Gold Price: ಚಿನ್ನ-ಬೆಳ್ಳಿ ದರದಲ್ಲಿ ಮತ್ತೆ ಹಾವು-ಏಣಿ ಆಟ: ಒಂದೇ ದಿನದಲ್ಲಿ ದಾಖಲೆಯ ಏರಿಕೆ ಕಂಡ ಬಂಗಾರ
ಬೆಂಗಳೂರು: ಜಾಗತಿಕವಾಗಿ ಹೆಚ್ಚು ಬೇಡಿಕೆ ಸೃಷ್ಟಿಸಿಕೊಂಡಿರುವ ಚಿನ್ನ-ಬೆಳ್ಳಿ ದರದಲ್ಲಿ ಹಾವು ಏಣಿ ಆಟ ಮುಂದುವರಿದಿದೆ. ಕಳೆದ ಎಂಟು ದಿನಗಳಿಂದ ನಿರಂತರವಾಗಿ ಇಳಿಕೆ ಮತ್ತು ಆಗಾಗ ಏರಿಕೆ ಕಾಣುತ್ತಿರುವ ಚಿನ್ನ-ಬೆಳ್ಳಿ ಎರಡು ಲೋಹಗಳ ದರದಲ್ಲಿ ಇಂದು ಶನಿವಾರ ಫೆಬ್ರವರಿ 07ರಂದು ಮತ್ತೆ ಹೆಚ್ಚಾಗಿದೆ. ಅದರಲ್ಲೂ ಬಂಗಾರದ ಬೆಲೆಯಲ್ಲಿ ದಾಖಲೆಯ ಏಕದಿನದ ಗರಿಷ್ಠ ಹೆಚ್ಚಳ ಕಂಡು ಬಂದಿದೆ. ಶ್ವೇತ ಲೋಹ ಬೆಳ್ಳಿಯಲ್ಲಿ ದರ ಸ್ವಲ್ಪ ಏರಿಕೆ ಆಗಿದೆ.
ಹೂಡಿಕೆದಾರರಿಗೆ ಇಂದಿನ ದರ ಹೆಚ್ಚಳ ಕೊಂಚ ನೆಮ್ಮದಿ ತಂದಿದ್ದು, ಏರಿಕೆಯ ಭರವಸೆ ಮೂಡಿಸಿದೆ. ಗ್ರಾಹಕರಿಗೆ ಮತ್ತೆ ಆಘಾತ ನೀಡಿದೆ. 24 ಕ್ಯಾರಟ್ ಚಿನ್ನದ ದರವು ಒಂದೇ ದಿನಕ್ಕೆ 2890 ರೂಪಾಯಿ ಹೆಚ್ಚಾಗಿದ್ದು, 10 ಗ್ರಾಂ ಬೆಲೆ ಇಂದು 1,56,600 ರೂಪಾಯಿ ಮುಟ್ಟಿದೆ. ಇದರ ಬೆಲೆ ನೆನ್ನೆ ಶುಕ್ರವಾರ (ಫೆ.06) 1,53,710 ರೂಪಾಯಿ ಇತ್ತು.
ಇನ್ನೂ 22 ಕ್ಯಾರಟ್ ಚಿನ್ನದ ದರವು ಒಂದೇ ದಿನಕ್ಕೆ 2650 ರೂಪಾಯಿಗೆ ಏರಿಕೆ ಕಾಣುವ ಮೂಲಕ ಅದರ 10 ಗ್ರಾಂ ಬೆಲೆ ಇಂದು 1,43,550 ರೂಪಾಯಿ ತಲುಪಿದೆ. ಇದರ ಬೆಲೆ ನೆನ್ನೆ ಶುಕ್ರವಾರ (ಫೆ.06) 1,12,720 ರೂಪಾಯಿ ಇತ್ತು ಎಂದು ಮಾರುಕಟ್ಟೆ ಮೂಲಗಳು ತಿಳಿಸಿವೆ. ದರದಲ್ಲಿ ವ್ಯತ್ಯಾಸವಾಗಿದ್ದರೂ ಸಹಿತ ಚಿನ್ನವು ಇಳಿಕೆಯ ಹಾದಿ ಹಿಡಿದಿದೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ಇಳಿಕೆ ಆಗಲಿದೆಯೇ ಎಂಬ ಚರ್ಚೆಗಳು ಶುರುವಾಗಿವೆ.
