Gold Rate Today: ಬಂಗಾರ ಪ್ರಿಯರಿಗೆ ಸಿಹಿಸುದ್ದಿ: ಇಂದೂ ಇಳಿಕೆ ಕಂಡ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರಗಳು ಹೀಗಿವೆ

ಕಳೆದ ಕೆಲವು ದಿನಗಳಿಂದ ಸತತವಾಗಿ ಏರಿಕೆ ಕಾಣುತ್ತಿದ್ದ ಹಳದಿ ಲೋಹದ ಬೆಲೆಯಲ್ಲಿ ಇಂದು ಕೊಂಚ ಇಳಿಕೆಯಾಗುವ ಮೂಲಕ ಚಿನ್ನದ ಪ್ರಿಯರಿಗೆ ನಿರಾಳ ತಂದಿದೆ. ಬೆಂಗಳೂರಿನಲ್ಲಿ ಇಂದು ಪ್ರತಿ ಗ್ರಾಂ ಚಿನ್ನದ ದರದಲ್ಲಿ ಸಣ್ಣ ಪ್ರಮಾಣದ ಕುಸಿತ ಕಂಡುಬಂದಿದೆ. ಜಾಗತಿಕ ಮಾರುಕಟ್ಟೆಯಲ್ಲಿನ ಏರಿಳಿತ ಹಾಗೂ ಡಾಲರ್ ಮೌಲ್ಯದಲ್ಲಿನ ಬದಲಾವಣೆಗಳು ಸ್ಥಳೀಯವಾಗಿ ಚಿನ್ನದ ದರದ ಮೇಲೆ ಪರಿಣಾಮ ಬೀರಿವೆ. ದರದಲ್ಲಿ ಭಾರಿ ಕುಸಿತ ಕಂಡುಬರದಿದ್ದರೂ, ಸತತವಾಗಿ ಏರುತ್ತಿದ್ದ ದರಕ್ಕೆ ಬ್ರೇಕ್ ಬಿದ್ದಿರುವುದು ಮದುವೆ ಮತ್ತಿತರ ಶುಭ ಸಮಾರಂಭಗಳಿಗಾಗಿ ಚಿನ್ನ ಖರೀದಿಸಲು ಯೋಜಿಸುತ್ತಿದ್ದ ಗ್ರಾಹಕರಿಗೆ ತುಸು ಸಮಾಧಾನ ತಂದಿದೆ.

ಬೆಂಗಳೂರಿನ ಮಾರುಕಟ್ಟೆಯಲ್ಲಿ ಇಂದು 24 ಕ್ಯಾರೆಟ್ ಚಿನ್ನದ ದರವು ಕೊಂಚ ಇಳಿಕೆ ಕಾಣುವ ಮೂಲಕ ಗ್ರಾಹಕರಿಗೆ ಸಮಾಧಾನ ತಂದಿದೆ. ಇಂದು ಪ್ರತಿ ಗ್ರಾಂ ಅಪರಂಜಿ ಚಿನ್ನದ ಬೆಲೆ ₹15,917 ಕ್ಕೆ ತಲುಪಿದ್ದು, ನಿನ್ನೆಯ ದರವಾದ ₹15,966 ಕ್ಕೆ ಹೋಲಿಸಿದರೆ ₹49 ರಷ್ಟು ಕುಸಿತ ಕಂಡಿದೆ. ಅದರಂತೆ, 8 ಗ್ರಾಂ ಚಿನ್ನದ ಬೆಲೆ ₹1,27,336 ಹಾಗೂ 10 ಗ್ರಾಂ ಚಿನ್ನದ ಬೆಲೆ ₹1,59,170 ಆಗಿದೆ. ಸತತ ಏರಿಕೆಯ ಹಾದಿಯಲ್ಲಿದ್ದ ಬೆಲೆಯಲ್ಲಿ ಇಂದು ಪ್ರತಿ 10 ಗ್ರಾಂಗೆ ಒಟ್ಟಾರೆ ₹490 ರಷ್ಟು ಕಡಿತವಾಗಿದ್ದು, ಅತಿ ಹೆಚ್ಚು ಅಂದರೆ 100 ಗ್ರಾಂ ಚಿನ್ನದ ಮೇಲೆ ₹4,900ರಷ್ಟು ಇಳಿಕೆಯಾಗಿದೆ.

