

ಅಮೆರಿಕ ಡಾಲರ್ ವಿರುದ್ಧ ರುಪಾಯಿ ಮೌಲ್ಯ ಗುರುವಾರದ ಕೊನೆಗೆ 74.14ಕ್ಕೆ ಅಂತ್ಯವಾಗಿತ್ತು. ಶುಕ್ರವಾರದಂದು ಒಳ್ಳೆ ಚೇತರಿಕೆ ಕಂಡ ರುಪಾಯಿ 73.62ಕ್ಕೆ ತಲುಪಿತು. ಆ ಕಾರಣಕ್ಕೆ ಐಟಿ (ಮಾಹಿತಿ ತಂತ್ರಜ್ಞಾನ ಕಂಪನಿ) ಷೇರುಗಳು ಇಳಿಕೆ ಕಂಡವು. ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು ಬಂಡವಾಳ ಹಿಂತೆಗೆದುಕೊಂಡರೂ ಮಾರುಕಟ್ಟೆ ಏರಿಕೆಗೆ ಯಾವುದೇ ತಡೆ ಆಗಲಿಲ್ಲ.

English summary
Indian stock markets bounced back on Friday boosted by buying across sectors except IT, amid strong gains in the rupee. BSE benchmark index Sensex ended 732 points higher at 34,733 while the NSE Nifty settled at 10,472, up 237 points from the previous close.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X