ಬೆಳ್ಳಿ ದರ 10,000 ರೂ.ಏರಿಕೆ
ಸಾರ್ವಕಾಲಿಕ ದಾಖಲೆ ಮಟ್ಟ ತಲುಪಿದ್ದ ಬೆಳ್ಳಿ ಒಂದು ಕೆಜಿ ಬೆಲೆಯು ಮತ್ತೆ 10,000 ರೂಪಾಯಿಗೆ ಏರಿಕೆ ಆಗಿದೆ. ಇದರಿಂದಾಗಿ ನೆನ್ನೆ ಶುಕ್ರವಾರ 2,75,000 ರೂಪಾಯಿ ಇದ್ದ ಬೆಳ್ಳಿಯು ಇವತ್ತಿಗೆ 2,85,000 ರೂಪಾಯಿಗೆ ಮುಟ್ಟಿದೆ. ಇದು ಗ್ರಾಹಕರನ್ನು ಚಿಂತೀಗೀಡಾಗುವಂತೆ ಮಾಡಿದೆ. ಫೆಬ್ರವರಿ 4ರಂದು ಒಂದೇ ದಿನ 40,000 ರೂಪಾಯಿ ಏರಿಕೆ ಕಂಡಿದ್ದ ಬೆಳ್ಳಿ, ನಂತರ ಎರಡು ದಿನ ನಿರಂತರವಾಗಿ 20,000 ಮತ್ತು 25,000 ರೂಪಾಯಿ ಇಳಿಕೆ ಕಂಡಿತ್ತು. ಇಂದು ಮತ್ತೆ ಹೆಚ್ಚಾಗಿದೆ.
ಚಿನ್ನದ ಮೇಲೆ ಹೂಡಿಕೆ ಬಗ್ಗೆ ಆರ್ಥಿಕ ತಜ್ಞರು ಹೇಳುವುದೇನು?
ಆರ್ಥಿಕ ತಜ್ಞರು, ಮಾರುಕಟ್ಟೆಯಲ್ಲಿ ಈ ಲೋಹಗಳಿಗೆ ಬೇಡಿಕೆ ಇದ್ದೇ ಇದೆ. ಕೈಗಾರಿಕೆಗೆ ಹೆಚ್ಚು ಬಳಕೆ ಆಗುತ್ತಿರುವ ಬೆಳ್ಳಿಯು ಪೂರೈಕೆ ಈ ವರ್ಷ ಕೊಂಚ ಕಡಿಮೆ ಆಗಲಿದ್ದು, ಅದರ ಬೆಲೆ ಮತ್ತಷ್ಟು ಹೆಚ್ಚಾಗುವ ನಿರೀಕ್ಷೆ ಇದೆ ಎಂದಿದ್ದಾರೆ. ಮತ್ತೊಬ್ಬರು ಚಿನ್ನದ ಬೆಲೆಯಲ್ಲಿ ಹಾವು ಏಣಿ ಆಟ ಮುಂದುವರಿಯಲಿದೆ. ಆದರೆ ಹೂಡಿಕೆದಾರರು ಅಗತ್ಯ ಎಚ್ಚರಿಕೆ ವಹಿಸಬೇಕು. ಅಧಿಕ ಲಾಭದ ಆಸೆಗೆ ಬಿದ್ದು ಚಿನ್ನದ ಮೇಲೆ ಭಾರೀ ಹಣ ಹೂಡಿಕೆ ನಿರ್ಧಾರ ಸದ್ಯಕ್ಕೆ ಬೇಡ ಎಂದಿದ್ದಾರೆ. ಸದ್ಯ ಎಲ್ಲೆಡೆ ಚಿನ್ನ-ಬೆಳ್ಳಿ ದರ ಇಳಿಕೆ ಮತ್ತು ಏರಿಕೆ, ಹೂಡಿಕೆ, ಖರೀದಿ ಕುರಿತು ಹೆಚ್ಚಿನ ಚರ್ಚೆಗಳು ಮುಂದುವರಿದಿವೆ.
Click it and Unblock the Notifications
Sign in with Google