ಪಿತೃಪಕ್ಷದಲ್ಲೂ ಏರಿತು ಚಿನ್ನದ ಬೆಲೆ, ಏರಿಕೆಯಲ್ಲೂ ದಾಖಲೆ
ಚಿನ್ನದ ಆಭರಣ ಖರೀದಿ ಮಾಡಬೇಕು ಅಂದುಕೊಂಡಿದ್ದೀರಾ? ಈಗ ಪಿತೃಪಕ್ಷ, ಹಬ್ಬದ ಹೊತ್ತಿಗೆ ಖರೀದಿ ಮಾಡ್ತೀವಿ ಅಂದುಕೊಂಡಿದ್ದರೂ ಈ ಸುದ್ದಿ ಒಮ್ಮೆ ಓದಿಕೊಳ್ಳಿ. ಚಿನ್ನದ ಬೆಲೆ ಹೇಗೆ ಏರಿದೆ ಪ್ರತಿ ಗ್ರಾಮ್ ಗೆ ಎಷ್ಟು ಹೆಚ್ಚು'ವರಿ' ಆಗುತ್ತದೆ ಅನ್ನೋದೆಲ್ಲ ತಿಳಿದುಕೊಂಡೇ ಅಂಗಡಿಗೆ ಹೊರಡಿ.
ಏಕೆಂದರೆ, ಚಿನಿವಾರ ಪೇಟೆಯಲ್ಲಿ ಬುಧವಾರ ಪ್ರತಿ 10 ಗ್ರಾಮ್ ಚಿನ್ನದ ಬೆಲೆಯಲ್ಲಿ 555 ರುಪಾಯಿ ಏರಿಕೆ ಆಗಿ, 32,030 ರುಪಾಯಿ ತಲುಪಿದೆ. ಸ್ಥಳೀಯ ಆಭರಣ ವ್ಯಾಪಾರಿಗಳಿಂದ ಹೆಚ್ಚಿದ ಖರೀದಿ ಉತ್ಸಾಹ, ಜಾಗತಿಕ ಮಾರುಕಟ್ಟೆಯ ಸಕಾರಾತ್ಮಕ ಪ್ರಭಾವದಿಂದ ಚಿನ್ನದ ಬೆಲೆ ಏರಿಕೆ ಕಂಡಿದೆ. ಬೆಳ್ಳಿ ಕೂಡ ಕೇಜಿಗೆ 39 ಸಾವಿರ ರುಪಾಯಿ ದಾಟಿದೆ.
ಡಾಲರ್ ವಿರುದ್ಧ ರುಪಾಯಿ ಸಾರ್ವಕಾಲಿಕ ಕುಸಿತ ಕಂಡು, ಆಮದು ದುಬಾರಿಯಾದರೂ ಚಿನ್ನದ ಬೆಲೆಯಲ್ಲಿ ಏರಿಕೆ ಆಗಿದೆ. ಇಟಲಿಯು ಬಜೆಟ್ ನ ಕೊರತೆ ನೀಗಿಸಲು ಯೋಜನೆ ರೂಪಿಸುತ್ತಿರುವ ಹಿನ್ನೆಲೆಯಲ್ಲಿ ಅದರ ಸುತ್ತ ಇರುವ ಆತಂಕದ ಕಾರಣಕ್ಕೆ ಚಿನ್ನದ ಬೇಡಿಕೆ ಮತ್ತಷ್ಟು ಹೆಚ್ಚಾಗಿದೆ.
ದೆಹಲಿಯಲ್ಲಿ 99.9% ಹಾಗೂ 99.5% ಶುದ್ಧತೆಯ ಚಿನ್ನದ ಬೆಲೆಯಲ್ಲಿ 555 ರುಪಾಯಿ ಏರಿಕೆಯಾಗಿ, ಪ್ರತಿ 10 ಗ್ರಾಮ್ ಗೆ ಕ್ರಮವಾಗಿ 32,030 ಮತ್ತು 31,880 ರುಪಾಯಿ ತಲುಪಿದೆ. ಸೋಮವಾರದಂದು ಚಿನ್ನದ ಬೆಲೆಯಲ್ಲಿ 150 ರುಪಾಯಿ ಇಳಿಕೆಯಾಗಿತ್ತು. ಗಾಂಧಿ ಜಯಂತಿ ಪ್ರಯುಕ್ತ ಮಂಗಳವಾರ ಮಾರುಕಟ್ಟೆಗೆ ರಜಾ ಇತ್ತು. ಸವರನ್ (ಎಂಟು ಗ್ರಾಮ್) ಚಿನ್ನದ ಬೆಲೆಯಲ್ಲೂ 100 ರುಪಾಯಿ ಏರಿಕೆಯಾಗಿ 24,600 ರುಪಾಯಿ ಮುಟ್ಟಿದೆ.
Click it and Unblock the Notifications
Sign in with Google