ಇಂದು 22 ಕ್ಯಾರೆಟ್ ಆಭರಣ ಚಿನ್ನದ ದರವು ಇಳಿಕೆ ಕಂಡಿದ್ದು, ಗ್ರಾಹಕರಿಗೆ ಕೊಂಚ ನಿರಾಳ ತಂದಿದೆ. ಇಂದು ಪ್ರತಿ ಗ್ರಾಂ ಚಿನ್ನದ ಬೆಲೆ ₹14,590 ಕ್ಕೆ ತಲುಪಿದ್ದು, ನಿನ್ನೆಯ ದರವಾದ ₹14,635ಕ್ಕೆ ಹೋಲಿಸಿದರೆ ₹45 ರಷ್ಟು ಇಳಿಕೆಯಾಗಿದೆ. ಅದರಂತೆ, 8 ಗ್ರಾಂ ಚಿನ್ನದ ಬೆಲೆ ₹1,16,720 ಹಾಗೂ 10 ಗ್ರಾಂ ಚಿನ್ನದ ಬೆಲೆ ₹1,45,900 ಆಗಿದೆ. ನಿನ್ನೆಗೆ ಹೋಲಿಸಿದರೆ ಇಂದು ಪ್ರತಿ 10 ಗ್ರಾಂ ಚಿನ್ನದ ಮೇಲೆ ₹450 ರಷ್ಟು ಕಡಿತವಾಗಿದ್ದು, ಅತಿ ಹೆಚ್ಚು ಅಂದರೆ 100 ಗ್ರಾಂ ಚಿನ್ನದ ಮೇಲೆ ಒಟ್ಟಾರೆ ₹4,500 ರಷ್ಟು ಇಳಿಕೆ ಕಂಡುಬಂದಿದೆ.

18 ಕ್ಯಾರೆಟ್ ಚಿನ್ನದ ದರದಲ್ಲಿಯೂ ಇಂದು ಇಳಿಕೆ ಕಂಡುಬಂದಿದ್ದು, ಆಭರಣ ಪ್ರಿಯರಿಗೆ ವರದಾನವಾಗಿದೆ. ಇಂದು ಪ್ರತಿ ಗ್ರಾಂ 18 ಕ್ಯಾರೆಟ್ ಚಿನ್ನದ ಬೆಲೆ ₹11,93 ಕ್ಕೆ ತಲುಪಿದ್ದು, ನಿನ್ನೆಯ ದರವಾದ ₹11,974ಕ್ಕೆ ಹೋಲಿಸಿದರೆ ₹36 ರಷ್ಟು ಕುಸಿತ ಕಂಡಿದೆ. ಅದರಂತೆ, 8 ಗ್ರಾಂ ಚಿನ್ನದ ಬೆಲೆ ₹95,504 ಹಾಗೂ 10 ಗ್ರಾಂ ಚಿನ್ನದ ಬೆಲೆ ₹1,19,380 ಆಗಿದೆ. ನಿನ್ನೆಗೆ ಹೋಲಿಸಿದರೆ ಇಂದು ಪ್ರತಿ 10 ಗ್ರಾಂ ಚಿನ್ನದ ಮೇಲೆ ₹360 ರಷ್ಟು ಕಡಿತವಾಗಿದ್ದು, ಅತಿ ಹೆಚ್ಚು ಅಂದರೆ 100 ಗ್ರಾಂ ಚಿನ್ನದ ಮೇಲೆ ಒಟ್ಟಾರೆ ₹3,600ರಷ್ಟು ಇಳಿಕೆ ದಾಖಲಾಗಿದೆ.

ಕಳೆದ 10 ದಿನಗಳ ಚಿನ್ನದ ದರ ಏರಿಳಿತ

ಬೆಂಗಳೂರಿನಲ್ಲಿ ಮಾರ್ಚ್ 7ರಿಂದ ಮಾರ್ಚ್ 16ರ ವರೆಗಿನ ಹತ್ತು ದಿನಗಳ ಅವಧಿಯಲ್ಲಿ ಚಿನ್ನದ ದರವು ಗಮನಾರ್ಹ ಏರಿಳಿತಗಳನ್ನು ಕಂಡಿದೆ. ಮಾರ್ಚ್ 7 ಮತ್ತು 8ರಂದು 24 ಕ್ಯಾರೆಟ್ ಚಿನ್ನದ ದರವು ₹16,364 ರಷ್ಟಿದ್ದು, ಗರಿಷ್ಠ ಮಟ್ಟದಲ್ಲಿತ್ತು. ಆದರೆ, ಮಾರ್ಚ್ 9ರಿಂದ ದರದಲ್ಲಿ ಸಣ್ಣ ಪ್ರಮಾಣದ ಇಳಿಕೆ ಆರಂಭವಾಯಿತು. ಮಾರ್ಚ್ 11 ಮತ್ತು 12ರಂದು ಸ್ವಲ್ಪ ಏರಿಕೆ ಕಂಡರೂ ಮಾರ್ಚ್ 13ರಿಂದ ಸತತವಾಗಿ ದರ ಕುಸಿಯುತ್ತಿದೆ. 22 ಕ್ಯಾರೆಟ್ ಆಭರಣ ಚಿನ್ನದ ದರವು ಮಾರ್ಚ್ 7 ರಂದು ₹15,000 ಇತ್ತು, ಅದು ಇಂದು ₹14,590ಕ್ಕೆ ತಲುಪಿದ್ದು, ಹತ್ತು ದಿನಗಳಲ್ಲಿ ₹410 ರಷ್ಟು ಇಳಿಕೆಯಾದಂತಾಗಿದೆ. ಕಳೆದ ಐದು ದಿನಗಳಿಂದ ಸತತವಾಗಿ ಬೆಲೆ ಇಳಿಯುತ್ತಿರುವುದು ಚಿನ್ನ ಖರೀದಿದಾರರಿಗೆ ಉತ್ತಮ ಅವಕಾಶವನ್ನು ಸೃಷ್ಟಿಸಿದೆ.

ಬೆಳ್ಳಿ ದರವೂ ಇಳಿಕೆ: ಪ್ರತಿ ಕೆಜಿಗೆ 5,000 ರೂಪಾಯಿ ಕಡಿತ

ಇಂದು ಚಿನ್ನದ ದರದ ಹಾದಿಯಲ್ಲೇ ಬೆಳ್ಳಿ ಬೆಲೆಯೂ ಸಹ ಭಾರೀ ಕುಸಿತ ಕಂಡಿದ್ದು, ಗ್ರಾಹಕರಿಗೆ ದೊಡ್ಡ ಮಟ್ಟದ ನಿರಾಳ ತಂದಿದೆ. ಬೆಂಗಳೂರಿನಲ್ಲಿ ಇಂದು ಪ್ರತಿ ಕಿಲೋ ಬೆಳ್ಳಿ ದರದಲ್ಲಿ ಬರೋಬ್ಬರಿ ₹5,000ರಷ್ಟು ಇಳಿಕೆಯಾಗಿದೆ. ಪ್ರತಿ ಗ್ರಾಂ ಬೆಳ್ಳಿಗೆ ಇಂದು ₹270 ದರವಿದ್ದು, ನಿನ್ನೆಗೆ ಹೋಲಿಸಿದರೆ ₹5ರಷ್ಟು ಇಳಿಕೆಯಾಗಿದೆ. ಪ್ರತಿ ಕಿಲೋಗ್ರಾಂ ಬೆಳ್ಳಿ ಇಂದು ₹2,70,000ಕ್ಕೆ ತಲುಪಿದ್ದು, ನಿನ್ನೆಯ ದರಕ್ಕಿಂತ ₹5,000ರಷ್ಟು ಭರ್ಜರಿ ಕುಸಿತ ಕಂಡಿದೆ. ಚಿನ್ನದ ಬೆಲೆಯೊಂದಿಗೆ ಬೆಳ್ಳಿಯ ದರವೂ ಗಣನೀಯವಾಗಿ ಇಳಿಕೆಯಾಗಿರುವುದು ಆಭರಣ ಪ್ರಿಯರಿಗೆ ಹಾಗೂ ಕೈಗಾರಿಕಾ ಉದ್ದೇಶಕ್ಕಾಗಿ ಬೆಳ್ಳಿ ಖರೀದಿಸುವವರಿಗೆ ವರದಾನವಾಗಿದೆ.

ಇಂದು ಚಿನ್ನ ಮತ್ತು ಬೆಳ್ಳಿ ಬೆಲೆಗಳಲ್ಲಿ ಇಳಿಕೆಯಾಗಿ ಗ್ರಾಹಕರಿಗೆ ಸಮಾಧಾನ ತಂದಿದ್ದರೆ, ಪ್ಲಾಟಿನಂ ಪ್ರಿಯರಿಗೆ ಮಾತ್ರ ಬೆಲೆ ಏರಿಕೆಯ ಬಿಸಿ ತಟ್ಟಿದೆ. ಬೆಂಗಳೂರಿನಲ್ಲಿ ಇಂದು ಪ್ಲಾಟಿನಂ ಬೆಲೆಯಲ್ಲಿ ಗಮನಾರ್ಹ ಏರಿಕೆ ದಾಖಲಾಗಿದೆ. ಪ್ರತಿ ಗ್ರಾಂ ಪ್ಲಾಟಿನಂಗೆ ಇಂದು ₹6,111 ದರವಿದ್ದು, ನಿನ್ನೆಗೆ ಹೋಲಿಸಿದರೆ ₹82ರಷ್ಟು ಏರಿಕೆಯಾಗಿದೆ. ಪ್ರತಿ 10 ಗ್ರಾಂ ಪ್ಲಾಟಿನಂಗೆ ಇಂದು ₹61,110ಕ್ಕೆ ತಲುಪಿದ್ದು, ನಿನ್ನೆಯ ದರಕ್ಕಿಂತ ₹820ರಷ್ಟು ಹೆಚ್ಚಳ ಕಂಡಿದೆ. ಮಾರುಕಟ್ಟೆಯಲ್ಲಿ ಹಳದಿ ಲೋಹದ ಬೆಲೆ ಕುಸಿತದ ಹಾದಿಯಲ್ಲಿದ್ದರೆ, ಪ್ಲಾಟಿನಂ ಬೆಲೆ ಮಾತ್ರ ಏರುಗತಿಯಲ್ಲಿರುವುದು ಹೂಡಿಕೆದಾರರ ಗಮನ ಸೆಳೆದಿದೆ.

English summary

Gold prices in Bengaluru saw a slight drop today bringing relief to buyers. 24-carat gold fell by ₹49 per gram while silver prices dropped ₹5,000 per kg.